究竟投唔投訴？

fskchan

我仔仔今年小三，一向有練游水，升小一向負責泳隊老師查詢，由於學校泳隊男仔好少人，所以仔仔就由小一開始代表學校比賽，但當然未拎到奬，因為學界比賽係會同大過仔仔既一齊比賽，但到小二負責泳隊老師說話難聽，他竟對住小朋友們講「你地都係玩玩下既啫，阿XXX就係專業！」，XXX係一位六年級姐姐，破晒紀錄個啲，我仔仔絕對唔係玩玩下，一星期操五日水，都叫玩玩下？？仔仔以小二既年紀同小四既比賽，可以有第八名，真係算好好，個個小朋友可以游到八名.位負責老師都有拍掌鼓勵，唯獨對我個仔冇，仲要勁踏仔仔，話佢游得唔好！到今年升小三，收到校訊，校訊會總結上年同學們校外比賽既結果，我仔仔拎左一個大賽既亞軍，有張奬牌拎番學校記錄，但竟然冇登到落校訊，反而其實同學游細型比賽拎奬就有登到！仲有好多好難聽既說話，真係未能一一例出，同埋依位阿sir做事不公.......我已經忍左好多次好多次......小朋友應該鼓勵，唔係咁樣羅......

tkinwong

如果唔開心，但又喜歡游泳，仲操五日，不一定要參加校隊。當然，可以代表學校是光榮的事。

我估這裡好多網友會認為你應投訴，但學校未必會因為一個投訴而轉老師，你要有心理準備。

Yanamami

題外話，小－/二就操五日，太多了……到發育时唔長高……

参加分齡賽囉，有校外公开賽紀錄，时间好唔怕学校唔邀請你仔出学界｡有分齡賽成績对升中都有用㗎，校內公唔公佈呢d虚名唔洗太在意｡

talknwrite

作為運動員唔滿意, 只可退出. 轉會(校) 就係咁簡單. 運動員生涯就係咁啦. 投訴咪即係等人哋叫你唔使再比賽囉, 坐冷板凳.

Soundervolt

如果同教練或校隊唔夾，可以退出然後自己參加泳總或其他公開賽事。我仔玩嗰項運動，學校小學部都冇校隊，我地都係自己參加出面嘅賽事，而且唔係所有學校對校隊投放資源都咁好，大部份都係家長嘅付出，根本唔需要太依賴學校。

洋蔥頭媽咪

個人覺得既然得不到老師重視，我就唔會晒時間為貴校增光，可以選擇出外學出外比賽唔驶激氣，當然老師發現小朋友有成績或許會再向你招手，到時就係佢求你参加，你再考慮是否参與
都未遲。

fskchan

多謝大家的意見，我念我都會選擇唔為學校出賽！

fskchan

miriam 發表於 18-9-6 00:14
唉..........我囡就係過早操肌...........所以唔係好高.............

要日日拉筋，咁會好啲呀！

Soundervolt

小朋友要睡眠充足先至會長高。

retriever

fskchan 發表於 18-9-5 20:39
我仔仔今年小三，一向有練游水，升小一向負責泳隊老師查詢，由於學校泳隊男仔好少人，所以仔仔就由小一開始 ...

老老實實，而家親子界最大問題係家長怕細路“蝕底左”，更唔好係“替細路出頭”。



套用“那些年女神” 果句金句：“一生中總有好多徒勞無功既事”。我哋細個嗰陣，家長總係教：“唔好怕蝕底”，“要底得諗”。

校刊呢D 係好小既事。攪正心態，細路仔有更長遠既路。

little_yolky

miriam 發表於 18-9-6 00:18
好老實, 登唔登落校刊真係由得佢, 最重要係成績表有記錄, 將來升中靠張成績表見人, 定係拎本校刊去見, 你應 ...

我哋衰到成績表都無紀錄。另外仲有個比賽, 係全港學藝既比賽嚟, 分好多唔同種類, 阿女參加亞軍乜都無講, 另外有同學仔參加另一項賽事得季軍, 畢業禮場刊有寫.................. 你話齋, 校刊出都係虛名, 最緊要張證書, 升中要嚟攝profile。

係呢, 你經驗好D, 問下你先。有一個比賽, 過去一直係有奬狀的, 但剛剛阿女參加果次, 無端端無咗奬狀, 得個奬杯, 咁升中點support呀? 係咪影張相放入去?

MrBeast

遇到不公當然是要出聲，但未必一定是投訴方式，可以以問題刑式問下校刊編輯用什麼準則，為何冇inc 仔仔。

little_yolky

retriever 發表於 18-9-6 08:37
老老實實，而家親子界最大問題係家長怕細路“蝕底左”，更唔好係“替細路出頭”。

但如果係我就一定退隊, 游水呢樣活動就最好, 夠普及, 唔參加校隊出去參加泳會既泳隊, 再參加分齡賽, 有成績係咪校隊根本無問題。

little_yolky

talknwrite 發表於 18-9-5 22:57
作為運動員唔滿意, 只可退出. 轉會(校) 就係咁簡單. 運動員生涯就係咁啦. 投訴咪即係等人哋叫你唔使再比賽 ...

係投訴完然後退隊, 出去參加泳會既泳隊。天下咁大, 做乜要受氣呢。

retriever

MrBeast 發表於 18-9-6 09:08
遇到不公當然是要出聲，但未必一定是投訴方式，可以以問題刑式問下校刊編輯用什麼準則，為何冇inc 仔仔。 ...

呢樣我真係好唔贊成，唔好意思。