理大眼科視光學成神科 畢業生平均月薪人工逾3.3萬元

小時了了

理大眼科視光學成神科　畢業生平均月薪人工逾3.3萬元: https://topick.hket.com/article/2052875/?r=mcsdfb

大學生首份工作人工有幾多？理大公布2017年畢業生就業問卷調查，出產護士、物理治療師等專業人士的醫療及社會科學院畢業生，掘金能力繼續拋離理大其他學院，每月平均人工29,035元，較去年升5.2%。而理大眾多課程中以視光學最有錢途，畢業生平均人工33,183元。

根據調查，理大去年共有4,671名畢業生，有3,984人回覆問卷調查，當中8成、即3,300多名畢業生有全職工作。這批全職工作的畢業生平均月薪為19,041元，比2016年的18,047元，升5.5%。

香港醫護行業嚴重缺人，具有專業資格的醫療及社會科學院畢業生相當搶手，平均起薪點高達29,035元，大幅拋離大市，畢業生人工最高的學科通通出自醫療相關學院。

下列為2017年理大畢業生人工最高5大學科：

排名 學科              畢業生人數 平均月薪（元）
1      眼科視光學          26          $33,183
2      放射學                 81          $31,949
3      護理學               179          $31,556
4      精神健康護理學  60           $31,428
5      物理治療學         82            $29,786

至於人工稍低一群，以學院來劃分，設計學院、應用科學及紡織學院畢業生平均月薪最低，分別是14,455元和14,787元。不過，畢業生起薪點最低學科主要來自人文學院和酒店及旅遊業管理學院。

下列為2017年理大畢業生人工最低5大學科：

排名  學科                          畢業生人數      平均月薪（元）
1        雙語跨學科中國硏究 12                   $13,255
2        會展及盛事管理         34                  $13,581
3        專業英文                    33                  $13,796
4        食品科技與食物安全  36                  $13,884
5        旅遊業管理                 55                  $14,215

但有學系畢業生的起薪點不升反跌，畢業生起薪點升幅及減幅最高的學系均來自人文學院。理大中文及雙語學系畢業生起薪點升幅最高近1成8，由前年的13,299元，提高至去年的15,666元。而英文學系2016年畢業生平均月薪為16,559元，去年畢業者跌至13,796元，大跌近1成7。

cow

人工最高5大學科
讀以上課程, 有幾多人為興趣, 幾多人為"錢"途?

ANChan59

cow 發表於 18-4-20 10:08
人工最高5大學科
讀以上課程, 有幾多人為興趣, 幾多人為"錢"途?

都好有吸引力：

日日等放工
月月等出糧
年年年中六合彩!

hkpapa852

cow 發表於 18-4-20 10:08
人工最高5大學科
讀以上課程, 有幾多人為興趣, 幾多人為"錢"途?

無辦法, 香港人, 由讀書開始, 已經常常要係"興趣"同"生活"之間作出取捨

hugub

錢途肯定要好識諗至諗到....唔係講笑, 我契仔中五已經睇住政府份薪級表來選JUPAS....

A1. 醫科
A2 . 物理治療
A3. 眼科視光學

結果以3科5* 3科5入A3, 2017畢業月薪$38000

mannewliv

香港學生(家長)大部分為錢，最好出來輕輕鬆鬆準時放工，賺DECENT AMOUNT嘅人工，所以咁多人爭職業導向嘅科。

lovenature

對視光學認識不多，請問是在眼鏡店驗眼定在醫院工作的呢？雖然起薪點高，但進升機會如何呢？

kk1186

回覆 hugub 的帖子

請問是否在眼鏡舖做?

hugub

kk1186 發表於 18-4-22 00:20
回覆 hugub 的帖子

請問是否在眼鏡舖做?

係呀。。大型眼鏡鋪

hugub

lovenature 發表於 18-4-21 08:32
對視光學認識不多，請問是在眼鏡店驗眼定在醫院工作的呢？雖然起薪點高，但進升機會如何呢？ ...

佢話如果再進修，畢業後可以去眼科e院做。。。但佢只係24歲所以想做3年野先再進修

pswongg

但眼科比較悶

ANChan59

mannewliv 發表於 18-4-20 19:50
香港學生(家長)大部分為錢，最好出來輕輕鬆鬆準時放工，賺DECENT AMOUNT嘅人工，所以咁多人爭職業導向嘅科 ...

你前部份十分正確，但不少職業導向科目，畢業後都幾難凖時收工，辛苦銭！

Terencema7

hugub 發表於 18-4-20 13:39
錢途肯定要好識諗至諗到....唔係講笑, 我契仔中五已經睇住政府份薪級表來選JUPAS....

