用戶登入
用戶名稱:
密      碼:
搜索
教育王國 討論區 自閉寶寶 正面鼓勵分享
發新帖
查看: 4819|回覆: 14
go

正面鼓勵分享

Rank: 5Rank: 5


2193
發表於 18-8-2 17:43 |顯示全部帖子
下面係我大仔既經歷,希望可鼓勵下大家:

我囝囝現時9歲半,以下係佢過去的經歷。

囝囝自出生後便成日喊,仲唔肯俾人抱。到一歲後,佢又成日唔睬人,唔聽指示。你叫佢時,佢有心情就望吓你,但大部份時間都係唔睬人(即唔望人)。平日佢最鍾意玩車(特別係巴士),雖然無玩車轆,但成日鍾意扮停車場排車(橫排、直排、分類排、扮塞車……)。由於佢到三歲才懂說單字,故三歲前用了很多身體語言去表達自己的需要。(二歲多才懂用手指作指示)

在一歲多,我曾帶佢返個2playgroup,返咗差唔多1年,但結果係徹底失敗,每次佢都唔肯聽導師既指示,唔肯排排坐,只顧自己四周「遊魂」,或自己玩中心既玩具;期間自然多次受到中心既導師及負責人投訴。

經諮詢醫生朋友意見,最後準備帶佢去衞生署兒童體能智力測試中心(CAC)作評估,點知原來最快都要等7個月才有期,唯有自行找私人訓練中心作評估(只需等一週----費用$6500)。評估結果:醫生話囝囝有中度自閉症(後來CAC既醫生仲估佢有智障㖭),最好盡快排政府S(每週5天密集式訓練)。無幾耐負責社工向我表示,囝囝排S位至少要等1年多。
為咗唔想錯過治療自閉症既黃金期(1-2),唯有自費去報讀私人S(每月$7500,言語治療及職業治療另計,每50分鐘收$800)。其實當時已有多間主流幼稚園取錄囝囝讀N班,但想到佢返playgroup既表現,相信比佢返N班也是浪費時間,所以最後冇比佢讀。期間為咗幫佢,我仲帶咗佢去做針炙,但只做咗4個月,見毫無成效,就停咗。

經過1.5年的S位訓練,囝囝有顯著進步肯聽指示、坐定定、肯望人;到三歲開始識講嘢後,同我哋便更多互動。本來諗住等佢K1才嘗試返主流,不過除我哋覺得佢有顯著進步外,S位的導師也支持囝囝提前嘗試返主流,所以佢喺學期中便開始返主流N班。(插班)

不過,在不同學校面試N班過程中(插班),我也有一些不愉快的經歷:其中有一間幼稚園,在面試前已知道囝囝情況,到面試時,因開始時老師
不肯讓囝囝玩園內的遊樂場,故他十分不合作,既不肯回答問題,又不段大哭,最後老師
給了「很多說話」我聽;另一間幼稚園,面試時囝囝非常合作,跟足指示,做到老師
的要求,並得到高度讚賞,但最後都因為見他只懂說單字而未獲取錄。但我不氣餒,繼續尋找,終於成功找到一間。


