個人分享: 升中選擇如何決策

antonyada

各位2018/19年度升中的家長們, 很快由10月門始至下年7月就要面對一次又一次打仗(選校)了, 我仔仔剛剛去年面對同樣事情, 在此分享一些心得.
通常第一階段自行分配學位, 如果你有去聽學校簡介, 老師校長都會叫你 "睇高一線"; 例如BA 選最TOP學校, 中游既可選第一組別尾的學校; 成績較差既選些中游學校; 由於自行時多數學校都設面試, 只要你子女面試表現好, 就算成續一般, 仍然有機會成功.

無錯原則上是對的, 不過你要清楚一樣野, 就係學校係自行分配時已經決定收你, 其實你亦不知道, 因為所有結果都會係7月中統一派位時才公佈, 而該公佈係唔會話你知, 係什麼時候收左你架!! (有很少學校, 會係自行時段 "暗示" 話你知.... 例如你表現/成績真係出類拔莘等等)

所以, 會顯生左一個問題, 如果你自行分配時 "選高一線", 咁到統一派位, 你又會否將甲或乙一二留給自行階段填左的兩間學校呢? 因為, 如果你不填而又唔好彩派不到第一二志願, 但叩門又想叩回自行的兩間學校, 問題又出來了..... 因為在叩門時, 九成九的學校都會查問 "你在自行及統一派位階級, 有否選擇他們在 "第一志願"? 你明白他們為什麼這樣問嗎??

其次, 剛才也說了, 由於自行階段是 "睇高一線" 地填兩間比較高LEVEL 的學校; 但是當統一填表時, 學校的老師或班主任會叫你 "不要太進取", 填回自己BANDING 的學校做第一二三等志願..... 你會如何取括呢?

為什麼每年公佈統一派位, 全港首三志願派位率能夠達到8X%, 90%?? 就是因為大家最後都填了 "務實" 的選擇, 以防 "自行" "統一" 兩失敗, 結果令到其實好多家長, 就算獲派第一二志願, 都去叩門, 因為獲派的第一二志願根本不是真正的第一二志願; 形成了近年五六成的學生, 派位後都照樣叩門的亂局. 亦為何有些B2A 同學, 以往有機會派至B1C 的學校, 因為填表上的錯誤, 未能派往B1校.... 有家長說小朋友如果是B2的入讀B1學校, 將會十分辛苦, 但很老實說句, 假如機會在面前, 你會為子女選擇一間較有前景的學校嗎?

所以, 我的個人建議是:
自行分配, 填高一線 "但不是高幾班的最TOP學校" (你當然要衡量子女平日成績)
統一甲部, 可填回自行一二 (如果自行都是誇區)(或本區最心儀學校)
統一乙部: 第一選擇是自行階段的其中一間比較有把握的; 第二選擇可填同BAND最想入的, 之後續步由好至差填上.....

總括來說都填稍稍好的選擇在前面, 由於統一派位除了成績, 還要依靠運氣 (隨機編號), 所以要是隨機編號好的話, 是有機會派到同BAND 較受歡迎的學校; 相反如果隨機編號差, 就算你填 "自己LEVEL" 的學校在二三志願, 亦未必順利派到的.

如有其他問題, 請問我, 大家可多交流~

紫翹

little_yolky 發表於 18-8-30 08:56
男仔女仔真係好唔同, 我女女知自己數學會拖累成績, P4暑假主動叫我幫佢搵個數學恒常班補數................ ...

又未必喎, 我仔小一時已經好著緊自己成績, 佢英數好D, 中文差D.  但佢覺得會被拖累係視藝, 佢叫我搵人同佢補視藝.  我話呢D要天份, 你擺D心機落去做, 應該唔會太差, 視藝唔會花時間補啦

HMFCGC

回覆 IYY 的帖子

聖言老師給學生好多空間去發揮和成長，所以我和阿仔很喜歡。剛開始適應中一需要過程，成績墊底是在所難免，希望能慢慢追上去，不會留班，學校要求高，至少要6科合格，不然就留班。

HMFCGC

回覆 little_yolky 的帖子

祝願你女兒呈分試考試高分派到好學校！加油！

IYY

回覆 HMFCGC 的帖子

加油 !!!
聖言老師好有 heart, 學校的學習氣氛很好。數學很強, 英文在中游, 放膽去試呀 !!!

很羨慕你仔仔入到這間好學校。

little_yolky

HMFCGC 發表於 18-9-3 16:43
回覆 IloveJJ 的帖子

為了孩子升中問題，多次母子之間存不同意見有爭執，到了最後我尊重他的決定，說真的 ...

