[請教] 學券幼稚園生考私小或直資

Mikor

大家好，小朋友係2014年出世既男仔，而家K1讀 學券幼稚園，一星期出去上英文pg 個半鐘，喜歡睇書及發問。

岩岩同朋友食飯，知道出年就要in 學校喇，因為我想小朋友讀冇咁多抄寫既學校，而且個區d 學校全部都谷，所以想同小朋友試下考。不過聽完朋友講私幼同學券幼稚園學生既分別，我個人都怯左，覺得程度真係差太遠。

暫時我目標係直道或播道，唔知呢一年時間應該點幫小朋友裝備，當然亦唔想谷得佢太辛苦，希望大家俾d 意見，謝謝。

1998Ruby1998

我知道今年有學卷小朋友考到 St Clare、禮賢、培道、蘇小，所以都唔係冇機會。私幼都有好多人零 offer。

暫時聽返家長分享都係話英文方面要多倍努力，或者你今年多同佢伴讀，鼓勵下佢用英文講故事。真道我唔清楚，不過播道好似係得一輪面試就出 offer。

Mikor

1998Ruby1998 發表於 18-5-4 15:56
我知道今年有學卷小朋友考到 St Clare、禮賢、培道、蘇小，所以都唔係冇機會。私幼都有好多人零 offer。

...

多謝你回覆，我呢幾日去買d 簡單故事書同小朋友一齊讀下先

assado

JazlynBaby 發表於 18-5-4 17:24
我相信直資唔止考英文、中文數學都要好、基本學術一定要、禮貌又要、最好有一體一藝係手同埋小朋友反應快夠 ...

再加上合群, 坐定吾周身旭, 自理能力, 簡單生活常識。

Charlotte_mom

伴讀、伴讀、伴讀
獨立閱讀能力同興趣（耐性）幾乎係考小一必備
唔為考小一都為裝備自己，畢生受用

Mikor

Charlotte_mom 發表於 18-5-4 17:52
伴讀、伴讀、伴讀
獨立閱讀能力同興趣（耐性）幾乎係考小一必備
唔為考小一都為裝備自己，畢生受用

謝謝，伴讀我地由歲半開始每晚都有。小朋友都比同學仔知道好多其他既智識，不過又雜又亂 睇既書太廣，昆蟲，海洋，恐龍都識好多，只係26個字母都未認得好穩陣

Tans

Mikor 發表於 18-5-5 09:34
謝謝，伴讀我地由歲半開始每晚都有。小朋友都比同學仔知道好多其他既智識，不過又雜又亂 睇既 ...

我仔讀私幼，當年都係甘，睇好多唔同既書，識好多唔同既野，又雜又亂。

ToMing123

真道5月考，考生要在考卷上寫中英文名，學券幼在K2下學期未必教到寫名，呢樣要留意返

assado

19841984 發表於 18-5-6 21:59
我也是學券。

我是由出世起，每天伴讀，

考小學, 就係要這些。

assado

19841984 發表於 18-5-6 22:25
另外一提，
我們是一張證書也沒有，
但孩子的語文水平，

係. 臨場面試表現最重要, 語文要好。
証書作用不太, 但都讓小朋友去發展興趣。

Mikor

ToMing123 發表於 18-5-6 21:29
真道5月考，考生要在考卷上寫中英文名，學券幼在K2下學期未必教到寫名，呢樣要留意返 ...

謝謝提醒，真道正係其中一間目標，早兩日試下同佢一齊寫名，佢興趣唔大，可能覺得難，唯有遲d 再試下

Mikor

多謝大家教路，我地開始轉換睇書方法，之前都係我講佢聽或睇圖，而家開始試下拎返d 簡單既書出黎一齊讀下，希望咁樣玩住學習有幫助。我係wm, 時間唔夠多係最大敵人，仲有一年時間，唯有努力多d

mytambb

Mikor 發表於 18-5-4 14:38
大家好，小朋友係2014年出世既男仔，而家K1讀 學券幼稚園，一星期出去上英文pg 個半鐘，喜歡睇書及發問。

...

「真」道或播道，應該唔太難。真道的IB很吸引，努力。

joyce76123

樓主要多D信心，我們也是學卷幼稚園，當年都幸運取得APS，TSL等offer。也是從小每日都會伴讀，中英文同步，另要培養孩子有禮貌的習慣，要成習慣才能時時記得。

assado

好直资/私小收的P1生, 大部分是來自私幼, 小部分來自學卷幼稚園。
學卷幼稚生要成功有offer, 家長要多同小朋友伴讀中, 英文書, 加強語文方面能力。

星星的後裔

joyce76123 發表於 18-5-7 21:11
樓主要多D信心，我們也是學卷幼稚園，當年都幸運取得APS，TSL等offer。也是從小每日都會伴讀，中英文同步， ...

絕對想錶起你個貼， 太多人認為只有私幼至可以入私小。你就是一個例子去突破盲腸。

認同%上，私幼是較學劵上私小多，但背後有好多原因，不應簡化因果。