應選什麼中學好?應該就佢意思?

littlelamma

孩子小六, 要選中學了, 佢十分自律, 在學業上鬥心極強, 小五考全級第一,孩子有自己想法, 我同佢傾過好多次,佢很有個性, 心想選中學條件:
1. 有一兩好朋友升同一間近近地的Band1B就得,佢好朋友都係成績頭十名, 只要報同一間,相信一齊升是有很大機會的.佢地有幾個朋友傾好了。
2. 佢一定要男女校, 因為佢認為社會上是有男有女, 分開男校/女校不好, 但很多Band1頭的學校都是男校/女校
3. 不可以強的校,因佢話佢習慣考頭幾名, 如果去到超強校,佢怕自己成績只是中游,唔接受,好吃力。
4.體育方面,有打開波,大約青苗級別, 佢也興趣不大, 唔肯花多時間操, 一星期兩三小時, 所以更怕入體育強校連後備都做唔到。


其實我想佢試報神校,佢覺得收都唔讀,既然沒心讀就無謂浪費時間。

我是否應該就佢意思?

mrs.so

littlelamma 發表於 18-10-31 14:06
孩子小六, 要選中學了, 佢十分自律, 在學業上鬥心極強, 小五考全級第一,孩子有自己想法, 我同佢傾過好多次, ...

明白你所想，我當年大仔選校心態同你一樣，我交了三間神校直資及其餘直資，感恩其中一間神校收了，但我們家庭會議後決定放棄，最後願大仔所願入了津中，現在準備DSE，所以你要同孩子一起面對，不要勉強。

ilyrd

"學業上鬥心極強,但又唔敢唔想去更上一層,怕變成中游".有的矛盾.還是只想年年第一,"自我感覺良好".有鬥心的會去挑戰難度.另外"男女校"更加是不必要之選擇之一.我冇結論,不清楚你孩子真實心態.

0030

應該就佢意思

mrs.so

ilyrd 發表於 18-10-31 14:26
"學業上鬥心極強,但又唔敢唔想去更上一層,怕變成中游".有的矛盾.還是只想年年第一,"自我感覺良好".有鬥心的 ...

認同

升中係另一階段，有鬥心係好，來自不同層面不同心態情況有所不同，我當年係為自己個仔作出最壞打算，唔會望佢考得好，甚至想到包尾，但唔試唔心熄，所以按孩子心態及意願作出共識。

hkpapa852

littlelamma 發表於 18-10-31 14:06
孩子小六, 要選中學了, 佢十分自律, 在學業上鬥心極強, 小五考全級第一,孩子有自己想法, 我同佢傾過好多次, ...

似乎是一個家長不太瞭解小孩子的故事

家長認為: 在學業上鬥心極強

現實係: 不可以強的校,因佢話佢習慣考頭幾名, 如果去到超強校,佢怕自己成績只是中游,唔接受,好吃力。


如果真係鬥心強, 其實係不怕遇到神一樣的對手, 只怕遇到豬一樣的隊友

如果小朋友只想留在comfort zone, 其實可能要再降低要求.

因為不少1B中學, 其實都係臥虎藏龍, 要脫顈而出維持名列前矛, 並非想像中容易

是否順小朋友意見是其次, 教會小朋友學識離開comfort zone追求進步先重要

gracelam

littlelamma 發表於 18-10-31 14:06
孩子小六, 要選中學了, 佢十分自律, 在學業上鬥心極強, 小五考全級第一,孩子有自己想法, 我同佢傾過好多次, ...

我會由得佢自己選擇, 讀書嗰果係佢自己。 好少小六男生知道自己想要咩, 好多仲發緊夢。

kittyBB2018

hkpapa852 發表於 18-10-31 15:12
似乎是一個家長不太瞭解小孩子的故事

家長認為: 在學業上鬥心極強

HKpapa852 非常有道理！樓主有必要將這番話和孩子聊一聊。看看他的反應。
不過，我最後還是會把選擇權交給孩子，畢竟是他的人生道路，他的選擇。

B.B.BaBa

表面睇係知道自己想要 D 咩......
但家長係咪可以俾多 D 指引呢？輸唔起的心態是否健康？值得思考
小五級一去到 BAND 1B 中學如果唔係名列前矛會唔會接受唔到呢？到時要唔要轉去一間 BAND 2學校俾佢考到前幾名？

joeyxlma

就選校而言, 必須有共識. 但不建議盲從. 其實升中選校是對小朋友很好的歷練. 讓小朋友認識自己且認識外界. 人外有人, 天外有天.


