AI 研究-左丁山

planetearth

AI研究 - 左丁山

呢日食飯講起，電腦J話D牌已經唔靠電腦食飯，以前收購####，####有一間附屬公司叫VMware，賺到笑，實體電腦生意相對而言，重要性已下降。唔怪得FT報導大股東會將D牌重新上市，靠的就是VMware。企業上市後，見股價不振，大股東將之私有化，再收購其他賺錢生意，吼準時機以更高P/E上市，此乃玩財技，並非專心經營某一類生意嘅，小股東買中呢類股票，有幸有不幸啦！
電腦J話現在科技投資最熱門係AI（人工智能），因應用範圍廣泛，可以無處不在，譬如日本農業相當智慧化，已用AI代農民決定播種時間及如何播種。馬雲開無人商店，無AI不行。
續……

planetearth

planetearth 發表於 18-7-9 21:48
AI研究 - 左丁山

呢日食飯講起，電腦J話D牌已經唔靠電腦食飯，以前收購####，####有一間附屬公司叫VMware ...

投資素來無寶不落嘅新加坡淡馬錫已在商湯C輪集資買入商湯股份，李顯龍親自邀請商湯到新加坡與南洋理工大學及新加坡電訊合作研究AI，希望努力追上世界尖端水平。咁世界級研究在那裏呀？電腦J笑曰：「遠在天邊，近在眼前，就在沙田香港中文大學，中大之AI研究水平，在湯曉鷗教授帶領下，已成為世界十大AI研究中心之一，與牛津及卡內基梅隆大學相比，毫不遜色！」唔怪得阿里巴巴與商湯合辦一個AI實驗室，就係設於科學園，聽講此則要多謝羅范淑芬穿針引線，但佢突然冇得做科學園主席，於是不少人猜測有無特殊原因！AI發展固有益人類，但少不免廢除不少工作職位，大把人受到影響。

shadeslayer

planetearth 發表於 18-7-9 21:51
投資素來無寶不落嘅新加坡淡馬錫已在商湯C輪集資買入商湯股份，李顯龍親自邀請商湯到新加坡與南洋理工大學 ...

呢D陰謀論好多時好過分。你估香港不參與，Al就不會被發展？