2X 定 3X

Lovelymame

如果成績麻麻，係咪唔應該選3X？ 係咪會好吃力？還是3X,有多一科後備，到時升大學取兩科較好成績的分數。

另外阿仔想選中國文學，但如果選這科，學校的套餐係要修3X.

其實佢中文科成績麻麻，佢鍾意看書同作文，就話要選中國文學。其實這科難取高分嗎？

lyc_hkelf

視乎CORE 成績同埋想讀既大學科睇BEST 5 定係 4C2X(如果CORE成績不太好, 想讀既科係計BEST 5, 三科elective 就會變得好有用)
CORE本身仲好過elective 的話 就兩科已經好夠

Lovelymame

佢科科成績都麻麻。

佢鍾意文科多D，因為佢自己都未知將來讀咩，做咩。我諗選一科理科到時選科多D選擇。
三科理科哪科較容易啦？

October.

有得揀都係3x穩陣啲，真係讀唔到囉，到時先drop。

中國文學科要背要做分析和比較，作文同中文科作文有啲唔同，需要從創作角度出發，比較天馬行空。

October.

大學升學制度，完全睇分數，我女中同當年中國文學取*,平時文筆也很好，經常寫影評視評體育評論投稿，但因總分唔夠，只能讀副學士，後尾先駁入大學。

所以，暫時來講，我選科都會係能力排第一，興趣成日變就排第二。

洋蔥頭媽咪

唔係人人都有能力讀倒3X，如果成績本身已經麻麻地，讀3X會相當吃力，分分鐘攪到科科都唔夠時間，不如集中火力選2X好過。

johnmamama

可以揀3x 先， 因為要讀番一段時間 你才知道自己哪科會arm 讀， 通常中四下學期已可drop科。我見過讀到書人 , 最後去考des 考少一科 selective ,考6科 有36分

lyc_hkelf

Lovelymame 發表於 18-5-13 08:19
佢科科成績都麻麻。

佢鍾意文科多D，因為佢自己都未知將來讀咩，做咩。我諗選一科理科到時選科多D選擇。

囡: 視乎能力, 物理的話理解力同計數係非常非常重要, 背野渣都冇問題化學就個人認為係syllabus 最多(6x課) 亦係最百搭要識計數但冇物理咁demanding, 某啲課要明, 其他有啲要記要背
(如理解力吾得但背誦能力記憶能力非凡 DSE程度尚可應付)
生物: 背同記多, 計數就冇麥, 好多實驗果啲要明
如果本身CORE同ELECTIVE成績都麻麻的話兩科會好啲 但如果CORE麻麻ELECTIVE幾好既就3X冇問題(好似佢咁喎-.-)
但如果本身較難明白科學既一啲原理, 簡理科都比較吃力 見吾少文科材料既人走去到理科 跟住怨......

1998Ruby1998

當然係 3X，到時候真係讀唔掂先 drop，有退路。

讀中國文學，中文好係門檻，但係唔代表會高分，一樣可以有人攞 2。

個人經歷：堅持唔 drop，最後果科最高分。

ydoris

回覆 lyc_hkelf 的帖子

聽完你分析..我真的很開心.因為阿囡係選科表前講左幾句說話..就是.我背野好差,選CHEM好無信心.佢最後填左物理,因為佢補緊數學.成績比班中數霸低少少.近次物理測驗是三班同一老師教既第一名.我專重佢既決定.亦有左定心丸..

LingChiBaBa

Lovelymame 發表於 18-5-13 00:02
如果成績麻麻，係咪唔應該選3X？ 係咪會好吃力？還是3X,有多一科後備，到時升大學取兩科較好成績的分數。

...

在決定2X定3X前，先估計亞仔的定位，按學校畢業生往績及亞仔初中成績，可入讀5大，其他資助大學，還是自資大學、副學士。

如果是8大，建議選3X，大學收生要求已傾向3322+33。選2X再加上無強項選修科，祇選2X實在太冒險，無路可退。如果是自資大學、副學士，可選2X而強攻4C。

是否選1科理科也一樣。如果目標不在5大，加權變得影响不大，要文科人硬選1科理科，結果可能是在中五drop科。

選中國文學也太冒險，初中未修讀過，中文科也不是太標青為何作此決定？選了中國文學會否局限了選其他科的機會？中國文學DSE成級績整體上不差，但你要知道亞仔學校DSE往績。亞仔學校有開2X及3X，估計是B1B/C英中，中國文學科對英中未必有優勢。

既然沒有頭緒，不如了解亞仔學校有甚麼選修科是較強的。

全屬個人意見而已。

王家爸爸

Lovelymame 發表於 18-5-13 00:02
如果成績麻麻，係咪唔應該選3X？ 係咪會好吃力？還是3X,有多一科後備，到時升大學取兩科較好成績的分數。

...

