adhd 嬰兒時期有冇咩明顯徵狀

kunn

想請教下adha 小朋友bb時期有冇咩特別不同?

仔仔一歲，非常活躍，好難坐定定同教指令，所以至今起聽指令上比同齡慢左好多，未識拍手俾野放野，亦冇意識模仿大人，吾中意望人，好難有眼神接觸，又好難專心坐低玩到小遊戲，如果勉強迫佢會瘋狂尖叫發脾氣。我留意到佢特別中意玩會轉的玩具，如齒輪、車碌等就會非常專注，所以令我更擔心佢會否有adhd的傾向。

但訓覺還算良好,整體訓到的時間都算長;同吾怕同陌生人玩
我知道一歲好難斷定症狀,個個bb都係咁哭鬧，最多只可持續觀察，但佢中左幾個主要徵狀，而且有經驗的人士同佢相處後都留意到佢有吾同,令我更擔心，望有家長可解答，謝謝

gigilovesnoopy

回覆 kunn 的帖子

ASD的小朋友較少有眼神接觸，有部份會沈迷某些聲音、玩具。ADHD的小朋友較活潑好動，不過會有眼神接觸。
如果擔心，不妨找專業人士幫忙

melaniex925

kunn 發表於 18-6-2 00:49
想請教下adha 小朋友bb時期有冇咩特別不同?

仔仔一歲，非常活躍，好難坐定定同教指令，所以至今起聽指令上 ...

你bb啲行為好似我個仔，我個仔9.5個月，又係好鐘意用手玩「碌」嘅野，其他玩具玩唔得耐，玩2分鐘就嫌悶，好易分心。俾指令佢，佢唔會做，但有時自己同自己拍手。e中同埋佢勁鐘意企同跳，我都擔心佢過度活躍。

tutik

印象中我仔係冇乜爬行階段，九個月就係企/跑，係呀行都小，佢未夠一歲已經識跑，就算跌過都好勇敢衝呀！一歲多後覺得唔對路，自己溱番，玩具成日要轉換冇耐性，教佢排隊非常困難。我知前額葉要受足夠刺激才可正常發展，你哋小朋友仲細可以留意下，遊樂場對幼兒成長好重要，盪秋千係非常好架。

小平媽媽

我女係開朗型，唔怕羞，玩得開心會好明顯係過左龍，瘋瘋癲癲咁 啲長輩會當係活潑 錯過左睇醫生黃金期。

solim

回覆 kunn 的帖子

而家有冇好d?我仔一歲都係甘，唔食野，一換衫就爬走，好擔心

kunn

solim 發表於 18-8-25 23:25
回覆 kunn 的帖子

而家有冇好d?我仔一歲都係甘，唔食野，一換衫就爬走，好擔心 ...

我仔而家又有少少改善，遇上佢中意既會好認真靜靜地玩，知佢識聽但仍不中意模仿，脾氣好大，少少吾順意就尖叫，非常活躍，剛識行已經想跑，所以而家好怕帶佢去pg, 吾會坐得到

yumi.aa

adhd係一個高level認知問題,BB階段連字都未識唔會咁快去到認知層面,所以要到最少6歲醫生先可以開始評估adhd

tobbie

8個月爬咗都無一星期，就扶嘢企同行，10個月一星期識行
2歲識駁嘴
4歲5個月cac評懷疑adhd，幼稚園話唔專心
但你問返佢老師頭先講咩，又答啱到8/9成
6歲2個月聯合醫院觀察小組後，確診adhd

mm618

成日講野唔望人， 上堂好似唔專心發白日夢，但老師問問題佢可以答晒出來。我小朋友是ADHD +高敏族，自小對聲音氣味觸感反應非常非常強烈，可能同前庭發展有關

ilovemybebe

嬰孩時期成日唔肯訓，瞓覺嘅時間普遍比其他人短