迷茫

cowkingb

小兒小五第二個學期級不是頭３（５年級第一個學期級３，第二個學期不知道，因學校拒絕透露學生名次），但中英數常全部９字頭，班內兩個學期都係第２名，考試總平均分９２左右（第二個學期，第一個學期有９５＋分）

無特別校外獎項，亦非運動健將，唯一擁有政府資優同中大資優學員身份。

請問，咁情況，有無機會考Ｂ１直資，好似英華同聖保羅書院呢？　因為唔敢放直資中學學位去大抽獎，唔識點安排。

請賜教。。。

29XX86

cowkingb 發表於 18-8-23 10:47
小兒小五第二個學期級不是頭３（５年級第一個學期級３，第二個學期不知道，因學校拒絕透露４－１５０名的學 ...

有! 囡同學仔都無乜專長, 係數學叻同成績(應該級3內), 佢都入到英華. 不過, 都要睇間小學程度.

2jkidsfather

cowkingb 發表於 18-8-23 10:47
小兒小五第二個學期級不是頭３（５年級第一個學期級３，第二個學期不知道，因學校拒絕透露４－１５０名的學 ...

"...因為唔敢放直資中學學位去大抽獎，唔識點安排。" ---> You cannot 放直資中學學位去大抽獎



Suggestion: 聖保羅書院. Just try it.

cowkingb

回覆 29XX86 的帖子

謝謝!

講小學程度重頭痕。。。　

小兒讀既英小，有做老師既朋友講，程度唔會淺。亦睇過朋友既小朋友（同級）既書，的確深好多。但坊間只評小兒間英小係　Ｂ２。。。

上年聽過一閶官津校既簡介會，佢地既要求係Ａ先可以７月去叩門，但簡介會拒絕透露幾多分先叫Ａ。。。

小兒校內成績表好簡單，只有級頭３，班頭３，科頭３有列出來。。。怕唔夠資料去考中學

gracelam

cowkingb 發表於 18-8-23 11:17
回覆 29XX86 的帖子

謝謝!

試下考, 有offer先諗, 如果咁嘅成績，好大機會有offer.

另外小學冇分banding, 只小六生先分banding, 估計小朋友應有級10內, 就算二線小學都應該屬band 1頭, 除非寶校學生。

cowkingb

回覆 2jkidsfather 的帖子

小兒小學有呈分，但要求家長響自行前要簽份文件，決定去留。講明簽左放棄無得返轉頭。

我知有直小容訐學生參加大抽獎，可惜小兒果間二只能選其一。

WinnieCatCat

其實直資考幾多間都得，喜歡的咪去考囉，不用顧慮太多

cowkingb

回覆 gracelam 的帖子

謝謝!

會試考呀，小朋友都想跨區搏一間心儀既官校，但叩門只得最多８個位，機會非常細，所以一定要先諗直資中學。。。

little_yolky

cowkingb 發表於 18-8-23 11:29
回覆 2jkidsfather 的帖子

小兒小學有呈分，但要求家長響自行前要簽份文件，決定去留。講明簽左放棄無得返 ...

你阿仔係播X直資? 播X小學掂, 係中學唔多掂啫, 如果考直資, 多考幾間無所謂, 反正只俾報名費, 係自行大抽奬要諗諗。如果阿仔級咁前, 呈二又保持到, 其實都無乜需要入返中學部。反正你話自行前至簽文件, 基本上自行前好多直資已面試了, 所以先去馬吧。

gracelam

cowkingb 發表於 18-8-23 11:29
回覆 2jkidsfather 的帖子

小兒小學有呈分，但要求家長響自行前要簽份文件，決定去留。講明簽左放棄無得返 ...

如呈二keep住咁嘅成績, 其實已經有籌碼在手, 好多選擇, 總之考多幾間直資試水温, 除左YW/SPC, 可試港同, 匯基東等。。

cowkingb

回覆 little_yolky 的帖子

Thanks!

自行好似係11月定1月?  其實我唔太知日期。

學校講左，１１月前要簽晒兩份確認書，相信直中未開始面試，好似一月後。

阿仔想入基督教男校，選擇更少。。。

gracelam

cowkingb 發表於 18-8-23 11:45
回覆 little_yolky 的帖子

Thanks!

