廿幾歲女仲攞零用錢 網民譏超齡港孩

elbar

所謂養兒一百歲，長憂九十九，有家長呻20多歲的女兒已工作數年，女兒除了不定時給家用，有時更會向父母「攤大手板」攞零用錢。有社工指，現時不少家長已不期望子女供養他們，只要子女能自給自足，他們已感到很安慰。


「啃老族」是指年輕人完成學業後，仍繼續依靠父母供養和照顧。有媽媽在討論區吐苦水，指20多歲的女兒已工作數年，起初每月會給三、四千元家用，但最近已沒有再付家用，女兒更偶爾問她索取零用錢。帖文提及︰「佢唔畀家用，仲問我攞零用（錢），每月都畀返兩三千元佢，我有話過佢，佢就話自己賺得少。」


有網民建議事主叫女兒搬出去住，相信她在外生活半年就會「生性」。另有過來人指，有朋友月入僅萬餘元，外出食飯、買名牌及去旅行均由父母「找數」。


部分年輕人 缺理財知識


香港遊樂場協會資深社工溫立文指，曾聽聞部分中產家長因子女收入不高，寧願他們留在家中。「有家長說子女賺得少，不如不要打工。」但他指，家長這樣做是剝奪子女成長的機會。


溫立文續說，部分年輕人不懂理財，例如跟朋友消遣時「使大了」。「即使是向父母借錢，也應該有借有還，同時需檢視自己的收支是否平衡。」他指，父母要求子女付家用，也是一個讓子女建立責任感的方法。「就算父母富有，如果子女不工作，最終只會坐食山崩。」


信用卡消費 易失預算


香港基督教女青年會督導主任蘇艷芳指，部分家長礙於子女只做兼職及散工，毋須他們給予家用，甚至每月給子女1,000至2,000元零用錢。「大部分家長期望子女工作後可自給自足，部分家長甚至不用子女支付家用。」但支付家用是對家庭的責任及承擔，即使金額不多，也可與家人分擔水電煤等使費。


蘇艷芳續說，近年多了廉航推出平機票，有家長反映子女去旅行的次數增加，娛樂方面的使費比以前高，甚至因此多了簽卡消費，結果欠下大筆卡數。

ANChan59

成班社工及市民忘記了另一個重點，人工真的很低呀！

阿仔在大一大二已經知道，單靠份正職人工，根本不夠畢業後的生活，所以要去安排第二第三收入來源！

為什麼不去了解人工低得可憐？！

dativebond

elbar 發表於 18-5-21 16:22
所謂養兒一百歲，長憂九十九，有家長呻20多歲的女兒已工作數年，女兒除了不定時給家用，有時更會向父母「 ...

出黎做野仲要比零用又過份左，唔比家用都叫無計啫。

akys

俾首期就得，攞零用錢就唔得，其實金額相差好遠㗎！

ANChan59

akys 發表於 18-5-21 21:07
俾首期就得，攞零用錢就唔得，其實金額相差好遠㗎！

Double standards.  

MrBeast

ANChan59 發表於 18-5-21 18:44
成班社工及市民忘記了另一個重點，人工真的很低呀！

阿仔在大一大二已經知道，單靠份正職人工，根本不夠畢 ...

其實是人工低定物價貴呢？

MrBeast

akys 發表於 18-5-21 21:07
俾首期就得，攞零用錢就唔得，其實金額相差好遠㗎！

一個係投資，另一個是消費

ANChan59

MrBeast 發表於 18-5-22 09:47
其實是人工低定物價貴呢？

Both. Now the average graduate salary 18% below 10 years ago.

The salary increment can’t catch up CPI  

ANChan59

MrBeast 發表於 18-5-22 09:49
一個係投資，另一個是消費

I don’t think it’s an investment, the first one must be basic need.

ilyrd

如我冇記錯,去年全部DSE狀元都讀醫.背後與收入都有闊係吧.香港...我比較悲觀.

