中英文教如何計分

Lovelymame

想問下同一科，有些學生用中文教，有些用英文教，咁考DSE時，佢地係咪會分開計分呢？

pooh仔

Lovelymame 發表於 18-4-20 09:22
想問下同一科，有些學生用中文教，有些用英文教，咁考DSE時，佢地係咪會分開計分呢？
...

不會。

little_yolky

Lovelymame 發表於 18-4-20 09:22
想問下同一科，有些學生用中文教，有些用英文教，咁考DSE時，佢地係咪會分開計分呢？
...

份卷一樣, 只係中英文題目, 中英文答題。

Lovelymame

咁用中文教其實咪著數D

Lovelymame

其實有D學校中一至三用中文教，但到中四要轉用英文教，咁D學生跟得上嗎？D terms ，名，要重新學過？

熱媽

回覆 Lovelymame 的帖子

無話邊個著數D，只要你掌握到又識咪易寫。但事實寫英文係快D的，如有一篇英文同中文比你抄，應該寫得快過中文的

王家爸爸

Lovelymame 發表於 18-4-20 10:24
咁用中文教其實咪著數D

點解？

bb鼠

如果中文化學應該暈

Lovelymame

因為我仔D英文麻麻，睇到全部英文已經唔想睇，要好似閲讀理解咁，又要串咁多字

1998Ruby1998

「學校中一至三用中文教，但到中四要轉用英文教」的話，呢種好多學校都係有行「菁英班」制同埋有「中文英文班」，即係有返咁上下英文能力同各科成績，先會畀你用英文讀。所以轉英文教，影響不大，因為學生能力高。同埋有 3 年時間準備，一年後中五，點都會適應到。就好似唔係個個中一同學以前都係英文小學，佢地都好快上手適應英中。

DSE 可以選擇用英文定中文作答（學校幫你揀），評分準則一樣。有 d 學校係廣東話教，然後英文作答。冇話邊個語言作答會吃虧。不過英文可以寫得快過中文，中文作答嘅卷都係同樣考試時間，英文考嘅同學可以寫得比中文多。不過 DSE 貴精不貴多，你一針見血的話，中文定英文作答都 OK。

唔知你仔仔係咩 banding 嘅學生，香港都有唔少成績 OK 嘅中中，如培正、香島、金文泰、翁祐、王華湘，咁你可以「稍為避過」英文。不過英文都係需要惡補一返，畢竟 DSE 都需要你有返個 3 先有得讀大學，同埋大學好多科目都要英文讀（就算讀中文，都有 common course 要修讀，果 d 通常都係英文為教學語言）。

little_yolky

1998Ruby1998 發表於 18-4-20 13:02
「學校中一至三用中文教，但到中四要轉用英文教」的話，呢種好多學校都係有行「菁英班」制同埋有「中文英文 ...

妹妹仔, 培正既成績唔止係OK喎。

另外, 除咗你講既情況, 仲有好似九真, 初中有一班中文班, 高中全英文班。學校會响初中係咁幫班中文班同學補底, 令佢哋可以銜接到高中英文課程。

little_yolky

Lovelymame 發表於 18-4-20 10:43
其實有D學校中一至三用中文教，但到中四要轉用英文教，咁D學生跟得上嗎？D terms ，名，要重新學過？
...

如果係高中開始全英教, 學校初中時好多時英書中教, 初中會努力幫學生補底的。不過, 你仔仔英文唔好, 最好揀有英文班既中中, 咁佢有興趣, 學得好, 自然入到英文班, 否則仲有中文班做後備, 唔駛勉強佢一定要讀英文, 討厭咗科科都學唔好就弊。

1998Ruby1998

回覆 little_yolky 的帖子

咁要睇下培正係同邊間比較。（我用 OK 係因為後面幾間成績有距離但係都唔係差，懶得寫「當中培正特別成績好」）

haihaimom

Lovelymame 發表於 18-4-20 12:22
因為我仔D英文麻麻，睇到全部英文已經唔想睇，要好似閲讀理解咁，又要串咁多字

...

Phy Chem Bio真係用英文教好啲喎！

Yanamami

1998Ruby1998 發表於 18-4-20 13:59
回覆 little_yolky 的帖子

咁要睇下培正係同邊間比較。（我用 OK 係因為後面幾間成績有距離但係 ...

咪举培正做例子啦，外人好难入，唔係想就就入，难过貴校吖~