英國班級問題:一月插班好？還是明年九月先入學好呢？

myemmie

囡囡今年中二(13歲)，讀Band2中學，成績中等。我打算明年暑假後先送囡囡過英國讀書，所以開始找Agent 報學校。
第一間Agent 話囡囡出年讀中三，所以係報2019年暑假後Year 9，但另一個Agent 又叫我插班明年一月讀Year 9，暑假後就升讀Year 10。突然叫我嚟緊一月就去英國，好似好趕咁，但佢話如果出年九月先讀Year 9，囡囡就變咗留班。
我而家都唔識點揀好，想請教大家意見，謝謝！

myemmie

ipadress 發表於 18-9-5 18:40
你小朋友 準備好未？

囡囡有晒心理準備明年去，但而家如果一月去，得三個幾月，好似好急。

keibri

我會揀明年九月先讀 year 9，一月插班比較倉猝。
始終學習環境完全改變，我覺得最好做足準備先出發。

myemmie

keibri 發表於 18-9-5 20:42
我會揀明年九月先讀 year 9，一月插班比較倉猝。
始終學習環境完全改變，我覺得最好做足準備先出發。

其實係咪好多人都係唔計年齡，而係按年級過英國升學呢？
即係好似我囡囡咁，按年齡明年應該係讀Year 10，但如果計班級，佢下年升中三就係Year 9。
你哋係用年齡定班級去選升讀幾多班？
麻煩晒大家！

SIYip

用班級。
人生流流長，唔駛咁急大學畢業。好好預備，打好基礎比一齊重要。
你小朋友band 2 中游，俾我就9 月讀year 9. 用一年適應下，先去讀year 10,考靚GCSE.另一方面，亦可以多d 時間揀間適合嘅學校。

myemmie

SIYip 發表於 18-9-5 21:53
用班級。
人生流流長，唔駛咁急大學畢業。好好預備，打好基礎比一齊重要。
你小朋友band 2 中游，俾我就9  ...

我原本都係咁唸，但個Agent又話插班，唔好留班，攪到我亂晒。

SIYip

myemmie 發表於 18-9-6 04:31
我原本都係咁唸，但個Agent又話插班，唔好留班，攪到我亂晒。

你同小朋友點諗先最重要。
既然你接觸過兩個agent,你問下另一個agent 有咩advice. 同時，如果你插班，佢俾咩學校你揀呢? 揀到適合學校最重要。

myemmie

SIYip 發表於 18-9-6 05:40
你同小朋友點諗先最重要。
既然你接觸過兩個agent,你問下另一個agent 有咩advice. 同時，如果你插班，佢俾 ...

阿女話冇所謂，另一個Agent就話以阿女成績讀year 9會好D，讀得上嘅話下學期再跳班。
不過叫我早D過去嗰個agent就話，Year 9其實唔難，Year 10先難，如果中途跳班去Year 10仲難追喎！
真係公説公有理，婆說婆有理。。。

過客

重係低年級, 我唔會比佢做插班生, 果邊 d 同學已經開左學一個學期, 已經一 group group 同學, 我覺得小朋友好難跟上....除非同學仔係好肯幫助中途加入既新生啦.

Ruby1219

myemmie 發表於 18-9-6 06:07
阿女話冇所謂，另一個Agent就話以阿女成績讀year 9會好D，讀得上嘅話下學期再跳班。
不過叫我早D過去嗰個a ...

唔算留班，好多香港細路都係咁，包括我姨甥仔，佢係band 1 頭學校精英班過英國。
我覺得除非係好心儀嘅學校，先值得插班。

myemmie

多謝你哋呀！
我唸我都係按原先計劃，明年九月後先過去讀Year 9。
我都唔想太急，亦唔想咁急攪到好似冇得揀學校咁，因為咁急，可以選擇嘅學校都唔會多。
多謝晒大家比嘅意見！！

angelthomas

myemmie 發表於 18-9-6 09:38
多謝你哋呀！
我唸我都係按原先計劃，明年九月後先過去讀Year 9。
我都唔想太急，亦唔想咁急攪到好似冇得揀 ...

Agent 梗係叫妳早些入學！妳應該估計到他是什麼原因！
一般香港人學生到英國都是跳班的！如果是我！我會報year 10 ! 學校會評估的

angelleungyp

如果你囡囡是中二 band 2學校，你們又有足夠財力。我建議你明年9月去讀 year 9, 打好了英語基礎，再繼續升上 year 10 準備考好 GCSE，那樣才是上策。
一來有多d 學校選擇，二來中途插班不容易融入班裡。
不要信晒香港 agent ，你早d去，他們早d 問那間學校收傭金。

yuyueng

myemmie 發表於 18-9-6 04:31
我原本都係咁唸，但個Agent又話插班，唔好留班，攪到我亂晒。

有d野無須聽agent講，可能大部分學生都系9月去，而1月無咩生意做（但有些學校因有人轉校又或著9月時有人放棄學位/收生不足），所以agent想推銷一下。我個agent都叫我1月就去，不過我話太急又未箍完牙，所以會照原定計劃明年9月讀Y10（今年讀中三）。

9月開學多新生尤其Y9，明年去讀Y9好過1月插班。

keibri

SIYip 發表於 18-9-5 21:53
用班級。
人生流流長，唔駛咁急大學畢業。好好預備，打好基礎比一齊重要。
你小朋友band 2 中游，俾我就9  ...

同意

明年九月讀 year 9 俾小朋友打好根基，熟習環境，咁先可以投入俾心機考試

myemmie

唔該晒大家！
而家我都決定繼續明年去嘅計劃。
我另一個agent上星期開始幫我報緊學校，囡囡成績唔太好，但希望都有些較好嘅學校肯收佢啦。
遲D我應該又會再問大家選校意見^_^

謝謝你們！

noel2010

Year 9 較容易搵學校，我當年都係agent 游説早些去，由year 9 改 year 8適應先，其實你已準備year 9, 如果不是超齡，都有一年時間準備才讀GCSE。我仔和其他同學都係香港F2 然後去英year 9, 有一年適應，不過有心理準備他們maths 很淺吧。

myemmie

noel2010 發表於 18-9-6 18:43
Year 9 較容易搵學校，我當年都係agent 游説早些去，由year 9 改 year 8適應先，其實你已準備year 9, 如果 ...

明白，謝謝你

antia

其實你們個女咁早過去讀書，會放心？
剛剛收到學校offer, 我個女下個月頭到澳洲，老公好擔心！阿囡都咁大個人，又話驚佢系香港太依賴，去到那邊唔識得照顧自己，又說怕她唔安全等等的憂慮...我現在又要解說一下，希望他唔好再咁擔心！佢又講到好似系我要個女去外國讀書咁！唉，是否第一次出國會特別擔心呢(emoji)