老師應否以垃圾來責駡學生?

haihaimom

shadeslayer 發表於 18-5-27 17:15
本帖最後由 shadeslayer 於 18-5-27 17:20 編輯

對。如果發生在港鐵，小六生被成年乘客侮辱，其傷害遠 ...

老師既專業係教好學生，我唔要求佢教好學生，唔羞辱學生其實已經好基本，我哋當然對老師要求會高一些。何況寫信比校長長只係表達意見，難道家長對老師既表現連意見也不能提出？我亦認為唔需要對質、問責或要校長交待什麼。
原來下屬工作唔達我要求，我係可以極盡羞辱之能事來辱罵他，天呀！原來我是個做得好差既上司

assado

投訴又好, 吾投訴又好, 樓主更要緊的是正视小朋友的學習, 吾好俾老師講中, 現在努力還可以, 6年後DSE 見功夫。

charlieyeung811

對的，我只想向校方指出老師指責學生所用的言詞（以我自己的尺度來說），表達不滿！

可能有些家長覺得以垃圾來鬧學生係無所謂，仲會鬧醒個學生，但唔好意思，我自己真係接受唔到！因為你除左鬧小朋友，間接仲鬧埋我和爸爸不懂教仔！

仲有向校方係表達不滿，從沒有要求校方需要對老師作出什麼處分，如校方認為老師這樣說是沒有問題，我也無話可說！

shadeslayer

haihaimom 發表於 18-5-27 17:28
本帖最後由 haihaimom 於 18-5-27 17:44 編輯

老師既專業係教好學生，我唔要求佢教好學生，唔羞辱學生 ...

職場多年，常見辱罵情況出現，背後好多說話聽。但我出名係「太過」循循善誘。「太過」係一些人比我的評語，包括被我循循善誘的人。我自己覺得OK。做人上司甚艱難。

haihaimom

shadeslayer 發表於 18-5-27 20:09
職場多年，常見辱罵情況出現，背後好多說話聽。但我出名係「太過」循循善誘。「太過」係一些人比我的評語 ...

工作多年，犯錯被上司責備一定試過，但被當眾辱罵，僅只一次，當時初出茅籚，對方只係稍比我高級。當時唔眀白佢動機，後來見其他新同事犯錯時遭遇一樣，才知道原來佢辱罵我既目的，就是要上司知道佢比我優勝。

maomaofafa

charlieyeung811 發表於 18-5-27 19:47
對的，我只想向校方指出老師指責學生所用的言詞（以我自己的尺度來說），表達不滿！

可能有些家長覺得以垃 ...

我覺得分開兩件事來睇吧

小朋友表現不夠好，家長需要跟進是理所當然的。只有自強不息才不會被人看不起。

但是老師無論如何也不應該用這樣的言詞去責怪學生。這和學生表現如何沒有關係，根本是老師的操守有問題。會說學生是垃圾的老師品德和愛心應該也非常有限。向校方反映是理所當然。不過他們一定會辯解或者說沒有這回事，所以證據是必須的。

maomaofafa

charlieyeung811 發表於 18-5-27 19:47
對的，我只想向校方指出老師指責學生所用的言詞（以我自己的尺度來說），表達不滿！

可能有些家長覺得以垃 ...

有很多人會把這兩件事混為一談。話學生玻璃心，沒有抗逆能力。其實根本沒有關係。小朋友點樣係一回事，唔代表老師可以咁樣講嘢。為人師表，什麼應該做什麼不應該做很清楚吧，成年人做事需要為自己負責。很多小朋友對老師說的話也很上心及視為榜樣，老師不是街外人，也不是求其一個三姑六婆。如果老師的受壓能力這麼低的話其實也不應該做老師。

Jane1983

maomaofafa 發表於 18-5-27 21:48
我覺得分開兩件事來睇吧

小朋友表現不夠好，家長需要跟進是理所當然的。只有自強不息才不會被人看不起。

大致同意。

Vanadium

再見樓主既回應真係感受好深，做父母，何為關心子女? 有事發生，連問下老師、了解下發生咩事，子女係學習上出現啲咩問題，點解要當眾鬧佢垃圾都唔會做。 樓主一句"功課馬虎、測驗不合格"，事實就真係簡單到咁? 做父母唔好奇去confirm一下仲有無其他既咩?

