請學緊普通話學長分享

星星的後裔

小朋友上緊早慧學中文，未來心宜學校是粵教中英文小學。我滿意早慧進度及學習成果。

最近家庭會議另一半話想將早慧轉學普通話（未選學校）。原因1)見同事仔PTH講野好叻，想佢學人。2)PTH未來好重要，想佢學好，仲要native 程度，所以要早學，再大先學就遲。3)早慧要寫的字太深，佢覺得不必要。4)孩子說話組織力弱，希望學PTH佢可以多開口講野。

雖然我認同PTH的重要性，但我反對現在學，因為佢心宜間小學唔係普教中，屋企人只是睇開大陸劇，口講廣普的香港人，根本都無語景比到小朋友。若讀英小，不如學好英文先。我都重視中文，所以至去早慧，早慧不只寫字，亦教讀字，表達及造句。

星星的後裔

太長氣唔夠位。

我想請教，有學PTH 的地方同時有教做句，寫字，學生字嗎？定最主要教b,p,m,f ? 學PTH 會令小朋友肯開口講多啲說話嗎？

GordonKei0531

星星的後裔 發表於 18-9-9 07:48
太長氣唔夠位。

我想請教，有學PTH 的地方同時有教做句，寫字，學生字嗎？定最主要教b,p,m,f ? 學PTH 會令 ...

好多小朋友兩樣一齊學，冇抵觸

星星的後裔

GordonKei0531 發表於 18-9-9 16:54
好多小朋友兩樣一齊學，冇抵觸

我都明無沖突，有其他活動要學，時間同錢唔許可做咁多野，中文同PTH 最接近，所以睇睇可否二揀一。

boyboobee

入讀英、普幼兒園，繼續早慧學中文，這就解決問題了。

莫失莫忘

如果認為"孩子說話組織力弱"唔係應該咁快再俾佢學新語言? 我覺得學普通話唔會有幫助。

其實認字我覺得家長都可以自己教, 如果只可負擔其中一樣我會揀普通話, 但你情況似乎宜家學普通話未必係最好選擇

星星的後裔

讀緊local 廣東話幼稚園K3了，所以不會轉。心宜小學是廣教中的英小，我睇唔到要急學PTH 原因。
同意最好的時間過左，現在學只會令佢要說話時諗得仲耐，講說話更慢，組織力可能更差。而且未來好大可能是英小，在補底（PTH)同拔尖（英文）之間選，我寧願拔尖，因為我個英文只是無咁差。

964000

想PTH native程度就要六歲前學，其實學校都有教中文是否還一定要再上早慧。

星星的後裔

964000 發表於 18-9-26 08:26
想PTH native程度就要六歲前學，其實學校都有教中文是否還一定要再上早慧。
...

本身學校程度較淺，所以補一補較好。

tsoipopo

星星的後裔 發表於 18-9-26 22:25
本身學校程度較淺，所以補一補較好。

早慧聽說都唔平，學得好，負擔到就繼續學。而你先生所言係有道理，可以揾人上門教普通話，銜接小學做準備，就算粵教中，大部分小學都會有普通話科，學下沒有壞。幫助講野流暢同學普通話就不太有關喇，反而我覺得你同小朋友傾多啲計對講野流暢會有幫助。