不是以小朋友為本的學校很可怕

993rs

打左一大段最後都 delete 左。只想講，呢度有唔少過來人，當初心態同樓主差不多，我都係。但你去到升小你就明。

另外想為呢間幼稚園平反一下，佢有能本事將一d深既課程，編成有趣既[糖衣陷阱]，令小朋友學得開心，其實你應該多謝佢既心思，呢樣其實都係教育應有既一部份。學習並非每刻都有趣，你上到小學或以上，再悶既課程都係咁讀，再唔會有[糖衣陷阱]。

條條大路通羅馬，樓主既立場其實冇錯，呢間幼稚園亦冇錯。若果堅持要 happy，你有必要睇前幾步條路點行。

993rs

hkpapa852 發表於 18-10-25 10:15
會報得2X間學校去考小一既人, 本身都有問題 (其實佢可能根本都唔知自己想要乜, 只好咪執輸囉!)

去讀邊間幼 ...

呢兩年報 2x 間真係好正常喎，上年龍年，今年有唔少做左大龍b。
我 so far 報左21間，單係 interview time 撞時間、或太趕的都冇左5間；3間 rejected；1間收左；12間等緊，當中真係想要的只有5間，包括DB，其它係比佢熱身，有心儀offer就收工。最終有 offer 機會當有50% 已算唔錯，DB打定輸數，即係話其實我最多只會收到2間心儀小學 offer。

consider 我小朋友非首名、冇靚地址、冇得跟阿哥家姐；時間太趕的我都唔會去、一日有3場的我只揀兩場、中間比小朋友訓個覺先再出發。除非你 target 聖三一之類（無貶低既意思，學校有愛心，但事實上係相對易考入），否則 YW、Paul boys、GT、APS、KTS、SFA、RC、CKY好多人想要，但中簽率加埋都冇50%

而且實際會去 interview 的，通常都少過實際報名的。上面講的事主第一次玩，報得多其實唔出奇，真係去咁多先有問題

993rs

tomatojuice 發表於 18-10-25 11:30
我家族有好幾個同齡的小朋友。
SC，KM，KV，GH ，迦南，樂基都有。
我地比較過每月課程大網，教材，甚至學 ...

中文最深應該係 KM？英文SC？

993rs

tomatojuice 發表於 18-10-25 12:31
其實呢幾間，都差不多。
好難比較邊間難d。

我所理解，KM、KV 既風格比較接近，而課程有少少你追我趕咁，越來越深。
當中有辣有唔辣，小朋友 assessment 真係好多野要溫習，但有津小既老師對我明言，係對呢班小朋友有所「期望」，意味若要扣門點都會有少許印象分優勢。

993rs

平心而論啦，香港讀書既競爭程度，令我聯想起幾廿年前系外國讀書，想入 medic 既要做 top 0.x%，同宜家幾千人爭百幾個位差不多。

我好想知，呢度覺得可怕既家長，有幾多人係：
- 名校 old boys/old girls？
- 有阿哥家姐已入心儀小、中學？
- 小朋友好醒或資優級別？
- 預算報 international sch？
- 會真係放棄 Maryknoll而入天虹？

如果以上答案全部「否」的話，我都好希望聽下你意見，還有咩方法可以令小朋友愉快學習？

993rs

tester5 發表於 18-10-26 19:04
回覆 Kangaroojoey 的帖子

唔好灰心..

什麼類型既學校，只要按小朋友既能力、興趣、性格，配對好；家長知道自己做緊乜，唔好盲目，我覺得就唔需要理其他人做緊乜。

小朋友主動學習，happy school 其實冇問題。實實在在，谷既名幼對升小根本就冇 guarantee；神校亦有收happy school 小朋友

要唔要谷，真係好睇小朋友性格。

我大既小朋友，點氹點迫都唔會睇書、學習好被動，谷既學校對佢發展有一定保障。唔係佢唔叻，只係並非屬於香港教育制度下的叻。我唔谷佢，應該留緊班。

相反，個細既性格截然不同，佢自理好強，所有野都想自己做。系我完全冇理過佢學習既情況下（大部份時間要放系大果個既學習），唔駛我煩做功課、睇書、溫習。過去兩年都係 honored student。 我真係冇谷過佢喎。

系學習上擺脫唔到一樣野既係，你越鐘意睇書、睇得多越有利、越唔需要外力谷。我相信睇書既投入同學習成果係成正比，所謂唔谷、愉快學習，只係你小朋友肯睇書，只係你未見過一d搵枝槍指住都唔肯睇書既細路。

一個極端d既例子，有朋友既細路，佢最愛既娛樂就係睇書、智力遊戲，跟同齡小朋友一齊玩玩具覺得悶。父母冇「谷」、冇考 cert 架，如果考，我好肯定佢有出面所謂 flyer 以上既能力。當年佢盡收神校 offer。街外人睇咪就係「愉快學習」下入神校既例子。

最重要知自己想點、為咩而做。我話我報21間小學，好多人都覺得我癲，但我有我原因，按住我地既需要、能力而安排，冇 overload 我小朋友，何況最終有去 interview 亦只係得50%。唔好因為人地都做而做，唔好因為人地唔做而自己唔做

993rs

tester5 發表於 18-10-29 12:54
其實, 我兩個也不是主動拎起本書的乖學生, 現在高小有時間都係打機, 睇電視. 始㚵只係普通小朋友.
你的孩 ...

每個小朋友都係獨特各有優點，絕對冇誰家的孩子較優秀。你的小朋友有能力系學業上後來居上，足以証明你既方法係正確、小朋友亦係可造之材。
我只係想樓主知道，以小朋友為本既教育，唔等於玩樂，反而正正同你一樣，搵一個合適、有趣既方法令小朋友學習；而樓主所講既幼稚園亦只係做緊正確既教育工作。話「可怕」有點兒離地。