英文伴讀手冊徵求意見稿

scgift

shadeslayer 發表於 18-4-12 21:36
呢樣孩子細就得，孩子大D，家長識少少只會露底。

我都好羨慕知識廣博既家長，自己冇咁既能力就從小教女兒有野想知就可以上網/睇書搵資料。真心認為好難樣樣知少少就得，唔好講中小學，就連女兒而家雖然只係K2都有時會問啲野考起我。係呀，樣樣知少少可引起佢既興趣/話題，但佢跟住又會再問得深入啲。試過由佢最初問bb點樣來，詳細解釋完後佢再細問細胞分裂、DNA、遺傳……我呢個文商科人上網睇左一大輪後又請教下讀理科既親人及朋友，都係組織唔到一個比較簡單易明而又詳盡既解釋……最後一齊睇漫畫大英百科後長智識。

scgift

iababy 發表於 18-4-12 17:59
我想買些英文書配備DVD俾我仔仔(三歲多少少)睇, 唔係AUDIO BOOKS, 大家有咩推介? 謝謝先!

因為佢英文剛起 ...

睇DVD既話不如睇卡通片吧，喜歡車既話可試下robocar poli。

小朋友細可先伴讀故事書，之後再聽audio，個人覺得咁會比較容易掌握。英文書方面，我自己主要同女兒睇ORT及廖彩杏書單。最初睇廖彩杏書單時既步驟係1)聽住歌睇洞洞書吸引興趣 2)伴讀+解釋令佢明白內容 3)聽audio 磨耳朵。慢慢演變到而家 1)先聽audio (明部份) 2)伴讀+解釋 3)再反覆聽audio (明晒)。廖彩杏書單大部份書既audio都有story song及幾個story reading版本, 同一樣既內容有不同演繹，小朋友聽多幾次都冇咁易覺得悶。

語文係要時間浸，同一樣既配套(書+audio)可以有唔同用法。

1998Ruby1998

回覆 scgift 的帖子

我記得我細個冇問 BB 點黎，反而係問買六合彩同 ABH 股、外匯。阿爸又真係好認真咁解畀我聽。

做大人唯有儘量滿足佢地渴求知識嘅動力，總好過佢咩都冇興趣。我有時候講下 d 冷知識例如蛇唔一定係生蛋，都有蛇係胎生、螞蟻竇全部都係女冇男仔，溥儀唔係全球年紀最細嘅皇帝，有時又講下蒙羅麗莎可能係個男人、俄羅斯芭蕾舞學校、電影之父 Louis Le Prince 失蹤案、希特拉府邸嘅僕人生活、北韓人民生活、仲有亨利八世係個大肥佬，一日食 5000 calories，仲肥過金正恩 30 磅。d 小朋友好鍾意聽。

mimi222shi

近視的確係一個問題, 視光師話最好每日要2-3小時戶外活動才能有機會預防近視.

另外, 近視主要成因係遺傳同眼球長.

我從佢幼兒期開始, 只會在有充足光線下和坐在書桌前才能閱讀.
而且每20分鐘便休息.

我見好多小朋友隨時拎本書出黎睇, 我佩服他們勤奮學習的精神, 但也擔心佢地眼睛.

多閱讀當然會傷神, 所以充足睡眠非常重要!

閱讀好處多, 但家長要自己平衡.

MrBeast

scgift 發表於 18-4-13 04:11
睇DVD既話不如睇卡通片吧，喜歡車既話可試下robocar poli。

小朋友細可先伴讀故事書，之後再聽audio，個 ...

讀萬卷書不如行萬里路，星期日行過中環講下d工人姐姐bilibala 講d乜都可以係good n interesting conversation，第時大個乜都可以講一餐

mimi222shi

我有不少朋友曾經用不同方法吸引子女愛上閱讀, 但未必個個成功.

家長角色都係盡力, 尤其把握幼兒期,其他野要睇小朋友.

上了小學, 功課及各式各樣的活動已經可以好忙, 本身沒有閱讀習慣, 在小學階段才培養, 難度大好多!

MrBeast

iababy 發表於 18-4-12 17:59
我想買些英文書配備DVD俾我仔仔(三歲多少少)睇, 唔係AUDIO BOOKS, 大家有咩推介? 謝謝先!

因為佢英文剛起 ...

水能載舟 亦能覆舟，要make sure 你control 到每日看多少

S-Kwok

1998Ruby1998 發表於 18-4-13 07:41
回覆 scgift 的帖子

我記得我細個冇問 BB 點黎，反而係問買六合彩同 ABH 股、外匯。阿爸又真係好認真咁解 ...

呢啲我都好鍾意聽。
冷知識特別吸引

kwunpa

mimi222shi 發表於 18-4-13 08:10
我有不少朋友曾經用不同方法吸引子女愛上閱讀, 但未必個個成功.