Jane1983

而家樓價物價係離譜地貴，有前輩家長都笑，仔女無論讀邊科，出來都係搵唔到食，陰公。

Cheeselover

今天傳媒喜歡以偏概全來引出問題，若真有其事，我們不可靠三言兩語妄下結論，即便真有其事，又是否普遍現象？
年青人剛踏入社會，底子不足，突然需要江湖救急實非大罪；至於是否人工太低而出現赤字卻值得討論，生活必需品除了樓貴外，衣食行開消尚算合理，娛樂享受則是個人喜好，一份人工萬餘元，若與家人同住，實在足夠，月光族往往是生活習慣造成，更多的是自幼從父母學回來的價值觀。

ANChan59

Cheeselover 發表於 18-5-23 08:57
今天傳媒喜歡以偏概全來引出問題，若真有其事，我們不可靠三言兩語妄下結論，即便真有其事，又是否普遍現象 ...

我指人工太低是因為家中有人辦，是有的放矢，之前已經計過。我剛剛再將數字量化，若果男仔，家住新界，中環上班，Big4，要考專業試(希望自由身，我估有網友會話唔考專業試咪慳返兩萬囉)，唔上 prep course，周末假日唔出街，唔去旅行，俾家用，未拍拖，出面唔飲咖啡，唔駛俾稅！每個月平均要港幣一萬二千左右。最大使費是在外出用膳(現正OT冇飯錢)，交通及家用。理論上，他是有二千元盈餘的！

如果是女生，加上化妝品，服裝配飾，肯定唔止這個數！如果拍拖，香港男女不平等之下，更加百上加五十斤

dlam141231

ANChan59 發表於 18-5-23 10:05
我指人工太低是因為家中有人辦，是有的放矢，之前已經計過。我剛剛再將數字量化，若果男仔，家住新界，中 ...

我親友中都有人辦.  外甥仔, 讀書成績普通, 但都三大畢業, 中资銀行做teller, 做咗两年,我估計月薪無2萬.  有拍拖, 大學師妹, 拍咗三年, 師妹仲未畢業.   外甥仔鍾意運動, 幾年來都跑全馬, 平日有跑步, 拉埋女朋友, 两個時時去登山遠足之類, 我估咁樣拍拖慳唔少掛.  總之, 聽聞有俾少少家用, 自己日常夠駛, 仲拍埋拖, 老爸老媽生日仲識請食飯送生日禮物.  主要慳在家中有樓, 唔駛俾租俾水電, 閒時仲有飯開.  

ilyrd

食,真的好貴,现在好多人食早餐,食下午茶,唔食午餐.因午餐貴的.而家早餐价錢,早5,6年可以食午餐的.以上指茶餐廳或連鎖快餐.反而M記算合理的,雖然個包直徑一直減少,但仍有10多元一個包.

ANChan59

其實某位富二代的戲言，真的深入民心！

ANChan59

dlam141231 發表於 18-5-23 10:25
我親友中都有人辦.  外甥仔, 讀書成績普通, 但都三大畢業, 中资銀行做teller, 做咗两年,我估計月薪無2萬.  ...

應該唔過萬八。我們又看到，大學畢業生正在「下流」中！

你的親戚及我的兒子已經是唔計較人工，有得做就去做，由低點做起，我自己覺得欣慰，希望一年后有突破。

akys

所以醫生，牙醫，物理治療，護士或護理行業咁吃香，唔好怪班讀書人個個走去醫護行業，形勢所迫呀！

akys

ANChan59 發表於 18-5-23 10:29
其實某位富二代的戲言，真的深入民心！

哈哈！幾年下來，與目標越來越遠，就算唔食唔玩最後都係得個吉。識唔少後生仔已放棄儲蓄，改為活在當下。

ANChan59

ilyrd 發表於 18-5-23 10:28
食,真的好貴,现在好多人食早餐,食下午茶,唔食午餐.因午餐貴的.而家早餐价錢,早5,6年可以食午餐的.以上指茶 ...

有些工作不可以出去吃下午茶代替午餐