請問你們的資優小朋友難找朋友嗎？

passiton

我的小朋友k3, 有焦慮情況，有政府臨床心理學家跟緊，現在5.5歲，心理學家剛和她做了IQ評估（短版），心理學家話囡囡係資優，比同齡小朋友都超出幾多（但沒有實際講去到咩分數，佢話好sure係，覺得我唔駛再出去做長版）
囡囡自細唔多同外人講野，經過呢兩三年跟言語治療，政府e位服務..叫好左好多，會應下人，但同屋企人講野就好多野講。

passiton

問題係佢開始覺得自己冇咩朋友，佢話有d幼稚園同組同學唔同佢玩，老師叫同學邀請朋友出黎又冇人邀請佢。我已經不斷嘗試幫佢約同學仔出黎玩，但似乎同學仔同我（媽咪）傾計仲多過同我囡囡傾。
囡囡有同我講過佢唔多鍾意講野，我亦觀察到同學仔講既話題，我囡囡唔感興趣，我可以點樣幫囡囡搵朋友仔？

miffyian

回覆 passiton 的帖子

我個仔今年小一，情況一樣，讀幼稚園時已經同老師講要留意，結果都係一樣，無同學同佢玩，佢話自己已經習慣孤獨。除左鼓勵之外，就只有鼓勵，因為佢唔想做，點勸都無辨法。同埋朋友係雙向，都要人聽得明佢講咩又肯同佢做朋友。

passiton

miffyian 發表於 18-10-8 12:24
回覆 passiton 的帖子

我個仔今年小一，情況一樣，讀幼稚園時已經同老師講要留意，結果都係一樣，無同學同 ...

咁唔係辦法喎⋯⋯囡囡對住幼稚園同學仔幾年，叫做熟d,但都唔多溝通到。
心理學家話覺得囡囡係有社交動機，唔係自閉個類，佢話睇下到小一會唔會有機會識返同level 既朋友喎
都有d擔心

964000

可能有社交焦慮

miffyian

回覆 passiton 的帖子

小一情況反而好好，第一個月已經同隔離位做左朋友，識得話去電腦室探呢個朋友。可能因為能力差不多，大家都重學術，再加上學校環境細，小息多數係課室玩，容易讓他找到朋友。

passiton

964000 發表於 18-10-8 16:40
可能有社交焦慮，我覺要先得到一些成功經驗，有了positive feedback才build up信心，約playdate是好的方法 ...

其實都試過兩人playdates,幾人playdates...去外遊對幾日都試過，總之就擦唔出火花。囡囡近期多左提「朋友」呢個term, 我驚佢開始aware左，但反而多左挫敗

passiton

miffyian 發表於 18-10-8 17:57
回覆 passiton 的帖子

小一情況反而好好，第一個月已經同隔離位做左朋友，識得話去電腦室探呢個朋友。可能 ...

(emoji)(emoji)太好啦！ 係唔係上到小學，小朋友會成熟d,距離會拉跟d?

王家爸爸

passiton 發表於 18-10-7 21:36
我的小朋友k3, 有焦慮情況，有政府臨床心理學家跟緊，現在5.5歲，心理學家剛和她做了IQ評估（短版），心理 ...

參加下坊間既playgroup、社區中心既興趣班之類，等佢多啲同其他小朋友溝通。

王家爸爸

passiton 發表於 18-10-7 21:37
問題係佢開始覺得自己冇咩朋友，佢話有d幼稚園同組同學唔同佢玩，老師叫同學邀請朋友出黎又冇人邀請佢。我 ...

咁佢既強項係嘜？發展下強項，參加下啲比賽；練得好之後，搵啲商場、電視、電台表演機會。見得世面多，自然OK。

noverzero

返學時請其他小朋友食零食, 打開話題

passiton

王家爸爸 發表於 18-10-9 08:53
咁佢既強項係嘜？發展下強項，參加下啲比賽；練得好之後，搵啲商場、電視、電台表演機會。見得世面多，自然 ...

佢既強項係語文方面，識字、記憶力強，學音樂快上手，可能呢d都係好靜態既活動。曾經都參加過比賽，囡囡係鍾意的，但唔駛開口
我觀察到佢既問題係，身邊既小朋友乜都講一餐（食咩又講、玩咩又講...正常既，小朋友係咁）但囡囡係隔離聽到好似hang機咁，冇野回應，冇野一齊傾，同同學冇話題，又或者小朋友既話題轉得太快，囡囡慣左要深入思考（同我地傾計就係，要further further再諗再問）（我有時都覺得佢諗多左），所以當小朋友轉左話題，可能佢都未諗完

王家爸爸

passiton 發表於 18-10-9 10:30
佢既強項係語文方面，識字、記憶力強，學音樂快上手，可能呢d都係好靜態既活動。曾經都參加過比賽，囡囡係 ...

咁就容易啦，唔開口主要係信心問題，搵是但一樣強項，例如冷門樂器，快快上手，去電視表演下，得閒播返俾佢睇，小朋友既信心自然大咗。

passiton

王家爸爸 發表於 18-10-9 15:40
咁就容易啦，唔開口主要係信心問題，搵是但一樣強項，例如冷門樂器，快快上手，去電視表演下，得閒播返俾佢 ...

Thx thx

964000

passiton 發表於 18-10-9 10:30
佢既強項係語文方面，識字、記憶力強，學音樂快上手，可能呢d都係好靜態既活動。曾經都參加過比賽，囡囡係 ...

會不會有少少asperger, 女孩子比較難診斷，很多都超好記性，但思想傾向「功能性」

passiton

964000 發表於 18-10-10 00:07
會不會有少少asperger, 女孩子比較難診斷，很多都超好記性，但思想傾向「功能性」，唔識「傾偈」，不外乎 ...

我都曾經擔心囡囡係亞氏保加，但我同心理學家傾左幾次，佢話囡唔係自閉，所以先同佢做次iq test.
有cousins, 間唔中都一齊玩，但玩玩一陣，我囡又會自己走去攞書睇....
我覺得好似要有人係佢同朋友身邊，教佢呢個位可以點回應，個個位可以傾d乜，但係咁樣又好唔自然，所以唔知點

964000

passiton 發表於 18-10-11 10:01
我都曾經擔心囡囡係亞氏保加，但我同心理學家傾左幾次，佢話囡唔係自閉，所以先同佢做次iq test.
有cousin ...

....

Dannyw0601

其實資優都分好多唔同的資優，有語言、數學、藝術、創造力、社交等等，我覺得大部分人都會覺得資優=數學.....我諗要知佢邊方面資優先。

flipper2000

passiton 發表於 18-10-7 21:36
我的小朋友k3, 有焦慮情況，有政府臨床心理學家跟緊，現在5.5歲，心理學家剛和她做了IQ評估（短版），心理 ...

請問你係搵邊間做呢？幾錢

MillieLin

passiton 發表於 18-10-7 21:36
我的小朋友k3, 有焦慮情況，有政府臨床心理學家跟緊，現在5.5歲，心理學家剛和她做了IQ評估（短版），心理 ...

再大一些會遇到同路人的     
我仔今年前也是不説話,無眼神接觸,上課没反應,常打瞌睡,有持續治療。
後來學了圍棋後,好似腦門大開,開口閉口都是圍棋,與別人接觸多了,現在話仍不多,但正常返。願意表達,願意team work,願意和其他小孩玩。

樓主不必太過擔心,等她長大些,總會遇到她熱衷的事。