家長角色都係盡力, 尤其把握幼兒期,其他野 ...

初小開始培養閲讀習慣，無問題；衹要：

父母有閲讀習慣；及
細路無電視睇，無手機、電腦玩，無玩具，嘜都無，屋企衹有書比佢睇。

唔駛父母伴讀，細路悶到發慌，會自然睇書。不過，現代的香港家庭有幾多做到以上兩點？

happpy

回覆 shadeslayer 的帖子

My girl is 8 years old, after putting effort since she was baby. She like reading and have quite good reading ability now~ It make me so happy!  For those parents with young kid or babies, Add oil and you will see the rewards soon!
I would like to seek advice for trainning her listening & speaking, she studies in local traditional school with less English exposure ,  is there any resources recommended for listening? Any funny Cartoons or programmes recommend?

Any Oral Class recommend?

Thanks so much !

kwunpa

MrBeast 發表於 18-4-13 08:09
讀萬卷書不如行萬里路，星期日行過中環講下d工人姐姐bilibala 講d乜都可以係good n interesting conversati ...

系，書本衹是認識世界的其中一個方法。應該鼓勵孩子：

讀萬卷書
行萬里路
識萬種人

行萬里路是大個佐自己去見識，唔系細個跟父母旅游，然後自己衹顧在旅游車上打機，根本對旅游國歷史、文化無興趣。

識萬種人更重要，現在香港的學校階層分得好明顯，學生背景單一，細路見識少佐。

kwunpa

iababy 發表於 18-4-12 17:59
我想買些英文書配備DVD俾我仔仔(三歲多少少)睇, 唔係AUDIO BOOKS, 大家有咩推介? 謝謝先!

因為佢英文剛起 ...

peppa pig 系大路之選，英文易聽，多數細路鍾意睇，英國口音。

ORT 有DVD boxset, 細路睇書兼睇 DVD， 興趣大好多。

另外，照你講，你仔應該會喜歡 Thomas （火車）、Fireman Sam、 Bob the builder 等。

以上系大路野，香港好易買到。

iababy

回覆 kwunpa 的帖子

非常感謝你的回覆!!

非常同意你既觀點, 凡事應該拿個平衡, 雖然每個人心目中的平衡點都唔同. (不過, 老實說, 我有時感到好難拿捏到個所謂最適合的平衡點).

明白每個小朋友都有唔同既特質及發展進度, 唔應該同別人比較, 但唔知點解有時都會迷失! 你上述既理念我全部都很認同, 幸得有你地呢D清醒的家長點醒自己: 莫忘初心!

因為我打算小一會考直私, 所以等佢再大少少時, 先再教佢認下字. 而家重點培養閱讀興趣及習慣先!

iababy

kwunpa 發表於 18-4-13 10:25
peppa pig 系大路之選，英文易聽，多數細路鍾意睇，英國口音。

ORT 有DVD boxset, 細路睇書兼睇 DVD， 興 ...

多謝你既提議!

peppa pig 我有播過俾我個仔睇過一兩次, 但佢興趣唔大. 最搞笑係, 佢見到隻豬䟿落山坡跟住跌落水時, 不但唔會笑, 反而覺得隻豬好慘, 睇到有少少眼濕濕, 自己話唔想再睇. 所以之後無再播.

我唔知道ORT 有DVD boxset, 我地睇開OST level 1 to 3, 我仔對幾個主角 Kipper, Chip, Biff, Floppy 都好熟悉, 我都相信會興趣大好多。係唔係果幾間大書局都有得買? 不過, 我有少少擔心, 會唔會睇左DVD 之後, 無咁有興趣再睇ORT 既書呢? 定係我諗多左呢?

我都有播過fireman sam, 但D對話對我仔黎講比較多同深, 佢聽唔明, 所以又係無咩興趣睇. 定係一開始係咁, 只要堅持就得? 我又需唔需要一邊解釋俾佢聽呢? 我對教英文真係無從入手!

不過我未試過 Thomas and Bob the builder. 等我又試下先.

另外, 我又想問, 睇DVD 好唔好開字幕呢?

iababy

MrBeast 發表於 18-4-13 08:12
水能載舟 亦能覆舟，要make sure 你control 到每日看多少

這正是我擔心的地方! 所以我暫時都極少俾佢睇 IPAD 同電視. 但要練好英文聽說, 似乎呢個係最平靚正的選擇。外面既導師都唔一定好. 就係咁先煩. 如果唔係, 我都唔介意俾佢出去上堂.

MrBeast

kwunpa 發表於 18-4-13 10:13
系，書本衹是認識世界的其中一個方法。應該鼓勵孩子：

讀萬卷書

認識appreciate 世界不同文化 is a good thing.
識人呢，當然是要識有connection 的la，好過識字la  

Rachelmummy2008

happpy 發表於 18-4-13 10:05
回覆 shadeslayer 的帖子

My girl is 8 years old, after putting effort since she was baby. She like r ...

