用戶登入
用戶名稱:
密      碼:
搜索
教育王國 討論區 初中教育 校園暴力人肉沙包初中- 美孚某書院 封殺打架欺凌事件流 ...
查看: 8527|回覆: 42
go

校園暴力人肉沙包初中- 美孚某書院 封殺打架欺凌事件流出

Rank: 3Rank: 3


142
發表於 18-6-6 22:22 |顯示全部帖子
本帖最後由 autumnshoulder 於 18-6-10 23:48 編輯

(真人真事分享, 希望社會各界可多關注校園暴力欺凌情況!)


位於美孚的某書院,近日爆發多宗校園打架互毆至受傷的欺凌事件,唯學校更以“以免影響學習情緒及對當事人產生不公平評價”為理由,要求全校師生封口,把學校近日接連多宗校內學生打架至報警的醜事,以兩年前某某書院爆出光頭副校長濫用考評局數據去偷食學生妹時強迫全校師生保密封口的同一方法,強迫全校師生封口以封殺校內近日接連多宗打架欺凌事件。


於本年5月29日,兩名美孚某書院中二級男學生潘xx與吳xx於校內打架,當中吳同學於打架期間更撞到後腦位置,後腦著地受傷。校方為免事件張揚,無視撞到後腦的危險,為免學生於學校有性命危險影響校譽,校方與老師為推卸責任,只草草了事安排代課老師通知家長快快接走後腦受傷的吳同學。為免家長追究學校責任,更轉移視線,只以貴子弟有份打架,會可能被記大過,明年可能留級,“恐嚇”受傷學生家長向傳媒投訴及報警,把事件鬧大,最終其兒子會被校方追究打架並作懲罰。吳同學在被家長即時接走後,出現頭暈、頭痛、作嘔徵狀,醫生表示可能後腦著地受傷會有後遺症。但校方多番“勸阻”家長報警追究,並嚴正通知全校師生封口,以免學校形象受損。


翌日,即今年5月30日,美孚某書院再爆另一宗校園打架受傷欺凌事件。中一級丁XX同學與楊XX同學打架,校方再以同樣手法通知受傷的楊同學家長接走其兒子,意圖再以“恐嚇”方式,向家長陳述有份打架的懲罰後果,令受傷學生家長不敢向校方追究投訴,並表明家長已帶走學生自行看醫生,即代表家長認為學生的受傷情況需自行負責,表示即等同家長願意自行處理,校方的對白與5月29日對中二級打架事件一樣。豈料中一級楊同學家長洞悉校方“奸計”,堅持報警,經校方多番“勸說”後,於當日黃昏楊同學家長決定報警,在當日(5月30日)黃昏約5時多,美孚某書院門外,停泊多架警車及救護車,並有多名警察駐守美孚某書院門外,警察到場在該校活動室內,為事件相關的家長、老師、學生等落口供。


其實早在報警之前,美孚某書院已在本學年多次爆發校內打架欺凌事件,多集中在中一級,而鬧事者為不同學生,可見並非個別頑劣學生所為,據說曾有不同學生先後被打至脫牙、走路拐下拐下、撞瘀手腳等。曾有多位中一家長向校方投訴其不滿,指兒子就讀美孚某書院後經常受到欺凌,更被同學毆打,但校方一直並無跟進,只著眼勸喻家長及師生封口,即使學生被毆打至後腦著地亦以同樣手法處理,使該校的校園欺凌在短短一學年內變得惡化至失控,校園打架事件幾乎每日都在發生。有老師認為因上學年某某書院被傳媒大幅報導:疑為還五百萬貸款填數而濫收每位學生二千多元學習及活動費的事而受牽連,影響今年中一收生質素。


5月30日報警當晚,校方嚴正通知全校員工必須高度保密近日打架事件,不可和學生透露或討論,因訓導主任表示自己密切和雙方家長聯絡跟進,會落力游說家長不致校園欺凌打架受傷事件被傳媒曝光。


為免因報警及有多架警車和救護車停在校外的美孚區的大街大道被途人看見,由於學校附近道路十分繁忙而且很多公共汽車必經,而學校又鄰近美孚屋苑住宅,校方怕有傳媒知悉有相關事件。聲稱“為保障本校學生安全及私隱”,實則為封殺消息外傳及阻止傳媒報道,校方安排老師到校外巡邏,及大隻訓導男老師在正門站立,以阻止記者向學生查問,與兩年前某某書院副校長事件處理手法一樣,校方再次封殺消息,並會嚴正處罰透露消息的學生,立令全校師生封口及阻止傳媒採訪報導,以免影響校譽。可惜校方著眼點仍然不在處理校園內爆發的暴力欺凌事件,不知幾時又有下個人肉沙包又並打到後腦著地受傷,是否要有學生被打至賠上性命,美孚書院才願意處理校園暴力欺凌問題?


