Nord Anglia v ESF V FIS K2 Offer

Jane1983

melobi12 發表於 19-11-18 21:26
好，我揾機會去睇下。

我唔擔心短裙仔低領口或者食煙嗰啲，我以前喺外國讀high school （教會女校嚟㗎） ...

咁可能得wor ，中文過唔過得你果關呢？

melobi12

Jane1983 發表於 19-11-18 21:38
咁可能得wor  ，中文過唔過得你果關呢？

中文... 盡力而為...
學識法文都唔錯丫，第時學Spanish 會好容易學識，Spanish 都好有用的。

不過話說我頭先教我女認中文字，教左15分鐘就想放棄

Jane1983

回覆 melobi12 的帖子

15分鐘就想收工
學校有個ok的課程，差不多日日有一堂中文 （好多IS都做到，並不一定要bilingual school），屋企自己再增潤吓，會容易好多。

melobi12

Jane1983 發表於 19-11-18 23:02
回覆 melobi12 的帖子

15分鐘就想收工

其實我都好矛盾。
我諗法係，法文唔喺學校學，靠校外學基本上唔會學到啲咩返嚟（屋企本身亦冇支援可言，而法文對我地嚟講有用的）。
但中文話晒喺香港，街上路牌餐牌都係中文字，圖書、電視、屋企嘅支援點都多啲...

不過當然，等學校真係收我地先再諗啦

Jane1983

回覆 melobi12 的帖子

有些IS是在grade 7開始先學法文或西班牙文等外語 （如Esf、加拿大國際），據講，如果中學學7年的話，水平係可以聽得明新聞，應付到日常生活。所以睇你要求，想通另一門外語，未必要棄中文，或者要係grade1就學。

中文係香港係相對好語境，家長識亦可以教。但中文的問題係需要有一定字庫先可以有閱讀的樂趣，學習過程可以好枯燥。同埋好多童書唔fun，好難勾起根本無乜興趣的小朋友去睇。

細佬Bebe

Jane1983 發表於 19-11-19 08:40
回覆 melobi12 的帖子

有些IS是在grade 7開始先學法文或西班牙文等外語 （如Esf、加拿大國際），據講，如 ...

順道一問意見

我計劃俾小朋友讀西班牙文或德文as third language

唸緊幾歲開始 五歲（Y1)有兒童班 八歲(Y3)有青年班 定好似esf咁Y7先開始學

我既考慮點係：
1）想佢善用時間
2）越細個學好似越易
3） 但又唔加重功課壓力 我知IS Y4開始無咁hea Y7開始就比較忙 所以係咪5歲開始好 但又會唔會太早呢？

細佬Bebe

Jane1983 發表於 19-11-18 23:02
回覆 melobi12 的帖子

15分鐘就想收工

我都覺得一日一堂已好好 都足夠 唔一定要bilingual

Jane1983

回覆 細佬Bebe 的帖子

唔介意學費和成效，以啟蒙和培養興趣角度出發，5歲學亦可以。但如果屋企無語境，係好難學到高水平。一停學，好快就比番晒老師。
如果用常規課程學，對一個8歲小朋友來說，可能會辛苦。好多嘢記，要默寫，有presentation，要看簡單video答問題。除非佢好有興趣，否則太早開始容易磨滅佢興趣。

melobi12

Jane1983 發表於 19-11-19 08:40
回覆 melobi12 的帖子

有些IS是在grade 7開始先學法文或西班牙文等外語 （如Esf、加拿大國際），據講，如 ...

仲要講廣東話同寫嘅書面語完全兩回事，真係好難搞。

Jane1983

回覆 melobi12 的帖子

我地細個都係咁學，唔係好難。
你要慶幸，咁難既嘢係屋企可以日日教d執d，幾好呀！

貝珠

細佬Bebe 發表於 19-11-19 12:42
順道一問意見

我計劃俾小朋友讀西班牙文或德文as third language

我個女係兩歲半開始學西班牙文，而家六歲幾, 差唔多有四年了。一直都係搵老師上門學，用傾計呀遊戲嘅形式，暫時目的都係令佢識聽識講先，亦都因為怕同英文嘅phonics confuse , 所以亦都冇reading writing 住。開始打算俾佢上Esf Spanish 班，但係都未就到時間。

俾個概念你，頭年半，一星期兩小時，之後係一星期1小時。喺冇語境之下，現在係聽得明嘅，講就用單字。但你可以見到呢四年花唔少錢但係成效有限。我唔清楚早啲學同遲啲學嘅分別，反正我就信早啲學好啲

細佬Bebe

貝珠 發表於 19-11-19 14:00
我個女係兩歲半開始學西班牙文，而家六歲幾, 差唔多有四年了。一直都係搵老師上門學，用傾計呀遊戲嘅形式 ...