A1. 醫科

呢d 專職醫療實際上係輔助醫療，係勞工處編制來說是輔助專業人士，人工仍停留於英國殖民時代的高級文憑水平，雖然有3萬，但此數字只是因為兩個因素造成，1. 醫管局有大約12% 現金津貼，2. 私人市場人手不足，人工上漲，在醫管局唔請人下，10多年前，呢d 畢業生冇工做架!

Terencema7

ANChan59 發表於 18-5-4 10:29
你前部份十分正確，但不少職業導向科目，畢業後都幾難凖時收工，辛苦銭！
...

呢d 輔助專業人工生命好短，起薪點睇落高，但去到尾都係政府薪酬33A 即$67k....去到max 可能已經40幾歲，可以再升，但升都係多幾個point...萬中無一，但係如果部分私人自己做老闆，當然不同，但已經係做生意吧！
所以選擇前諗諗，醫療界王道都係西醫，AC 16萬，顧問20萬，唔升都10萬!
3師始終都係，會計師，工程師，律師，政府人工編制都係舊英制的專業人士，同醫師同Rank!

RitaZ

hugub 發表於 18-4-20 13:39
錢途肯定要好識諗至諗到....唔係講笑, 我契仔中五已經睇住政府份薪級表來選JUPAS....

A1. 醫科

請問當時best6都有33分物理治療都唔收？
或是轉了位置？

hugub

RitaZ 發表於 18-6-10 22:07
請問當時best6都有33分物理治療都唔收？
或是轉了位置？

係呀入5到.... 可能食唔正weight

LingChiBaBa

RitaZ 發表於 18-6-10 22:07
請問當時best6都有33分物理治療都唔收？
或是轉了位置？

物理治療一向收開Best 5 約 30分 (average)。視光Best 5 27 - 28分 (average), 13-14年更是26.5分(average)。

可能就是差一點點。

小時了了

lovenature 發表於 18-4-21 08:32
對視光學認識不多，請問是在眼鏡店驗眼定在醫院工作的呢？雖然起薪點高，但進升機會如何呢？ ...

今日政府出 post 請視光師

部門: 衞生署
職位名稱: 視光師  
薪酬: 總薪級表第13點（每月港幣26,160元）至總薪級表第23點（每月港幣42,410元）  
https://csboa2.csb.gov.hk/csboa/jve/JVE_003.action?jobid=40355&extractDto.mark=&languageType=1&extractDto.showCheckList=Y&extractDto.onlineGF340=Y

入職條件:
申請人必須–  
(a) 已根據香港法例第359章《輔助醫療業條例》的規定，在視光師註冊名冊第I部分註冊 (見註1)；  
(b) 持有視光師管理委員會發出的有效執業證明書 (見註1)；以及
(c) 符合語文能力要求，即在香港中學文憑考試或香港中學會考中國語文科和英國語文科考獲「第2級」(見註2) 或以上成績，或具同等成績；並能操流利粵語和簡單英語。
(備註：申請人可能會獲邀參加筆試。)  

職責:
視光師的主要職責包括–  
(a) 提供視力及視覺功能評估、在執業過程中使用獲視光師管理委員會所批准的藥物，以及轉介服務對象作進一步檢查和治療；  
(b) 提供視光護理指導及意見；  
(c) 與其他醫療專業人員合力策劃視光服務和提供支援服務；  
(d) 參與視光學研究和研製／建立評估方法、推行並參與健康推廣活動及健康教育計劃／項目，以及舉辦講座和演講；以及
(e) 執行相關的行政工作。  
(備註：可能須不定時工作。)  

bristol

Terencema7 發表於 18-5-25 09:12
呢d 輔助專業人工生命好短，起薪點睇落高，但去到尾都係政府薪酬33A 即$67k....去到max 可能已經40幾歲， ...

我認同 "Terencema7" 的觀點


如果HKDSE拿到30分 , 都證明個學生有一定能力 , 點解唔出去社會碰碰運氣 , 點都好過在醫院做輔助醫療 , 份工死板日日等收工 , 雖然起薪點高 , 但十多年便到事業頂薪點 , 晉升機會有限 , 有時做會計big4十年都唔止呢個人工 , 安穩的生活會埋沒一個人的潛能

我30年前考到衛生署的 scientific officer , 人工是專業職系 , 當時去威爾斯 second in , 個辦公室在殮房附近 , 我不太喜歡醫院的工作環境 , 而且份工最多只有一級升 , 最終冇做份工 , 之後幾十年工作生涯有起有跌 , 但肯定精彩過喺醫院做 , 可以在工作中四圍去睇下個世界 , 接觸不同的事物和各地的人 , 人工到今日亦都唔會跑輸 , 肯定冇後悔當年的抉擇

Terencema7

bristol 發表於 18-6-30 19:33
我認同 "Terencema7" 的觀點

多謝bristol 認同!