怎樣提升小一閱讀理解能力

retriever

IloveJJ 發表於 18-10-19 11:03
我認為閱讀，目的唔係提升語文能力，提升語文能力，只係贈品。我想我孩子喜歡閱讀，係因為閱讀可以帶來知 ...

跟你諗法一樣。

我認為睇書可以擴闊思想眼界，要睇多而雜，但同時係應該可以增加理解能力既。

不過之前有版友問，無時間睇書，做多D 閱讀理解當睇書得唔得？ 就未必做到你講果樣野。


BTW，你講既樓主，係哪一位？

呢個位樓主，積分只有50幾，段估唔會多年前指教過你。

retriever

ABC-DAD 發表於 18-10-19 13:17
我較喜歡做觀眾，無飛入座靠 黐，又可以亂咁吹。

你似球證多啲。球證係球場上面係唔存在嘅，直到吹雞先發 ...

多謝係抬舉。

可能我較似球場上，突然跑出來裸跑，攪亂檔果個。

；-）

Elenalan

IloveJJ 發表於 18-10-19 13:11
咁如果係計既話，我伴讀都無問問題既。

第一，我講故事唔讀字、唔認字、唔問問題，甚至好多時我唔跟書講( ...

其實睇書就係睇書, 係消閒活動, 我都唔會去「考問」內容。

我只會見佢好投入咁睇完, 問下佢有乜咁好睇, 鍾意d乜。

如果伴讀繪本, 我覺得同佢睇緊時o既溝通係互動和好即興, 視乎書本內容, 例如最近阿女好鍾意The Fairytale Hairdresser系列, 我地熱烈討論邊個styles邊件衫最靚...呢d互動係自然而且冇既定方式, 唔同小朋友又唔同性格喜好和反應, 大前題係享受閱讀和親子時間。

至於認字, 幼稚園時期我用青田果幾套書仔, 加上平時會訓練佢做功課時自己讀題目, 呢d時候我會重視佢認字。

上左小學後, 基本上佢有興趣睇o既書(不論中英), 只要佢鍾意, 就算識唔哂d字都會自己睇, 佢忍唔住會自己查字典(英文), 或者直接問我。

ABC-DAD

retriever 發表於 18-10-19 13:20
多謝係抬舉。

可能我較似球場上，突然跑出來裸跑，攪亂檔果個。

有時咁可以炒熱球賽氣氛吖。

Elenalan

IloveJJ 發表於 18-10-19 13:23
睇閱讀理解可以增進常識，但不能增進語文能力。

係，我攪錯了，我係指eviepa

我覺得閱讀理解練習係用來熟習試題類型, 增強應試技巧, 所以我贊成閱讀以外都可按需要做練習, 兩者冇衝突。當然覺得冇需要就唔使做啦, 同出外補習一樣, 唔係必需品, 但對某d人確實有用。

retriever

Elenalan 發表於 18-10-19 13:33
其實睇書就係睇書, 係消閒活動, 我都唔會去「考問」內容。

我只會見佢好投入咁睇完, 問下佢有乜咁好睇,  ...

同意培養閱讀, 係希望佢享受閱讀.


多年有研究閃卡(但最後無採用), 佢地NO.1 就係不要考個細路.


當然父母總有好奇佢學左物...


青田果幾本書仔好好. SO FAR 無論書仔入面既字卡, 或者學校俾既字卡我地都無點用, 但閱讀後對認字真係無太大難度.


我地仍然係靠閱讀課外書學語文, 無做額外練習題, 無補習.

