聖心係咪真係勁谷?

yianleen

宜家好怕害咗阿女  

booboozi

揀左就唔好擔心，好好開心準備小一生活吧。
一個學期4次中英默書，兩次測驗，一次考試，範圍是教過的。功課一般一小時內完成。我覺得平時跟下功課，佢唔明要即刻跟進，到測驗考試都頗輕鬆。除非你要求女女要考第一就另作別論。聖心是一間好學校，同學之間暫時感覺不到競爭，大部份都好和善。

yianleen

謝謝！我俾人講到由唔驚都變驚

sip594

yianleen 發表於 18-6-29 18:11
謝謝！我俾人講到由唔驚都變驚

同我當年情況一樣。講比人知10個有9個半都係話好谷，好深，選呢間學校好似係害死個女咁。

當同其他幼稚園同學講，英文教到邊，數學教到邊，就會發現，比聖心谷既學校係大把，但唔明點解坊間會有呢個錯覺。

測驗範圍唔多，測完兩次試，差不多就考試。考試前溫下已經應付到。

默書次數不多，但範圍比較多，默的內容不多。多範圍會有大假期溫習，認真溫默書，對測考有幫助。

sip594

yianleen 發表於 18-6-28 15:38
最近每次同人講女女會升聖心私小, 對方反應都係一輪咀話: 「聖心好谷架.....好辛苦架.....成日測驗默書, 年 ...

聖心女的品格不錯的，校風純樸，學生對學校亦有歸屬感。

hkycwc

回覆 sip594 的帖子

我囡係非聖幼生考入聖心私小, 讀了一年小一, 起初 pick up 係有啲辛苦, 但習慣咗又OK
返半日, 下午有時間學小提琴, 畫畫, 芭蕾舞,... 晚飯前又已經做完功課, 溫習
星期六雖然是長短週, 但很多時候都有 functions, 不用返學
平日默書測驗其實好好, keep 住少少溫習, 考試時基本已經溫過測過, 反而無咁大壓力
只要花一些時間倍小朋友, 有個好開始, 好快會適應, 加油!!

esmetam67

I think not really scary, especially not too much homework
suggested do revision daily.  Parents need to pay attention to the progress.  Normally your gal can do well

yianleen

咁活潑型、多咀型會唔會俾老師罰同鬧呢？

superivanau

唔會

謝海詩

sip594 發表於 18-6-30 00:46
同我當年情況一樣。講比人知10個有9個半都係話好谷，好深，選呢間學校好似係害死個女咁。

當同其他幼稚園 ...

絕對認同！ 雖然相比出面學校測驗次數多但範圍不多。平時有跟功課，教小朋友唔明地方當溫習。課堂有quiz唔計分，俾家長、老師參考
小朋友進度。測驗前重點練習！

考試多數緊接測驗月，測完冇耐就考試，對於小朋友仲有記憶時，再溫一溫就不成問題！
至於課程進度，絕對不是谷！只是大家從課本程度標籤學校教深或谷！ 英文教深一年的學校(emoji)不止聖心！ 大把學校都係教深一年，無論是私校或津貼學校！ 只是老牌聖心已給坊間人仕這種感覺才會越講越令人怕！數學教快少少的學校又是一街都係！
記住！ 小朋友是一張白紙，她們不懂何謂谷或教深一年等等！ 家長要先調節自己心理狀態！

peko1400

謝海詩 發表於 18-7-12 07:28
本帖最後由 謝海詩 於 18-7-12 07:29 編輯

絕對認同！ 雖然相比出面學校測驗次數多但範圍不多。平時有 ...

其實我自己細個讀聖心AM, from KG to College, 當年小學每星期都默書，一星內兩次中文，兩次英文，聽咁講，好似現在變了？

sip594

peko1400 發表於 18-10-5 15:48
其實我自己細個讀聖心AM, from KG to College, 當年小學每星期都默書，一星內兩次中文，兩次英文，聽咁講 ...

聽你咁講，真係變了很多很多了！

一個學期中英各默3次書，即9月默中文一次，10月中英各一次，11月中英各一次，12月默一次英文。中數常測兩次，英文測三次。範圍不多，都算夠時間溫習。測考默既野都係教咗。而且問題唔會取巧，是按照學生能力問的。雖然是半日制小學，但功課唔多，每日約6樣左右，約一小時多就做完。功課量和內容都有意思的，不是「無聊」的功課。

其實各學校都變了好多，很多津小，官小或私小都比聖心谷好多。相反，聖心私小課程變得不算谷，但有成效。

老師還比我想像中有耐性和愛心呢！

hkycwc

回覆 sip594 的帖子

Yes, agree!! 學校真係一啲都唔谷, 老師係嚴格, 但係有愛心, 有耐性
我囡囡今年2年級喇, 佢成日都話老師好 funny
  

佢讀得好開心, 每日做功課 + 溫習都係1.5 - 2 小時左右, 仲有時間玩, 睇電視... 返半日, 平日仲可以學琴, 畫畫, 芭蕾舞, weekend family day 想去邊都得

sip594

hkycwc 發表於 18-10-10 09:27
回覆 sip594 的帖子

Yes, agree!! 學校真係一啲都唔谷, 老師係嚴格, 但係有愛心, 有耐性

我女都係二年級，握握手(emoji)