自行大約一月頭交去2間中學。

可試水温考其他中學, 考左唔一定take offer.有個參考價值自己小朋友係咩banding.

小時了了

cowkingb 發表於 18-8-23 11:17
回覆 29XX86 的帖子
謝謝!
講小學程度重頭痕。。。　
小兒讀既英小，有做老師既朋友講，程度唔會淺。亦睇過朋友既小朋友（同級）既書，的確深好多。但坊間只評小兒間英小係　Ｂ２。。。
上年聽過一閶官津校既簡介會，佢地既要求係Ａ先可以７月去叩門，但簡介會拒絕透露幾多分先叫Ａ。。。
小兒校內成績表好簡單，只有級頭３，班頭３，科頭３有列出來。。。怕唔夠資料去考中學

如果係好似樓上講你仔仔係讀播X直小, 呢間學術水平應該唔差啊, 小女間直資英中, 聽小女講佢同班同學係呢間小學畢業嘅中學成績幾好.

你小朋友如果如你所講級前嘅學術水平, 如果面試時唔太差, 都好多直資都好大機會.

P.S. 面試時小朋友嘅表現又真係好難估, 係EK 見呢兩年有唔少小朋友成績B1但唔知面試衰咩考唔到B1C-B2直資

小時了了

cowkingb 發表於 18-8-23 11:45
回覆 little_yolky 的帖子
Thanks!
自行好似係11月定1月?  其實我唔太知日期。
學校講左，１１月前要簽晒兩份確認書，相信直中未開始面試，好似一月後。
阿仔想入基督教男校，選擇更少。。。

自行好似係3月左右

cowkingb

回覆 gracelam 的帖子

都希望佢保持到成績。。。咁多年成績都係級１０名內，呢兩年成績更進一步，但緊張情緒影響一切。。。我只能叫佢盡力而為。

都打算考埋優才，羅氏基金。。。後者聽聞數理勁少少。但有另一個做老師既朋友話一般

cowkingb

回覆 gracelam 的帖子

係啦，考小一我地只考三兩間，好在最後有直小收咋。。。

好似大部分直中都係３月先有消息，英華今年好似３月尾？

cowkingb

回覆 小時了了 的帖子

面試真係好難講，唔知問咩奇怪問題。。。又要轉數快

有朋友分享，考直私因為唔可以筆試，所以直接心算計數比答案，真係唔易。

好在小兒性格比較主動答問題，唔會唔出聱。。。　佢話答錯好過比人感覺連試都唔夠膽，試左錯左都甘心。。。　

IYY

回覆 cowkingb 的帖子

有英小級10 內成績, 應該可搏英華, SPC 同港同書院。

小兒今年在 SPC 升中二, 小學時不過是級 2X 之輩, 只有 3 張 CERT 傍身, 沒有什麼特異功能或有代表性的獎項。

放平常心, 放膽去試考你心儀的中學吧。

小時了了

IYY 發表於 18-8-23 12:19
回覆 cowkingb 的帖子

有英小級10 內成績, 應該可搏英華, SPC 同港同書院。

學術水平唔錯嘅英小級10 內成績, 樓主略略描述佢仔仔性格比較主動答問題，唔會唔出聲, 資優同中大資優學員身份。。。　, 話時話大膽啲試吓考埋神校直資都可能有機會考到都唔定.

唔試唔知時運高, 唔試唔知運氣好! Go! Go! Go!

29XX86

cowkingb 發表於 18-8-23 12:03
回覆 小時了了 的帖子

面試真係好難講，唔知問咩奇怪問題。。。又要轉數快

直資/ 津小都係唔可以用筆考的.

其實interview有d雕轉問題, 我覺得未必一定要小朋友識答, 只考小朋友有無反應, 有無創意, 有無儘力, 因而家都唔小人係唔識仲係0反應的.

所以, 果時我教女, 唔識你儘量揾d野答下, 就算明知錯, 你唸到d風趣答案一樣可同老師講, 亦可天馬行空, 再唔識(如政治), 真係無法搭上咀的話, 你咪有禮貎同老師講sorry, 呢題唔識, 唔知會唔會可問另外d問題囉. 老師最憎d木頭. 囡呢方便好聽教, 佢應付呢d場面都幾ok, 所以, 自行入左.