由囝囝三歲時的2月份開始,囝囝上午上S位訓練,下午返主流N班。由於我不想幼稚園老師對囝囝有「先入為主」的感覺,故我事先未有通知他們有關囝囝的自閉問題。頭幾個月,我同老婆曾經擔心會否收到學校既投訴電話(以前由工人帶佢上playgroup時經常收到這類電話),但好彩沒有。後來我直接向班主任查詢囝囝的學習情況,她表示囝囝很乖,又聽指示,能與其他們同學融洽相處,只是語言表達不太流利。後來因某些原因我需向學校透露囝囝的自閉問題,她們也感到有些驚訝,不太相信囝囝會有自閉問題。自返咗N班後,雖然囝囝個人係攰D(每晚九時便睡覺),但社交及語言發展明顯進步好多。由同年9月份開始,佢已沒有返S位,改上全日制主流K1班,成年未有收到學校的投訴電話,估計佢係慢慢適應到!由於適逢政府既S位派到,經與社工及訓練姑娘商議後,大家都認為囝囝既發展已大有進步,故建議改上E位,而政府(社會福利署)亦接受(當然需要私人訓練中心出證明信),半個月內便安排到囝囝上E位,直至完成K3為止。
E位的三年,成效反而不大,原因不是E位的質素欠佳,也不是囝囝唔合作,反而係囝囝的發展狀況。原來經過過去年半既S位訓練,囝囝既各方面發展水平已接近一般K1既水準。因此,喺嗰三年既E位訓練,囝囝對大部分既內容都好快掌握到,甚至有D新學既內容,囝囝喺未開始前便懂得。雖然咁樣,我仍然俾囝囝繼續上E位課程,因為可以keep住俾導師及三師(言語治療、職業治療及物理治療)睇住囝囝既發展。到咗小一,囝囝除咗主動參加由學校舉辦既言語訓練(因囝囝對部分詞語的發音有些𣎴)外,已沒有參加其他訓練。佢整體表現與一般小學生無異,連老師亦睇唔出佢曾經出現發展問題(我沒有通知小學有關囝囝的病歷)

回顧過去,我覺得囝囝得以改善,全因返咗S1.5年既訓練,同時:
1.
囝囝的病情可能不是醫生描述那麼嚴重
2.
隨著年歲增長,囝囝的身心發展得到自然改善(2-3歲間)
3.
私立密集式S位的幫助:囝囝經由一群專業的幼兒導師、語言治療師、職業治療師及心理學家的訓練,我認為是最重要的因素

4.
我倆公婆每天與囝囝寓遊戲於學習(每天至少1.5小時,假日則全天候)

所以,只要肯喺三歲至六歲(治療黃金期)不斷嘗試,小朋友或多或少一定有進步既!大家努力呀!



238
發表於 18-8-3 09:15 |顯示全部帖子
提示: 作者被禁止或刪除 內容自動屏蔽

Rank: 3Rank: 3


336
發表於 18-8-4 15:04 |顯示全部帖子

回覆樓主

我仔仔三歲時只說很少單字,於是去咗cac 做評估,醫生說是輕微自閉,我好担心,自費做言語治療,做了三個月左右,言語治療師話已追上同齡,跟住又排到心理學家,心理學家說我仔仔根本無事,當佢是正常的小朋友就得,而且屬聰明資優,我直程不能相信自己的耳朵(emoji)(emoji)大家努力,有時小朋友的發展真係好奇妙,或者會突然有驚喜

Rank: 3Rank: 3


321
發表於 18-8-4 23:26 |顯示全部帖子
kkgai 發表於 18-8-4 15:04
我仔仔三歲時只說很少單字,於是去咗cac 做評估,醫生說是輕微自閉,我好担心,自費做言語治療,做了三個月 ...

請問你仔仔除左講野少之外,有冇其他特徵?我仔啱啱兩歲,得幾個單字,我都擔心死,我估佢有自閉,希望只係輕微,我都想佢可以突然進步,比個驚喜我呀!

Rank: 3Rank: 3


336
發表於 18-8-5 01:40 |顯示全部帖子
Fatfat_ball 發表於 18-8-4 23:26
請問你仔仔除左講野少之外,有冇其他特徵?我仔啱啱兩歲,得幾個單字,我都擔心死,我估佢有自閉,希望只 ...

我仔仔3歲時社交好弱,喜歡睇車轆,尤其是火車,叫佢無反應,好似活喺自己世界咁,playgroup 時唔會一齊跟做動作和唱歌,唔識手指指,玩sir 滑梯會好驚,去公園玩都唔敢,當時真係好担心

Rank: 3Rank: 3


321
發表於 18-8-5 12:23 |顯示全部帖子
kkgai 發表於 18-8-5 01:40
我仔仔3歲時社交好弱,喜歡睇車轆,尤其是火車,叫佢無反應,好似活喺自己世界咁,playgroup 時唔會一齊跟 ...