我女又係超鐘意學校，第一日返學已經叫我唔好同佢轉校。今年分班，我問佢A班同學係米叻d，佢答我，校長話，所有同學都係精英，大家都一樣咁叻。我覺得呢個概念好好呀！

同學之間相處好融洽，暫時唔覺有bully，邊個唔同邊個玩。當然，老師有時都好firm,但又好nice。

sip594

hkycwc 發表於 18-10-10 09:27
回覆 sip594 的帖子

Yes, agree!! 學校真係一啲都唔谷, 老師係嚴格, 但係有愛心, 有耐性

回想當年選呢間學校，我都比好多人笑，覺得點解唔去邊間邊間學校，走去選呢間。負面評價超多。例如，超谷，工友、老師冇愛心。要讀都讀津校。好多人讀唔上要跳船，好難跟，好深好深，大人小朋友都好有壓力！

sip594

hkycwc 發表於 18-10-10 09:27
回覆 sip594 的帖子

Yes, agree!! 學校真係一啲都唔谷, 老師係嚴格, 但係有愛心, 有耐性

但我想講，谷唔谷是相對，可能以前係谷，因為以前其他學校比較冇咁進取。依家好多津校程度都深，教得又快，功課又多。聖心私立係本書教深一年，但教得唔快，好多時間給小朋友吸收同埋應用。我女之前係讀happy school,開初溫書要好花時間，現在越來越快手。（不過我要求唔係要好高分）因為成日都測驗，所以習慣了搵習，到考試時，我地都覺得冇咩好溫，只係考小朋友細唔細心。考試又好爽，一日考兩科，快靚正。唔洗拉長時間溫習。我自己就好buy。

我點解講咁多，因為我覺得好多人對學校有負面既偏見，而我同孩子既經歷都唔係坊間咁樣。希望多些人真正了解呢間好學校。

peko1400

sip594 發表於 18-10-10 17:49
但我想講，谷唔谷是相對，可能以前係谷，因為以前其他學校比較冇咁進取。依家好多津校程度都深，教得又快 ...

如果你女女由一間活動教學模式嘅幼稚園，去到呢間小學都唔覺得辛苦，你囡囡好叻呀。
我想問吓，考入一間小學，學術係咪都要好強呢？面試嘅時候，係咪考晒中英認字，加普通話，加數學？

面試模式，係指見小朋友定係都見埋家長？

sip594

peko1400 發表於 18-10-10 21:07
如果你女女由一間活動教學模式嘅幼稚園，去到呢間小學都唔覺得辛苦，你囡囡好叻呀。
我想問吓，考入一間小 ...

我自己既心得係，千萬唔好打沉小朋友對學習既興趣。
小一開學一星期都冇，佢第一份英文quiz係拎蛋。這是不計考試分，不知道幾時有quize.教了就比份工作紙佢做。佢冇串過字，冇溫過，一個文盲拎蛋好正路。佢一拎份卷，喊咗出來。佢唔開心了幾日。對英文冇信心。

我比佢喊，一路喊一路攬住佢。最後，我解釋比佢知，唔洗驚，媽咪會幫你。我同你一齊溫習。

老師又好好，佢同學生講。比心機做份卷，試下做。拎一分都好。（我女講返比我知）

佢又好合作，一齊溫習。唔識做又提下佢，做啱又讚佢。有信心就肯記，肯串，自我感覺良好。學校英文課程編排得好好。好快就重拾自信。

sip594

peko1400 發表於 18-10-10 21:07
如果你女女由一間活動教學模式嘅幼稚園，去到呢間小學都唔覺得辛苦，你囡囡好叻呀。
我想問吓，考入一間小 ...

你問考學校，是指考聖心私立？還是考其他直資私小？

大部份考直資私小，學術都很重要。

以我所知，聖心就應該沒有考學術。如果有考，冇理由我女會過關。

我女係好內向，細膽。除非好熟，否則不會跟人說話的人（幼稚園時）。聖心收佢，我都覺得會唔會攪錯咗。我相信面試當日，老師問佢的問題，問正佢喜歡的問題，所以佢有得發揮。

現在返了一年小學。佢喜歡小學仲多過以前幼稚園。原來以前間幼稚園都唔夠聖心happy。

只能說，這學校很啱佢。



聖心很好的，面試不用見家長。面試學生一次就等收信。

peko1400

sip594 發表於 18-10-10 22:51
你問考學校，是指考聖心私立？還是考其他直資私小？

大部份考直資私小，學術都很重要。

謝謝你的分享呀

我雖然是舊生，但冇宗教，冇洗禮，住九龍，都唔知有無機會(emoji)