所謂關心，就係寫信去校長投訴，投訴完，仔女有咩問題，過程點解令老師發晒火，定老師無拉拉發火，不在關心之列。

子女交左比學校，係學校學習同生活成點問多兩句都唔問(指問老師)，子女在家之功課默書亦很大機會無點理先會出現馬虎情況......然後，子女被人話兩句，就趕著話做父母要為子女出頭，係父母既責任。

做父母既責任......有更多遠比出頭更重要啊! 不如EK出post問下學生成績好的家長，如何係子女成績唔太好時，點辛苦咁幫子女改善吧。真係愛錫子女，應要花多啲時間陪佢一齊成長，多方了解佢既需要同實況，多學習如何教養、多跟進佢既學習吧。

我知我講完呢番說話就會比人插，只係上到黎EK就好似新聞睇到啲令人痛心既社會現象，留言真係太多事。

最後，若那個老師對著學生講句垃圾，肯定有唔啱，就如父母因管教打仔女一樣。如果樓主同其子真係被人鬧完垃圾就發奮圖強，誓要用最好既態度去改善，要令鬧既人跌眼鏡，咁果句垃圾講得實在太值!

PTL_L

charlieyeung811 發表於 18-5-25 17:30
學生因功課馬虎, 默書不合格. 老師便在堂上於20名同學面前指責該孩為垃圾!!!

兒子因此情緒低落, 可否告知 ...

樓主，你小朋友俾老師鬧垃圾，我小朋友竟然被班主任起同學面前鬧佢「撒播謠言」一個十歲既小朋友，呢個term會唔會重左啲，作為媽媽的我，非常失落又感無用，因為敢怒不敢言

PTL_L

俾老師鬧既原因只係我小朋友同隔離同學講左一句「快啲做啦，如果唔係又會俾老師鬧架喇」老師立刻鬧佢「撒播謠言，明明唔係鬧你，講到鬧你」我囡即場起堂上喊，老師問佢喊咩，佢答「老師，你誤會左我」我非常非常心痛

shadeslayer

PTL_L 發表於 18-5-28 00:12
樓主，你小朋友俾老師鬧垃圾，我小朋友竟然被班主任起同學面前鬧佢「撒播謠言」一個十歲既小朋友，呢個term ...

老師鬧學生垃圾，(差不多)沒有合理解釋，辦教育的人，無理由侮辱被教導的學生。但老師鬧學生「撒播謡言」，則沒有這種違背教育原則的問題，相去甚遠。

PTL_L

shadeslayer 發表於 18-5-28 00:20
老師鬧學生垃圾，(差不多)沒有合理解釋，辦教育的人，無理由侮辱被教導的學生。但老師鬧學生「撒播謡言」 ...

如果我小朋友有做呢個行為，我唔會包庇，反而要教，因為教育小朋友原本就係父母既責任，但佢冇做而又攞呢個term黎鬧佢引至佢即場喊，唔只係老師，就算作為一個普通既成年人都於心不忍，不過之前我們同班主任間發生左好多事情，我都不便多談。而家事情發展到，我囡要見社工，因為呢一年間，發生太多不平事，一個咁細既小朋友係承受唔到。作為父母，只希望小朋友能開開心心渡過童年，亦希望老師們要有同理心，真係視學生如自己既小朋友。老師講既每一句，小朋友都會烙印於心

whitesky

我驚訝原來有些家長會覺得老師駡小朋友係垃圾是可以接受，還可能令小朋友 ’上進‘？為什麼會認為小朋友不合格就可以駡他垃圾？ 就可以不尊重？

洋蔥頭媽咪

Vanadium 發表於 18-5-27 23:55
再見樓主既回應真係感受好深，做父母，何為關心子女? 有事發生，連問下老師、了解下發生咩事，子女係學習上 ...

睇左咁多回覆我好認同你，亦相信樓主兒子對功課不認真、默書不合格等問題並非首次發生，樓主並未去了解清楚當時情況，小朋友態度 …，只著眼放大了老師説過垃圾嘅詞語。明白現今家長通常愛子心切，若感覺到子女被不公平對待，往往就會不自覺地把事件放大，代孩子出頭甚至投訴。樓主兒子已是小六生並非小一，相信有可能較為反叛，老師教極唔聽才會激動失言，或許老師亦有做得不對的地方，但諗深一層老師都是想教好小朋友，而且實情係點都未清楚，單憑小朋友片面之詞就去投訴老師其實對教好小朋友全無好處。現今呢一代孩子唔打得、唔閙得，反叛起來的確好難教，家長代出頭也令孩子aq/eq都越來越低。新世代被上司閙兩句就辭職嘅，在職塲上都見唔少。

bobbob

Vanadium 發表於 18-5-27 23:55
再見樓主既回應真係感受好深，做父母，何為關心子女? 有事發生，連問下老師、了解下發生咩事，子女係學習上 ...

你唔係真係以為老師咁鬧學生係為咗令佢『發奮圖強』呀？定係教到炆控制唔到自己情緒？
作為老師，好應該對事唔對人，如果針對件事指出學生錯處相信無人會批評，但去到人身攻擊就唔同講法。

siden

Vanadium 發表於 18-5-27 23:55
再見樓主既回應真係感受好深，做父母，何為關心子女? 有事發生，連問下老師、了解下發生咩事，子女係學習上 ...

