3年用家的意見

fifihon

大家好，我小兒今年K3畢業了，亦入到理想的小學。無聊係kingdom行逛先知原來學校係早幾年俾人寫到好差，我覺得需要評下理!

我小兒係聖士提反堂由K1讀到K3, 讀足3年，我相信我絕對夠資格係度講學校的用後感!  (注意: 係親身體驗，絕對唔係"「聽講」)

首先，學校有好足夠的老師同校工，去協助各班上課的需要，每班每日都會有2名正副老師去照顧一班約30人。每星期每日都會有中文堂+英文堂(由一名專業本地老師同一名外籍老師負責)，普通話就隔日一堂(由一名專業普通話老師負責)。

學校最大本錢就係地方大，有個大禮堂(冷氣)，小朋友有表演活動 / 生日會 / 畢業禮 都可以係校內舉行，唔駛出外book場地。校園內的「大樹廣場」亦會用來做一些節日活動，例如夏天會有下水禮  (即係放兩個大水池俾學生著泳衣落水玩)，中秋節掛燈籠賞花燈。等等....

平時小朋友有任何特別事，例如大喊，同同學仔爭吵，老師放學後都會打俾家長同佢地講返。相反你有任何問題都可以打去校務處講底，老師落堂後好快都會覆返你。

幼園內最常見到就係小朋友怕事喊，又或者同人打交/ 被人打，但呢D 都唔係每間幼稚園可以control到，最多只能家教合作，一齊去解決問題，如果一發生事，就怪學校"單方面"無做事，我覺得咁樣好唔fair！

最後就緊係升小問題啦，其實校長幾好，佢平時已經成日企係校門同返學的小朋友say morning, 校長又會為學生爭取好多福利，例如出回條提家長 / 同好多區內的小學合作，安排大巴接家長學生去參加open day等。

每個學期亦會請不同的教育中心，來學校開係課外活動班，放學後係校內上一個鐘，有英文普通話唱遊畫畫等，咁當然要額外科水啦，不過費用合理，平均$160/堂。家長又唔駛帶小朋友走來走去，上完堂直接係學校接走就得。

我好幸運小兒有機會入到呢間學校，除左我小兒有班好好的同學之外，我都識到班好好的家長，大家都係本地人，明事理，有時都會約出來聚會。

我寫左咁多，可能大家會以為我係打手，唔信我，但你不妨搵個「真實用家」問問，我想信你會聽到差不多的好評，謝謝大家。

bebichhichi0128

回覆 fifihon 的帖子

請問學生考小成績如何?

fifihon

bebichhichi0128 發表於 18-10-23 11:25
回覆 fifihon 的帖子

請問學生考小成績如何?

今年有17個入st peter

wildbaby

我現在都煩緊, 因為真是對學校的了解不多, 但同另一間學校撞時間面試, 不知去邊間好, 有沒有讀緊或讀過的媽媽可以分享下呢?之前見有些評價真是好差。

hkcecilia

我女讀緊k2,佢返學好開心,佢比較怕羞文靜,但比k1個陣好左啲,每年既班主任都好好,學術上我覺得還可以,每天都有功課做,我女每天仲有時間玩,聽聞話k3會深,同埋考小一唔敢講因我女未到。

但妹妹9月將會讀n,一齊返