睇英文媒介是單向式輸入，練聽及準備説方面應有吸收，要選好的又要花時間找。

與老師對話，要看小朋友肯吾肯，如果唔肯都只是單向。揀老師要看運氣了。

kwunpa

iababy 發表於 18-4-13 10:48
多謝你既提議!

peppa pig 我有播過俾我個仔睇過一兩次, 但佢興趣唔大. 最搞笑係, 佢見到隻豬䟿落山坡跟住 ...

//peppa pig 我有播過俾我個仔睇過一兩次, 但佢興趣唔大. 最搞笑係, 佢見到隻豬䟿落山坡跟住跌落水時, 不但唔會笑, 反而覺得隻豬好慘, 睇到有少少眼濕濕, 自己話唔想再睇. 所以之後無再播.//
你仔甘有愛心，家長教導有功！



//我唔知道ORT 有DVD boxset, 我地睇開OST level 1 to 3, 我仔對幾個主角 Kipper, Chip, Biff, Floppy 都好熟悉, 我都相信會興趣大好多。係唔係果幾間大書局都有得買? 不過, 我有少少擔心, 會唔會睇左DVD 之後, 無咁有興趣再睇ORT 既書呢? 定係我諗多左呢?//

ORT DVD 系難買些，有時在兒童書展有，留意下。或者上網買。我5、6年前用佐幾百蚊買佐一套六隻，當時覺得幾貴下。後來發現是最好的投資之一，我 D 細路好鍾意睇，翻睇無數次，我又用佢黎教細路英文，效果唔錯。ORT DVD 英文簡單易明又易聽，適合幼稚園生。睇佐 DVD 后，細路更喜歡睇書，互補，放心。



//我都有播過fireman sam, 但D對話對我仔黎講比較多同深, 佢聽唔明, 所以又係無咩興趣睇. 定係一開始係咁, 只要堅持就得? 我又需唔需要一邊解釋俾佢聽呢? 我對教英文真係無從入手!//

其實細路有興趣睇就得，邊套卡通無所謂。佢有興趣，聽唔聽得明都會睇，睇睇下就會明，細路仔學語言就系甘樣，唔駛你解釋。仲有，重復睇唔系壞事，系好事，佢重復睇好多次后，會背灑 D 對白，入灑腦，以後就識講。人類學語言就系甘學。




//另外, 我又想問, 睇DVD 好唔好開字幕呢?//


三歲人仔，字都唔識多個，開唔開無分別。到五、六歲，你想佢學埋認字，咪開英文字幕囉。不過學語言都系聽說讀寫呢個次序，唔駛心急。六歲前，主要培養聽說能力；九歲前，培養閲讀習慣，寫作能力唔駛急，學文法更是無謂；九歲后，才學文法及加强寫作訓練。


凡事有時，一年級就看 Harry Potter 唔代表長大后都喜歡睇書；三年級作文一塌糊塗，唔代表以後寫文章唔好。我地上一代人，好多七歲至入學，其中不乏成爲大學者、大教授。EK 太多神童，三歲自己睇書、六歲睇Harry Potter、九歲做佐作家！你會覺得自己個仔好蠢！但系呢D神童，十五歲，二十五歲，四十五歲，六十五歲時會系點呢？見識過呢 D 神童的網友，或者可以講下。

iababy

scgift 發表於 18-4-13 04:11
睇DVD既話不如睇卡通片吧，喜歡車既話可試下robocar poli。

小朋友細可先伴讀故事書，之後再聽audio，個 ...

十分感謝你的分享! 真係長知識了!
等我都試下.

廖彩杏D audio books 係各大書局都有得買嗎? 邊度可以搵到佢份書單? 唔好意思, 我比較孤陋寡聞, 第一次聽到呢個作者名 =P

iababy

kwunpa 發表於 18-4-13 11:53
//peppa pig 我有播過俾我個仔睇過一兩次, 但佢興趣唔大. 最搞笑係, 佢見到隻豬䟿落山坡跟住跌落水時, 不但 ...

本帖最後由 iababy 於 18-4-13 12:37 編輯

萬分感激你的回覆!!

我都同意凡事應該有時有序, 揠苗助長一定唔係好事. 變成神童的話, 對某些父母黎說故然好, 但如果弄巧反拙就大家都慘! 我都係打穩陣波果類人, 所以當初先會決定先發展好母語先, 而家母語己經非常流利啦, 先黎追英文.

問心，暫時對仔仔各方面的發展都滿意(除左英文)。我唔會去同神童比而覺得自己唔掂，反而覺得神童的付出令人心痛(至少我是這樣認為)，佢哋好似冇左同齡應有的樂趣！講真，開心的童年好重要, 得果幾年, 一去不返! 大家都要好好珍惜!