宜家冇事實在太好喇!我仔去公園會同人玩,好鍾意sir滑梯,返pg都會跟下動作既,唔算好主動同踴躍果種囉!希望我仔大大下都會正常返啦!

Rank: 5Rank: 5


1547
發表於 18-8-6 09:14 |顯示全部帖子
回覆 fandd 的帖子

你地通常同佢玩D 咩遊戲呢?

Rank: 5Rank: 5


1364
發表於 18-8-9 19:30 |顯示全部帖子
kkgai 發表於 18-8-4 15:04
我仔仔三歲時只說很少單字,於是去咗cac 做評估,醫生說是輕微自閉,我好担心,自費做言語治療,做了三個月 ...

幾多歲睇到係資優?

Rank: 3Rank: 3


336
發表於 18-8-9 21:07 |顯示全部帖子
letterland 發表於 18-8-9 19:30
幾多歲睇到係資優?

當時係5歲兩個月,最記得心理學家講如果真係有問題,又點會上返幾堂言語治療就追返晒

Rank: 5Rank: 5


1238
發表於 18-8-10 16:33 |顯示全部帖子
kkgai 發表於 18-8-9 21:07
當時係5歲兩個月,最記得心理學家講如果真係有問題,又點會上返幾堂言語治療就追返晒
...

本帖最後由 lollylolly 於 18-8-10 16:33 編輯

而家社交正常返哂?咁你之前除咗自閉,有冇懷疑過佢資優?

Rank: 3Rank: 3


336
發表於 18-8-10 17:17 |顯示全部帖子
lollylolly 發表於 18-8-10 16:33
本帖最後由 lollylolly 於 18-8-10 16:33 編輯

而家社交正常返哂?咁你之前除咗自閉,有冇懷疑過佢資優 ...

K1開始揀咗讀間 happy school, 我又全職湊之後,社交進步很多,老師都話佢好鐘意同同學玩,十分正常. 最初係發夢都無諗過資優呢樣嘢,只知佢說話係比同年齡慢了,要檢查一下,點知越check 越了解他很多

Rank: 4


625
發表於 18-8-13 16:51 |顯示全部帖子
fandd 發表於 18-8-2 17:43
下面係我大仔既經歷,希望可鼓勵下大家:

我囝囝現時9歲半,以下係佢過去的經歷。

請問囝囝報讀哪間私人S位? 因我仔仔現時1.5歲, 有自閉傾向, 永遠坐唔定, 好活躍(但CAC 話1.5歲太細, 不願評為過度活躍, 要等3歲才下判斷), 唔聽指令, 眼神迴避, 玩車輪玩轉轉..... 等.

真是好担心佢, 現時想為佢參加私家S位, 但好多間都話太細唔收, 請問能否PM相關私人S位給我嗎? 謝謝你

Rank: 3Rank: 3


477
發表於 18-9-25 13:04 |顯示全部帖子
想請問係邊間私人S 位,可pm 我嗎,謝

Rank: 5Rank: 5


1399
發表於 18-10-4 09:34 |顯示全部帖子

回覆樓主:

我的情況比你辛苦,但今年聽到好多好說話。我女升主流小學,但入學前cac個評估太差。小一時,佢係學校情況都好差,校方暗示會否轉較為合適的學校。到囡囡今年小四去精神科覆診,因轉咗醫生,個醫生重覆問我會否轉特殊學校,聽完勁唔開心。之後同學校社工傾開,嗰社工即刻話下次佢陪我去見醫生,要同醫生講番囡囡係學校進步咗好多,另一位老師都話囡囡有鬥心學習。當時,我覺得自己努力無白癈,終於見到有d成果。

Rank: 2


70
發表於 18-12-19 23:17 |顯示全部帖子
fandd 發表於 18-8-2 17:43
下面係我大仔既經歷,希望可鼓勵下大家:

我囝囝現時9歲半,以下係佢過去的經歷。

請問媽媽,
你所指噶s位是否就等於私家噶密集訓練?請問你小朋友係邊間上?可否pm資料,非常感謝