如果整體成績麻麻，真係無必要揀3X，到不如將啲時候花係主科度。

Lovelymame

LingChiBaBa 發表於 18-5-14 13:38
在決定2X定3X前，先估計亞仔的定位，按學校畢業生往績及亞仔初中成績，可入讀5大，其他資助大學，還是自資 ...

阿仔係B2B學校，成績中下

我問過學校成績如何，佢話不便透露，除非叫小朋友自己問老師。但阿仔一定唔會問啦！

Lovelymame

October. 發表於 18-5-13 10:46
大學升學制度，完全睇分數，我女中同當年中國文學取*,平時文筆也很好，經常寫影評視評體育評論投稿，但因總 ...

阿仔對中國文學係有興趣，他說他喜歡寫作和看書。
但佢中文科的成績係差幾分才及格。老師話因為佢温習課文不夠。作文冇跟比分的制度來作，所以也不高分。但係有D天馬行空。
所以都不知道他是否真的適合。

洋蔥頭媽咪

LingChiBaBa 發表於 18-5-14 13:38
在決定2X定3X前，先估計亞仔的定位，按學校畢業生往績及亞仔初中成績，可入讀5大，其他資助大學，還是自資 ...

有部份Band 2A-2B 中學都有開 2X及3X. 若Band 2直資多數會有3X.

October.

Lovelymame 發表於 18-5-14 23:20
阿仔對中國文學係有興趣，他說他喜歡寫作和看書。
但佢中文科的成績係差幾分才及格。老師話因為佢温習課文 ...

中意寫作和看書照計幾適合讀文科，但成績要好就需要各方面配合先得，讀書...讀書...係要下點功夫係書本，起碼基本知識分攞咗，其它題先靠自己才能去發揮。

我仔初中，我睇過下佢本中文書及校本，發覺依家中文課文所選用既文言文及詩詞，真係篇篇佳作，意境幽遠、詞譟華麗，我睇到都好有感覺，好既文章感染力和吸引力好強，我仔都話喜歡中國文學，但佢唔中意睇書，點讀文學？

你依家咁情況，4 CORE 可能都需要花時間努力，可選3X先，試讀一年或半年，睇下能力及興趣適合邊科，到中四尾或中五再drop.

LingChiBaBa

洋蔥頭媽咪 發表於 18-5-15 07:53
有部份Band 2A-2B 中學都有開 2X及3X. 若Band 2直資多數會有3X.

我都係按樓主開始時D資料估喳。成績麻麻但學校俾佢揀3X，所以估係Band1學校。

LingChiBaBa

Lovelymame 發表於 18-5-14 23:12
阿仔係B2B學校，成績中下

我問過學校成績如何，佢話不便透露，除非叫小朋友自己問老師。但阿仔一定 ...

咁情況我覺得亞仔應該揀中國文學(3X)，既然佢想讀，咪俾佢決定。因為無偏好，另外2科一理一商。

學校唔透露成績，可能4C唔理想，所以更加要集中搞好4C，升中五前決定drop1科。

gigilovesnoopy

Lovelymame 發表於 18-5-13 00:02
如果成績麻麻，係咪唔應該選3X？ 係咪會好吃力？還是3X,有多一科後備，到時升大學取兩科較好成績的分數。

...

今年有朋友的B1B仔考DSE，佢絕對是文科人，目標是法律學院。但佢亞媽無端端幫佢選咗科chemistry ，而且亞仔仔的core Maths都幾弱，估計呢兩科最多攞4。但其他科Eng, Eng Lit, History, LS, Chin摘星絕對冇難度。

當初佢亞媽無逼亞仔揀一科理科，由得佢讀晒文科，可能core Maths 成績會更好。

Lovelymame

LingChiBaBa 發表於 18-5-15 10:31
咁情況我覺得亞仔應該揀中國文學(3X)，既然佢想讀，咪俾佢決定。因為無偏好，另外2科一理一商。

學校唔透 ...

中國文學係同經濟同一班，而且係3X班，經濟係咪好多人選？我仔成績麻麻地，驚唔夠揀經濟的人爭。