Elenalan

IloveJJ 發表於 18-10-19 14:08
練習有啲係要做，但「閱讀理解」練習，係無乜技巧學到的

我覺得最重要係學到「速讀」, 快速掌握題目類型, 控制完成o既時間。我個女係慢活型, 如果唔計時, 佢可以慢慢做。佢唔係唔專心, 佢係做任何事都太過重視每個細節, 佢享受過程架, 但考試唔係咁玩法。

所以我咪話練習唔係必需品, 但對某d人某d情況確實有幫助。

Elenalan

IloveJJ 發表於 18-10-19 14:23
你知唔知點練「速讀」?  
咪就係靠睇大量大量書囉！「閱讀理解」只有兩個技巧可練，第一係睇完題目 ...

佢剛6歲, 剛開始睇多d字o既橋樑書, 我覺得以佢年紀, 佢睇書量唔少架喇 (我已經係一箱箱書咁買俾佢睇, 仲有各種雜誌漫畫...), 但「大量」係長遠方向, 要時間累積, 而考試臨近, 我會選擇雙管齊下。

對住一個慢活型小朋友, 時間係彷彿停頓, 佢要有一個模式俾佢練習, 先知道原來考試係限時架, 否則佢可以遲遲都唔落筆。你以為佢唔識咩? 你問, 佢又答到你喎, 就係嘆慢板...吹漲!

crysta2l

Olympian 發表於 18-10-19 09:38
唔煩就假了。你自己追緊小說，比人問都覺煩啦。尤其本書係第一次睇，佢地會好心急想知劇情，你問咩佢地只 ...

多謝你的分享, 安撫了我的不安. 我不想懷疑自己是否"問得沒有技巧", 我女是否"ATTITUDE好有問題"
小女就是那種我問半句都比佢話" 快些講下去啦", 差點就要說出口"咪阻住晒"的女孩.  我現在都已經比較放得低了, 不再追求言語間的交流, 反而享受偶有的會心微笑 - 讀到某一個位, 大家有共鳴的"相視而笑".





.

Elenalan

IloveJJ 發表於 18-10-19 14:34
嘆慢版既人，的確要學計時，不過小一真係咁緊張嗎？

我緊張佢嘆慢版做唔哂, 多過佢唔識。
因為佢果種慢, 係連老師都頂唔順要同我溝通

little_yolky

Elenalan 發表於 18-10-19 14:31
佢剛6歲, 剛開始睇多d字o既橋樑書, 我覺得以佢年紀, 佢睇書量唔少架喇 (我已經係一箱箱書咁買俾佢睇, 仲有 ...

我當時係選擇放棄初小成績, 只要唔留班就得。因為我知道小學決戰係P4後, 所以P1-P3完全無理佢, 等佢自己睇書, 自己摸索學習方法。你小朋友才剛六歲, 繼續「一箱箱」書買俾佢吧, 佢會越睇越多, 越睇越快。現在做既閱讀理解, 對高小既閱讀理解並沒有太大幫助, 到高小不只是技巧問題, 而真是「閱讀理解」了。不要在乎初小區區分數, 到高小會高下立見。

little_yolky

Elenalan 發表於 18-10-19 14:38
我緊張佢嘆慢版做唔哂, 多過佢唔識。
因為佢果種慢, 係連老師都頂唔順要同我溝通
...

你學校都幾煩喎, 咁都接電話。

Elenalan

little_yolky 發表於 18-10-19 14:56
我當時係選擇放棄初小成績, 只要唔留班就得。因為我知道小學決戰係P4後, 所以P1-P3完全無理佢, 等佢自己睇 ...

謝謝! 不過我仲未做到可以「放棄初小成績」呢種心態。
我個女性格係只要個頭開得好, 佢就有信心有動力去堅持; 相反, 如果一開始就有挫敗感, 佢會好易退縮。

不過, 做練習我覺得都係適可而止, 我平時只會星期六上午先同佢溫書和做下練習。平日佢自己完成功課, 就係自由時間。而平日o既默書和小測, 我都係俾佢自己溫習o既。

Elenalan

little_yolky 發表於 18-10-19 14:57
你學校都幾煩喎, 咁都接電話。

因為老師有事搵開我傾, 同時都有講上課情況。