「有事發生，連問下老師、了解下發生咩事，子女係學習上出現啲咩問題，點解要當眾鬧佢垃圾都唔會做。 樓主一句"功課馬虎、測驗不合格"，事實就真係簡單到咁? 做父母唔好奇去confirm一下仲有無其他既咩?」

「過程點解令老師發晒火，定老師無拉拉發火」

以上其實講得好啱。其實我都唔明，點解楼主唔搞清楚以上嘅問題？連call個老師問清楚發生乜事都唔使？個老師把口唔要得係事實，但係咪都要問下當中發生乜事？唔知事情始末，點教好自己個仔？

除非個老師似癲狗一樣周圍鬧細路垃圾，否則，人人唔鬧淨係鬧楼主個仔，咁除左個老師有問題，連楼主個仔都非常有問題。

楼上有jm講得啱，兩件事情要分開睇。無論楼主個仔係個老師眼中有幾不知所謂，個老師都唔應該咁鬧個細路。呢個係原則問題，做教育嘅人，呢啲說話係絕對要忍。講得衰啲，就係忍唔到的話就咪鬼逗小學教師咁高人工。

做人父母，聽到個仔俾人咁鬧，果種心ip，只有當事人先會有深刻感受，其他人，大多針唔拮到肉唔知痛。所以楼主想反映或投訴俾學校聽老師需要改善，我覺得係講得通亦適當。訴就係要投之但係，係咪應該先向老師了解事情來龍去脈先投訴會好些？

Vanadium 有個point係講得好。家長係呢件事幫個仔出頭，的而且確係有可能係個仔眼中將成件事轉移焦點：即係話，個仔犯錯被鬧垃圾，依家阿媽幫個仔出頭去投訴個老師，咁即係錯在老師，個仔係受害者。上面我已經講咗，投訴係適當，但如何避免成件事在細路眼中被轉移焦點，楼主有責任去處理。係屋企家長唔處理好，個小朋友出去學校，甚至社會，邊個會忍你俾面你？如果楼主教懂個仔「人必自侮而後人侮之」呢個道理，楼主先係贏家。否則，只係用投訴打沉個老師，純粹只係發洩不滿，對楼主個仔一啲好處都冇！

如果我個仔搞成咁，我第一件事唔係諗投訴。我等一件事一定係鬧仔，仲要鬧得比個老師更兇更狠。因為家長唔鬧唔教，個仔將來只會受更多侮辱！父母唔出得幾多次頭！唔幫得幾多次！

yovin

Vanadium 發表於 18-5-27 23:55
再見樓主既回應真係感受好深，做父母，何為關心子女? 有事發生，連問下老師、了解下發生咩事，子女係學習上 ...

唔要緊，如要被插有我陪你，加油！
我同你出發點和手法大致相同，為甚麼小孩子被罵「垃圾」從來無人提出去問？過程如何亦無人去探究。單單片面之詞，就一窩蜂指責老師，當中有些指責的說話比「垃圾」「粗口」更難聽，有些提議行為更令我心寒。上達意見當然可以，但有否win win相贏的方法？一個好老師一時失言or邪惡老師，我所處理的手法，會完全不一樣。有些家長把邪惡老師的所見所聞，已投射到樓主老師身上，我覺得不公平。我由band3，到大學，到考入北大碩士怎會未見過魔鬼與天使(論老師、家長、學生)。

我也喜歡鍥而捨！…………

rulerL

whitesky 發表於 18-5-28 00:37
我驚訝原來有些家長會覺得老師駡小朋友係垃圾是可以接受，還可能令小朋友 ’上進‘？為什麼會認為小朋友不 ...

同感。我都好意外，原來都有不少人會接受一個老師在課堂上指斥某個學生係「垃圾」，原來大家對教師嘅操守水平要求係咁低。

喺樓上廣泛的討論中，亦得知原來老師侮辱學生並非罕見之事，可能我小朋友真夠幸運，今日我訪問過我兩位分別就讀中、小學嘅孩子，兩人都表示並無見過/聽過 其學校老師以「垃圾」或其他侮辱性言詞去指責學生。

姑勿論基於何種因由、老師出發點為何，老師指斥學生係「垃圾」真的是可接受的嗎？

shadeslayer

洋蔥頭媽咪 發表於 18-5-28 00:40
睇左咁多回覆我好認同你，亦相信樓主兒子對功課不認真、默書不合格等問題並非首次發生，樓主並未去了解清 ...

老師當眾鬧學生垃圾這行為，有那一部分令你覺得老師係為了教育學生？

父母辱罵孩子，多數只為出啖氣。出啖氣可能是必要，但絶不能叫教育孩子。