Rank: 5Rank: 5


2668
發表於 18-6-6 23:37 |顯示全部帖子
autumnshoulder 發表於 18-6-6 22:22
(真人真事分享, 希望社會各界可多關注校園暴力欺凌情況!)
位於美孚的保XX糖X芹初中書院,近日爆發多宗校園 ...

我見到你隔離中學交流又呻,小朋友冇事吖嘛?
8-)

Rank: 5Rank: 5


1612
發表於 18-6-7 09:55 |顯示全部帖子
autumnshoulder 發表於 18-6-6 22:22
(真人真事分享, 希望社會各界可多關注校園暴力欺凌情況!)
位於美孚的保XX糖X芹初中書院,近日爆發多宗校園 ...

襯學期尾, 考慮下同小朋友轉校.

Rank: 20Rank: 20Rank: 20Rank: 20Rank: 20

超級版主 醒目開學勳章


31692
發表於 18-6-7 12:12 |顯示全部帖子
版主溫馨提示:

文責自負,嚴禁發放任何未經證實的消息 (包括報導或網上留言),會員所有留言,不代表親子王國立場。

會員如在文章中發表任何言論而被告誹謗,一切後果教育王國恕不負責,並保留刪除有關文章之權利,如教育王國因會員言論而需負上民事責任,將保留向會員作出追究之權利。

任何人士未經本人同意不得轉載本人所發表之文章到任何媒體 (包括報章、雜誌及網站)

任何非 PM 形式查詢一律不回

各位~~~我唔會介紹補習社或興趣班, 唔使 PM 問我呀, 我係唔會覆架~~~

Rank: 5Rank: 5


3754
發表於 18-6-8 19:27 |顯示全部帖子
如果屬實,應該公開比家長知,以免中伏就大件事了

Rank: 3Rank: 3


142
發表於 18-6-9 01:25 |顯示全部帖子
本帖最後由 autumnshoulder 於 18-6-10 04:02 編輯
yaya_c 發表於 18-6-7 09:55
襯學期尾, 考慮下同小朋友轉校.

一定會轉校~本身以為間學校校風淳樸, 聽入學講座講到好有心教育先比仔仔讀,
除左仔仔成日比俾同學暴力欺凌, 打到瘀手瘀腳, 聽仔仔講都有好多其他受害同學情況一樣,


最火滾係學校無誠意處理事件, 中一都已經咁, 唔敢想像再讀落去會點!
就算轉banding低啲, 轉中中, 都好過日日擔心仔仔番學又比人打到受傷!
本身我仔仔較內向, 長期咁俾唔同嘅同學喺小息, 午息輪流暴力欺凌, 都影響到仔仔對番學有心理陰影!
如果第一次發生打架, 學校有能力做到嘢又阻止到下一次嘅打架, 就唔會搞到日日都打架, 郁手打人(係真打, 打到受傷, 唔係小朋友之間玩到推撞!) 嘅十個八個閑閑地, 受害者更加多! 真係非常過份!


學校做唔到嘢去教育同學, 更只識應酬受害小朋友家長 (唔止我一個被應酬), 態度差劣, 連交代嘅誠意都無, 係咁推卸責任, 咩都唔關學校事,  完全無重視過問題!

學校唔係無做嘢! 將所有人力物力精力, 都放喺點樣搵藉口卸膊, 點樣阻止傳媒訪問學生, 點樣令所有人封口, 點樣令校內連環爆發嘅校園暴力欺凌事件唔公開!


如果一早將阻止傳媒公開、呃晒所有人封口嘅人力物力去處理已經連環爆發近一整個年嘅打架事件, 就唔會有咁多小朋友做人肉沙包!


