【家長教功課 壓力爆煲】 專家三大建議！

BK_Milk

部分家長為了要小朋友好好完成功課，都會每晚做「伴讀書僮」篤促小朋友，做錯即改，不整齊重寫。但「完美」的功課背後，在日復日的鞭策下，小朋友是否真正吸收到知識，提升做功課的信心？


有家長在討論區表示面對即將升小的子女，每晚陪小朋友做功課而身心俱疲，更開始影響親子關係。


想小朋友的功課表現理想，又不想他們過份依賴，教育心理學家楊潔瑜有三大建議給家長。


陪小朋友決定做功課先後次序
家長習慣每晚坐定定陪仔女做功課，不但耗時又會令小朋友造成依賴，失去自己解決問題的能力。楊潔瑜建議家長先陪小朋友決定做功課的先後次序，就可以暫時離場：「最簡單的抄寫由小朋友先自行完成，艱深的就留待最後從旁協助，令小朋友嘗試自行解決問題，有助吸收課堂知識。家長坐足一晚實在不必要。」


小朋友自行評價字體美醜
家長希望小朋友抄寫生字時工工整整，每每在旁監督小朋友邊寫邊改。楊潔瑜建議先讓小朋友自行抄寫，再評價自己字體的美醜：「對於寫字不工整的小朋友而言，他們很需要家長鼓勵，家長可以先稱讚小朋友完成生字功課『好叻，呢幾個字寫得唔錯！』，之後就請小朋友選出可以寫得更靚的數個字。」楊潔瑜認為這個方法比起邊做邊改更有效率，可以讓小朋友檢討字體美醜，同時有助增加小朋友的信心。

營造適合做功課的氣氛
為了令小朋友專心，家長會安排一個安靜的環境讓小朋友做功課，但楊潔瑜認為在安靜的環境並不代表小朋友可以專心做功課，營造適合做功課的氣氛更為重要：「小朋友做功課時，家長可以在一旁閱報看書等進行靜態活動，因為家長做到以身作則，感覺就好像與子女並肩作戰一樣。比起睇電視或玩手機，更容易令小朋友專心。」


即到親子語 睇更多育兒／教育資訊。

skkeung

BK_Milk 發表於 18-4-30 11:00
部分家長為了要小朋友好好完成功課，都會每晚做「伴讀書僮」篤促小朋友，做錯即改，不整齊重寫。但「完 ...

有幾多個會跟，咪又系話人在江湖，身不由己！

little_yolky

BK_Milk 發表於 18-4-30 11:00
部分家長為了要小朋友好好完成功課，都會每晚做「伴讀書僮」篤促小朋友，做錯即改，不整齊重寫。但「完 ...

呢位教育心理專家可能係未結婚或未有子女或子女讀IS。

星星的後裔

我地是小功課的幼稚園仲可以跟到，但小學或其他多功課的未必做到。

little_yolky

星星的後裔 發表於 18-4-30 13:46
我地是小功課的幼稚園仲可以跟到，但小學或其他多功課的未必做到。

幼稚園小功課就唔駛跟啦。

YolandaTam

little_yolky 發表於 18-4-30 12:44
呢位教育心理專家可能係未結婚或未有子女或子女讀IS。

同意。如果孩子讀傳統學校，家長跟佢講咁做，結果好大機會係孩子抄寫功課次次大部分要改正，家長收到老師電話，苦口婆心請家長跟緊啲功課或請補習老師。

bobbob

little_yolky 發表於 18-4-30 14:05
幼稚園小功課就唔駛跟啦。

係少唔係小
其實佢嘅建議唔難跟，最緊要學校老師唔好介意功課無咁perfect就得

little_yolky

bobbob 發表於 18-4-30 14:16
係少唔係小
其實佢嘅建議唔難跟，最緊要學校老師唔好介意功課無咁perfect就得
...

我照抄星星的後裔丫嘛。


佢個建議係要先有個FTM响屋企, 香港地幾多人有? working mum放工見到仲未做晒功課? 即刻變身做哥斯拉了。而且, 個個小朋友唔係一個模出嚟。我以前都唔理阿細D功課, 寫到鬼畫符咁。呢個學期我睇佢功課, 對眼噴晒火咁要佢隻隻字都要寫得好靚, 因為(1)佢寫到靚字; (2)佢鬼畫符根本寫既時候個腦係脫咗鈎。當佢努力地寫靚隻字, 神奇地, 佢會比較入到腦。

little_yolky

ar_mak 發表於 18-4-30 15:15
我唔敢講自己係教育學家，但我都有個做功課方法可以分享，就係所有功課都在夢境中完成。

呢個方法我覺得係 ...

我唔知你係認真定吹水, 如果你係認真既, 咁, 阿細將會好適合做你個女, 因為佢經常發夢, 套用你果句, 好優雅。

little_yolky

ar_mak 發表於 18-4-30 15:18
回覆 ar_mak 的帖子

我諗緊陳豪係點樣教細路做功課呢？佢點樣去營造呢個氣氛既呢？唔通係拎杯咖啡出黎飲？ ...

緊係外判啦。

Yanamami

功課大部份係功課堂做完了……从來無勞氣过~

HK-MAN

Yanamami 發表於 18-4-30 16:19
功課大部份係功課堂做完了……从來無勞氣过~

每個小朋友能力都有差異之外,每位家長的EQ都有差異....
能力低,心頭高係常見之事....

Yanamami

HK-MAN 發表於 18-4-30 16:47
每個小朋友能力都有差異之外,每位家長的EQ都有差異....
能力低,心頭高係常見之事....

实屬不幸

Soundervolt

little_yolky 發表於 18-4-30 12:44
呢位教育心理專家可能係未結婚或未有子女或子女讀IS。

"小朋友做功課時，家長可以在一旁閱報看書等進行靜態活動"

仲要家長好得閑.....

星星的後裔

little_yolky 發表於 18-4-30 14:26
我照抄星星的後裔丫嘛。

sorry lor

retriever

bobbob 發表於 18-4-30 14:16
係少唔係小
其實佢嘅建議唔難跟，最緊要學校老師唔好介意功課無咁perfect就得
...

認同。

最緊要學校包容，就易D 放手培養。

佢講既自評字體，係有用方法。

retriever

little_yolky 發表於 18-4-30 12:44
呢位教育心理專家可能係未結婚或未有子女或子女讀IS。

傳統初小都有包容既老師。但個市確係攪壞左。

有參加過某些課外活動，領袖正職係老師。發覺佢事無大小都係預你家長跟進。