兩歲半開始！犀利！

咁你女女first language 係英文？second language 係廣東話？ 學校教國語？西班牙係第三定四？

四種語言佢confuse ma? 會唔會撈亂哂

我仔而家兩歲幾 之前幾個月廣東話同英文都亂亂地 係我堅持一句說話一個語言幾個月後廣東話同英文開始分得開
國語佢都知係第三樣野泥 但我無要佢特別學 唸住K1學校正式教佢

我聽專家講 三歲後學幾多語言都得 但我又想佢K1 and K2主力學好英文同國語先 所以最早會5歲 我無唸住好似你咁重本請人返家教

我唸住一星期一堂出去學 幾百蚊 學20年都唔肉痛 旨在俾佢20年keep住每星期見到個個語言既老師慢慢學

細佬Bebe

Jane1983 發表於 19-11-19 13:13
回覆 細佬Bebe 的帖子

唔介意學費和成效，以啟蒙和培養興趣角度出發，5歲學亦可以。但如果屋企無語境，係 ...

係 同8歲開始會反抗

我都覺得5歲開始試下培養個興趣先 同埋條舌未定 應該會學得好啲

dem0cracy

細佬Bebe 發表於 19-11-18 14:50
本帖最後由 細佬Bebe 於 19-11-18 14:57 編輯

係 我地都唔係專業老師 都唔知點教

“鬼佬送子女去冇英文嘅學校自己教英文”…大有人在呀，香港有expats送子女入local schools(LS係就係有英文但讀寫都同native程度差好遠，絕對要自己教)，加拿大French immersion stream近年爭崩頭。

Jane1983

細佬Bebe 發表於 19-11-19 15:02
係 同8歲開始會反抗

我都覺得5歲開始試下培養個興趣先 同埋條舌未定 應該會學得好啲

讀IS，時間好用。如果錢唔係大問題，真係可以試好多嘢。識人真係學10＋樣嘢，魄力驚人

Year 7係學校，正常curriculum 咁學，亦可行。我女學緊西班牙文，都ok。大d學就快d上手。

細佬Bebe

dem0cracy 發表於 19-11-19 15:14
“鬼佬送子女去冇英文嘅學校自己教英文”…大有人在呀，香港有expats送子女入local schools(LS係就係有英 ...

加拿大French immersion stream
You mean Canadian international school in Hk?

dem0cracy

細佬Bebe 發表於 19-11-19 15:34
加拿大French immersion stream
You mean Canadian international school in Hk?

唔係，係加拿大public schools裡面嘅programme

細佬Bebe

Jane1983 發表於 19-11-19 15:29
讀IS，時間好用。如果錢唔係大問題，真係可以試好多嘢。識人真係學10＋樣嘢，魄力驚人  

Year 7係 ...

係

讀IS雖然時間多 但我想佢留白 發夢玩下 睇下書 始終我係想佢有一個快樂既童年 不荒癈就好了

我唸住淨係俾佢學幾樣野 每樣一星期一堂：
音樂（幼稚園上音樂班，小學學一樣樂器）
畫畫
Third language （Spanish or Germany)

全部weekday工人姐姐帶佢去上
星期六日留返family day 去玩
唔補習 同先生協議左 中學前都不會補學校既學科 父母應該跟到佢既功課掛

拳，棋，Coding，運動個啲 佢自己eca玩到有興趣深造 我先考慮出去俾佢學

雖然國際學校比LS少功課 都唔想佢學10萬樣野

細佬Bebe

dem0cracy 發表於 19-11-19 15:40
唔係，係加拿大public schools裡面嘅programme

I see  

咁係加拿大識法文係重要 法文都唔易學 有個語言環境事半功倍 如果係加拿大讀書 我都覺得需要學法文 唔止學英文

我唔係睇輕法文 我只係覺得FIS係好唔錯 係中文真係少左啲 如果佢做到一日一堂 或至少一星期四堂 我都好鐘意間學校

至於鬼佬送子女去LS自己再教英文 我唔comment呢個係佢地為左子女學好中文既自願選擇定咩 以我所識既外國人 有能力既（ceo, senior management level)都p送子女去國際學校 佢地亦都認同學習中文既重要性 所以學校都要教 但唔係死記硬背咁教

上面前輩都提過 英文比中文易學係一個事實 英文書比中文有趣又係另一個事實

melobi12

細佬Bebe 發表於 19-11-19 15:01
兩歲半開始！犀利！

咁你女女first language 係英文？second language 係廣東話？ 學校教國語？西班牙係 ...

小朋友亂一陣子之後就會分到。有啲口音係要細細個學，大個左就學唔到native 發音，grammar反為可以大個增進。不過好似你講嘅5歲都還好。

一星期一堂我自己就覺得冇咩用。好多朋友細個喺外國一星期一堂saturday school 學中文，但如果屋企人放任佢唔使佢平日運用，最終都係冇用。