真係好氣憤!

Rank: 3Rank: 3


142
發表於 18-6-9 01:27 |顯示全部帖子
ANNAFRIEND 發表於 18-6-8 19:27
如果屬實,應該公開比家長知,以免中伏就大件事了
當然屬實啦! 上星期三的確打架打到報警call白車, 可想而知情況已經幾恐怖!

Rank: 5Rank: 5


2668
發表於 18-6-9 08:13 |顯示全部帖子
autumnshoulder 發表於 18-6-9 01:25
一定會轉校~本身以為間學校校風淳樸, 聽入學講座講到好有心教育先比仔仔讀,
除左仔仔成日比俾同學暴力欺凌, ...

日日俾唔同嘅人蝦,聽落又幾誇張其實如果你想同小朋友討回公道,有冇諗過搵下當區區議員?反正你都去意已決,唔洗買佢怕
8-)

Rank: 6Rank: 6


6217
發表於 18-6-9 08:22 |顯示全部帖子
autumnshoulder 發表於 18-6-9 01:25
一定會轉校~本身以為間學校校風淳樸, 聽入學講座講到好有心教育先比仔仔讀,
除左仔仔成日比俾同學暴力欺凌, ...

本帖最後由 gracelam 於 18-6-9 08:22 編輯

如要轉校, 現在要積極揾, 5ㄧ6月好多中學已經開始接受插班報名及面試和筆試。

祝一切順利

Rank: 5Rank: 5


2385
發表於 18-6-9 11:42 |顯示全部帖子
點解不報警?校長非常有問題

Rank: 5Rank: 5


3537
發表於 18-6-9 11:48 |顯示全部帖子
今日見到新聞了, 其實呢啲嘢學校越 揞 越衰,正常 處理咪得囉
  數學是不完美現實的完美呈現

Rank: 4


805
發表於 18-6-9 15:05 |顯示全部帖子
Chowying 發表於 18-6-9 11:48
今日見到新聞了, 其實呢啲嘢學校越 揞 越衰,正常 處理咪得囉

贊成(emoji)大大聲出來處理,反而會覺得校方正視問題,才放心比子女入讀。

Rank: 5Rank: 5


1188
發表於 18-6-9 17:09 |顯示全部帖子

回覆樓主

估唔到一間都叫唔錯嘅中學,接連發生同學打架事件。似乎學校管理方面出現咗幾大問題⋯⋯上年同仔報中學時都有填呢間,好彩無需要去到呢個選擇。

Rank: 3Rank: 3


142
發表於 18-6-9 21:02 |顯示全部帖子
本帖最後由 autumnshoulder 於 18-6-10 04:54 編輯

我仔仔由細到大比較內向文靜怕事, 所以當初升中選校, 我認為校風重要過谷成績, 我聽完入學講座, 誤以為此書院有心教育, 可以集中資源教初中,管教嚴, 而且以為副校長係個別教師嘅操守問題, 與學校無關, 所以先放心選此書院, 結果入咗去讀同初步表面嘅認識係兩回事! 而且更明白唔係副校長個別操守有問題, 係全間學校都有問題!
(題外話: 仔仔聽中三嘅師兄姐講, 上學年有個外藉英文老師, 上堂襲擊學生, 學校自此每次外藉老師上每一堂, 都會放部 IPAD喺課室, 錄影外藉老師上堂做證據。但詳情係點我都唔清楚, 因為當時仔仔都未入美孚書院讀書。)

校一定轉, 但下星期四開始考試, 想等仔仔考完試先搞, 唔想影響個仔考試。

激氣嘅係, 仔仔喺學校比人蝦唔敢出聲同老師講, 次次都係番到黎比我睇到受傷, 問問下仔仔先肯講。仔仔解釋曾經都同過老師講, 但覺得無用, 因為老師唔會理, 係咁反問番仔仔係咪自己跌倒, 而且仔仔話同學會話佢係"報串狗", 會再打佢, 會變本加厲。

我已經同仔仔講過好多次, 如果比人打要即刻同老師講, 但唔知點解講極仔仔都好驚同老師講。每次都係比我發現之後, 第二朝打番學校同老師講, 老師連聽嘅耐性都無, 每次老師都係話仔仔喺學校同人玩時自己跌倒整親! 由於仔仔無即時投訴, 隔咗一日先由我去講, 已經無晒證據, 老師次次都調番轉話仔仔唔可能係喺學校比人打, 可以係放咗學自己喺街撞親, 可以夜晚喺屋企跌倒都得!