同我阿女一樣(點解個個小學生都係咁), 我揀間B1B, 佢自己揀間B1A。佢依家P6而已, 其實佢成績一向都唔係咁亮麗, 係一年一年咁慢慢進步。佢P4時參觀完學校, 就話要考B1A果間(其實當時根本無諗過參觀添, 因為路過, 佢話想睇下, 所以先入去), 我同佢講呢間好難考, 要級15內至有少少可能(其實係級10內至有可能, 不過無謂一開始打沉佢), 佢P4下學期最後居然考到級14, 開心到佢跳起。小朋友咁有動力, 咪由得佢囉, 反正B1B同B1A都差唔多啫, 入到都應該跟得上掛。我同佢又唔會有乜爭執, 我份人從善如流, 自一佢揀, 自二我揀就得。

HMFCGC

回覆 IloveJJ 的帖子

以前守護太多，現在中學了，要學習放手了，孩子自己很多想法和主見，他會和我談，但最終決定權都是他手上。

HMFCGC

回覆 little_yolky 的帖子

多謝給予意見！現在入到Band1學校已是事實，我仔有想去改變自己，其實真的不容易，他有心進取, 亦是我所希望的態度，我告誡他，有大抽奬的運氣，但沒真正的實力，所以要比其他小朋友付出更多努力，有了目標，起碼收穫個人成長，學習獨立自律，不再沉迷打機。

HMFCGC

回覆 IloveJJ 的帖子

為了孩子升中問題，多次母子之間存不同意見有爭執，到了最後我尊重他的決定，說真的我和大部份家長一樣，只想他在他選擇能力可達的學校做優生，不想他在好的學校做差生，我將所有將要面對的困難一一列在他面前，孩子說喜歡他選擇的學校，想挑戰自己，不想沒有去努力就放棄將來自己後悔，而我也不想他因聽我的建議而將來責怪我或者去了他不喜歡的學校而不上進努力，現在看到他熱情高漲的迎接新學年，我只能祝福他，也在他需要幫忙或鼓勵時在他身邊支持他。

little_yolky

HMFCGC 發表於 18-8-31 15:29
有家長說小朋友如果是B2的入讀B1學校, 將會十分辛苦, 但很老實說句, 假如機會在面前, 你會為子女選擇一間較 ...

如果你問我, 我會答不會選越級學校, 因為我兩個女唔係進取型, 而且有其他嗜好, 如果讀間越級的, 將會犧牲其他學習, 不是很合適。

我想你小朋友如果是有心進取型, 不一定有問題, 因為大抽奬你小朋友入到, 其他都會有同類型小朋友入到, 始終大抽奬只靠運氣, 起碼你小朋友一定是B1生, 一般津校, 大家都是B1生英文程度唔會差很遠吧, 太差如果做到B1, X9喎, 所以只要努力無話追唔上, 只怕小朋友無心追啫。之但係, 如果你話B2尾入B1校, 咁就真係唔太好, 响B1位足既區, 無話無可能, 但B2尾即係相對主科都薄弱, 唔好話B1頭, B1尾學校都真係追餐死。


祝你小朋友中學生活愉快。

HMFCGC

有家長說小朋友如果是B2的入讀B1學校, 將會十分辛苦, 但很老實說句, 假如機會在面前, 你會為子女選擇一間較有前景的學校嗎?

這個問題我仔是真實例子，我做為家長是務實求穩的，但個仔太聽信學校建議，堅持在統一派位甲乙第一志願都填聖言中學，結果大抽獎真的讓他心想事成，一個英文底不好的學生讀Band1A將面對多大的困難，我用了好長時間才接受這不是個夢，學校迎新日讓我了解好的學習氛圍有多重要，希望有個好的開始！

little_yolky

Yanamami 發表於 18-8-31 10:56
你貪心！应付到同鍾意唔係必然共存吧~

其實我好理解, 正如我當年最憎體育一樣。

Yanamami

little_yolky 發表於 18-8-31 09:13
數學呢樣嘢真係死証嚟, 阿大補咗一年數, 心算快咗好多了, 不過佢話都係鐘意唔落。 ...

你貪心！应付到同鍾意唔係必然共存吧~

little_yolky

IloveJJ 發表於 18-8-30 13:38
係呀！所以我同佢都無避，仍然解決緊。

數學呢樣嘢真係死証嚟, 阿大補咗一年數, 心算快咗好多了, 不過佢話都係鐘意唔落。

little_yolky

joeyxlma 發表於 18-8-30 22:58
唔想跟啦~~

小學同中學係兩個世界, 要睇定D先算

你.........覺得女女會唔會聽.................

joeyxlma

little_yolky 發表於 18-8-30 08:51
吓? 女仔都唔識主動自覺讀書? 係有D麻煩喎。咁你諗住點呀? 繼續跟?

唔想跟啦~~

小學同中學係兩個世界, 要睇定D先算

不過應該會同佢預習下. 同埋叫佢放學回來自己溫下先.