本地幼稚園課程好定國際課程好？

bobo0803

又肥又淋 發表於 18-9-3 15:35
想問下jm們意見，囡囡出年就讀K1，依家仲未諗定幫佢入讀本地課程既幼稚園好還是國際課程好… 如果讀本地課 ...

我也為此煩惱，本身屋企說廣東話多，怕小朋友㨂了國際班後，在校內說英文，屋企說中文，會不適應

Monstereasy

又肥又淋 發表於 18-9-3 15:35
想問下jm們意見，囡囡出年就讀K1，依家仲未諗定幫佢入讀本地課程既幼稚園好還是國際課程好… 如果讀本地課 ...

其實只為有基本英語基礎，選擇有Native English Teacher做class teacher雙語課程既本地幼稚園，英語程度已經足夠。如St Cat, LH, Vic, York 等
國際學校如ESF, Kingston係另一回事.

星星的後裔

Monstereasy 發表於 18-9-3 17:49
其實只為有基本英語基礎，選擇有Native English Teacher做class teacher雙語課程既本地幼稚園，英語程度已 ...

同意，家長要想清楚你想孩子英文好到咩程度。

有native 程度，DSE 未必考得頂級成績。DSE 有5+ 又未必有British accent. Native 同DSE 是兩回事。而且要有native 程度好難單靠讀回來，屋企的support (錢同環境）都好重要。

亞豬媽媽

又肥又淋 發表於 18-9-3 15:35
想問下jm們意見，囡囡出年就讀K1，依家仲未諗定幫佢入讀本地課程既幼稚園好還是國際課程好… 如果讀本地課 ...

如果想中文好咁一定係揀番本地啦，一讀國際睇中文機會少之有少

芝士王

唔好意思，我孤陋寡聞，請問本地課程同國際課程有咩分別呀？

fibe0313

其實我真心覺得中文比英文難學好多 但如果你係擔心小朋友去到國際學校唔適應，試下放手去學啦。小朋友適應力好強。加油。

kamiu0090

芝士王 發表於 18-9-3 21:43
唔好意思，我孤陋寡聞，請問本地課程同國際課程有咩分別呀？

我朋友個囝啱啱讀完N班，佢讀國際幼兒園，好似係咩英普班，一班有兩個老師，一個講英文一個講普通話，不過佢成日話問佢個囝喺學校學左啲咩，佢咩都唔識講，最多唱下啲唔清唔楚既英文歌仔，好似學唔到咩咁

fishball_ball

我諗住讀普通幼稚園咋！一般幼稚園都有英文同普通話學架，依家又有免費教育，小學都會揀津校，如果樓主唔打算讀IB小學我覺得冇必要讀國際幼稚園，到時幫佢報下英文興趣班，學費都唔洗咁貴啦！

kamiu0090

fishball_ball 發表於 18-9-4 22:01
我諗住讀普通幼稚園咋！一般幼稚園都有英文同普通話學架，依家又有免費教育，小學都會揀津校，如果樓主唔打 ...

我屋企樓下有間啟思，啱啱喺網上報左名，不過如果收左我都未知讀唔讀呢間好，聽講佢哋係着重母語教學，今年去過佢哋既openday，見到啲英文老師好似係ABC，不過啲英文講得幾好，有冇jm仔女讀啟思架？

Monstereasy

又肥又淋 發表於 18-9-4 23:04
其實就冇諗住讀IB小學，只不過細個學語言易啲，想佢啲英文都可以打個底先
...

長遠打算讀本地學校，中文先係第一語言，英文係第二語言，兩者平衡發展就夠。如果打算將英文做第一語言，將來小學又讀中文小學(大部份小學係中文小學包括名小) ，真係大家都辛苦。

fishball_ball

kamiu0090 發表於 18-9-5 17:02
我屋企樓下有間啟思，啱啱喺網上報左名，不過如果收左我都未知讀唔讀呢間好，聽講佢哋係着重母語教學，今年 ...

我都諗緊呢間，因為阿仔個表姐讀緊，我見好似讀得幾好，好似都有NET教，我見佢學英文學得唔錯

honeymelonkids

kamiu0090 發表於 18-9-4 16:04
我朋友個囝啱啱讀完N班，佢讀國際幼兒園，好似係咩英普班，一班有兩個老師，一個講英文一個講普通話，不過 ...

同我case 一樣，所以我K1 轉番本地幼稚園.