總之次次老師就一口咬定仔仔唔係喺學校受傷, 又話絕對無欺凌事件發生過, 總之否定仔仔係比人打。我再話明明有打架事件, 老師仲問番我會唔會仔仔有份同人打架, 否則點會無啦啦比人打? 如果仔仔有份打架, 就要罰埋仔仔 (但明明我仔仔先係受害者! 點解要調番轉去罰受害者?  係咪即係恐嚇家長唔好再咁多事喺度投訴? ) 再講老師就話要上堂收我線! 卸膊卸得好過份!  我唔相信自己仔仔會經常喺學校無故跌倒手腳!

睇今日東方日報報導, 原來唔只我個小朋友有時常都會"跌倒"嘅奇症, 根據報導入面引述校方講法, 撞到後腦嘅中二小朋友,都一樣喺學校玩耍時跌倒???  莫非學校地板好滑,時常會滑倒學生?  而且嗰種調番轉講野嘅方式, 果然同平時應酬我嘅語氣一模一樣!

http://hk.on.cc/hk/bkn/cnt/news/ ... 0609_00822_001.html

Rank: 5Rank: 5


2668
發表於 18-6-10 00:12 |顯示全部帖子
autumnshoulder 發表於 18-6-9 21:02
我仔仔由細到大比較內向文靜怕事, 所以當初升中選校, 我認為校風重要過谷成績, 我聽完入學講座, 誤以為唐初 ...

乜自修室冇人老師風紀當值㗎?點解可以打到交嘅?
8-)

Rank: 5Rank: 5


1188
發表於 18-6-10 03:23 |顯示全部帖子
autumnshoulder 發表於 18-6-9 21:02
我仔仔由細到大比較內向文靜怕事, 所以當初升中選校, 我認為校風重要過谷成績, 我聽完入學講座, 誤以為唐初 ...

咁睇間學校啲老師根本就唔想理。正常收到家長投訴,表明小朋友於學校被同學打,姑勿論當事人的小朋友係一個受害者,抑或都有份打架都好,學校唔係應該先向有關同學查問清楚,之後再同家長作出一個祥細交代嘅咩?點可能三言兩語簡單交代下就算,就當老師講法係啱嘅,原來係個小朋友講大話屈同學打佢,作為一間負責任嘅學校、師長,唔係都應該同家長商量下,查找問題根源,睇下點樣幫個小朋友身心得以健康成長咩?(可能我過於理想化啦)點都好,咁樣處理手法在我睇嚟實在太恐怖啦。

Rank: 3Rank: 3


142
發表於 18-6-10 04:51 |顯示全部帖子
其實作為媽咪,小朋友時常放學回家,望到他的膝頭撞到腫了,拖住多處瘀傷的一雙腿,拐下拐下放學回家,然後實在難以理解小兒點解經常要喺學校跌倒,跌倒,再跌倒……
而且心裡明白到嘈都無用,再嘈小兒只會俾老師同學當掍屎棍針對,會再度喺學校跌倒,
一切嘅無助同心酸只能放喺心入面。
唔知有無媽咪明白我嘅感覺?

Rank: 5Rank: 5


2470
發表於 18-6-10 08:38 |顯示全部帖子
本帖最後由 talknwrite 於 18-6-10 08:44 編輯

見識過呢間學生, 來做義工時, 好難管, 好多BAND3學校學生好過佢地.

Rank: 5Rank: 5


2101
發表於 18-6-10 15:48 |顯示全部帖子
今早去教會, 有教友上台做見证, 他做教師的, 唔知教邊間, 說了一件在校內發生的事, 有以下對白: "啤咩啤,望咩望...".  佢話呢啲對白幾廿年前校園內都有聽到, 不同之處係今時今日講完啤咩啤望咩望後, 唔等對方反應, 立時開打.  

Rank: 3Rank: 3


142
發表於 18-6-10 23:54 |顯示全部帖子
你需要登錄後才可以回帖 登錄 | 註冊