請問有邊間私立 直資 包容 關愛學生 多啲?

worldcat

身邊朋友曾經有相似問題，學術一流但情緒管理好差。簡單到可能大人向佢講一件事情有另一種做法，但並非小朋友所想就會好易發脾氣/尖叫/激動。事後小朋友可能都會跟住做亦知道自己唔啱，但偏偏當時就控制唔到情緒。

佢小一培道小二轉左嶺小，宜家仲有一雨年就畢業。我接收到係，培道老師都好好，但好難避免要同其他小朋友相處。其他小朋友未必係針對或有甚麼特別企圖，但始終都係小一人仔，所以有時同學會有心無心間刺激到朋友囝囝。老師都有跟進同學仔之間關係，亦有同朋友溝通，但朋友考慮左好多因素後都嘗試轉校。其中佢考慮嶺小，其中收生人數比較少係主要原因。最後小朋友考到嶺小插班亦係學校讀得幾開心，之後同朋友傾計，佢都好興幸嶺小更適合佢個囝。

培道學術要求比較高，同時同學仔父母對好多事都會要求高啲。  唔係對錯問題，只係你要明白自己將來可能要面對學校某方面嘅壓力。
嶺小學生密度比較低，課程亦真係以活動型式教學，小朋友應該會較易適應同無咁易被激發情緒。但學術較低所引身問題就係升中機會，小朋友大啲後情緒改善左並且保持學術一流都未必咁易考到名中。

希望你為你小朋友搵到間合適學校。

worldcat

joygigi 發表於 18-7-14 23:05
你朋友個仔同我個仔簡直完全一樣

題外話，情況經常發生要去做檢查評估下，因為有機會係自閉症。朋友囝囝做評估後話唔算係自閉症，只係比較易情緒失控。小朋友小一小二有上導小組課程(聽朋友講唔平)，之後小朋友再大啲就慢慢改善左，對上一次聚會朋友都有帶囝囝一齊出嚟。