就你Case 而言,小朋友成績是B1A, 得罪說他心智不是B1A. 因此強烈建議你要多花心思教他做人正面和勇敢些 -- 不要搞錯, 不是說不入神校就沒大志 -- 只是不能令他習慣逃避. 在目前關頭是很重要, 如果這次也不夠決心闖出去, 那級一的光環很易會消失.


具體而言:
條件1: "入有好朋友一起的一間": 如樓主你說如果朋友也是與他能力相若的學校, 那我覺得可以就.
            以KL3 為例, 你可能覺得他是DB/LS 材料, 不過他想入華英/迦密, 我認為可以. 因為最終讀書的始終是他

條件2:  男女校: 我認為這點小朋友既有preference, 我會讓他

條件3:  不能就, 但也不能不就. 前提還是他讀而不是家長讀. 所以只能跟他談出個 "共識" 來. 插科打諢也 好、曉之大義也罷. 這點其實是最困難的.

條件4:   "興趣不大" 與 "因為唔叻唔肯玩" 是兩回事. 體育運動強身健體為主, 打出成就是BONUS, 所以沒興趣就算. 但因為怕輸而不努力, 就回到做人方面.




升中選校是一個讓你和小朋友同心協力去闖關的機會, 另一方面看, 現在不教他做人等几時?

JustAParent

littlelamma 發表於 18-10-31 14:06
孩子小六, 要選中學了, 佢十分自律, 在學業上鬥心極強, 小五考全級第一,孩子有自己想法, 我同佢傾過好多次, ...

我唔知呢四個理由說唔說服到你，至少說服唔到我。

我唔同意將升中決定權完全下放比小朋友。我做法係篩選幾間學校比小朋友揀，這是鳥籠中的自由。要飛出去，過幾年先啦。

kennyklt

成班同學仔諗住一齊報間B1B中學繼續開心，過幾個月已經可能有幾個同學入咗直資，再幾個月派位時發現其餘老友已經自行或抽奬入咗名津，得返你個仔一個入附近B1B中學。
小六學生仲係細，唔可以俾佢完全決定。

subb

有無問仔仔自己喜歡那一間中學???
點解唔係他影響番同學????
影響同學發力一起去B1A中學, 而受同學影響 ?

Cliokohonda

littlelamma 發表於 18-10-31 14:06
孩子小六, 要選中學了, 佢十分自律, 在學業上鬥心極強, 小五考全級第一,孩子有自己想法, 我同佢傾過好多次, ...

上到中學是另一境界，忘記什麼小學級一，鬥心極強。。

中學課程比小學急及闊好多，成績波幅好大，最緊要揀一間孩子不反感既中學。
正如被老闆強迫返大陸，唔係人人頂到。

greentea000

好朋友同學既父母都同意一齊報同一間近近地b1b？

Yanamami

世上那有長勝將軍？佢应該要有心理準備天外有天｡

小曳人

好肯定呢間B1B 乙一夠位？
同孩子解釋一下，唔係必然幾個好同學派同一間架！
而且，一間學校亦唔只得banding 一樣"特質"，不如選一間比較合適嘅 (唔一定係神校)

既然用家咁多意見，叫佢去說服你, 將佢會填落表嘅學校有乜長短list down 出嚟 比較一下

洋蔥頭媽咪

學業上若屬强鬥心，應該唔會咁怕失敗怕變中游，似乎小朋友自信心不太足夠，亦非强鬥心、遇强越强性格。

選中學可考慮孩子意願，但跟同學去揀唔係太好，樓主小朋友似乎只是安於現狀保持自我感覺良好。其實孩子年纪漸長，一定要學懂面對錯败，就算將來考dse/入大學，都有機會面對失败，考唔倒级頭幾名就怕接受唔倒，唔可以揀强校，樓主真的要好好引導孩子改變佢谂法先得啦！