用戶登入
用戶名稱:
密      碼:
搜索
教育王國 討論區 教育講場 教育一窩蜂(左丁山)
發新帖回覆
查看: 714|回覆: 10
go

教育一窩蜂(左丁山)

Rank: 12Rank: 12Rank: 12


68391
發表於 18-3-31 11:30 |顯示全部帖子


呢個星期吃午飯,碰到幾位朋友都係講孫仔孫女,女兒阿仔嘅升學問題,由讀幼稚園至升大學都有,香港人茶餘飯後嘅話題,肯定係教育無疑。程介明教授曾在佢嘅專欄引述一位芬蘭教育專家講:「每次出外訪問,我都聽到家長抱怨本土教育如何不濟,教育失敗,只有芬蘭例外!」香港當然唔係芬蘭,我地香港人鬧本地教育制度更加犀利啦。


人人鬧本地教育,DSE唔好,中小學功課多,中文係死亡科目,學生受壓力太大,總之樣樣唔啱。點樣好呢?送子女去英國讀寄宿學校啦,如果身家大把,交學費雜費唔駛考慮嘅話!哈,世界好奇,工程師Y嘅仔讀緊英基小學,個仔唔知點解咁叻,考到入哈羅,唔係屯門嗰間噃,而係英國嗰間,左丁山戥佢高興,猛咁祝賀佢,但佢又老實得緊要:「計過條數,每年阿仔要起碼五六十萬元,唔係一個小數目。」哦,專業人士唔係大富豪,呢條數真係要計清楚。但住在深水灣嘅一位富豪級老友,好想個女兒入英國哈羅,偏偏只能買debenture,入到屯門哈羅,有啲唔忿氣。


入到英國哈羅有乜好,咪係有八九成機會入到牛劍囉,牛劍名氣大,讀乜系出到嚟,都容易搵到工,之後一世人可以話自己係牛劍校友,零舍威過人。年輕英俊大律師R就同左丁山呻:「我當年有機會入牛津讀閒科,但自己係要讀法律,於是入咗另外一間大學,依家成為大律師嘞,見過十幾年世面,先知道自己幾笨,在社會做事,掛住個名校招牌係零舍掂啲嘅!」


普通人無謂諗哈羅牛劍嘞,營銷Y就好恨個仔入到軒尼詩道官立,讀官立小學做乜鬼?營銷Y話:「港島東人人都知,入咗軒尼詩道官立小學讀書成績好嘅話,有好大機會入皇仁,皇仁學生有九成機會入港大中大,你話幾妥呢?」


呢條數左丁山又唔識計噃,只知道沙田嘅Shatin College係IB狀元製造廠,考IB成績驕人,入英美名牌大學算容易。但大狀R做過調查研究,佢話英基學校學生英文好掂,但多數對中文無興趣,本地人唔識中文或者中文弱,今時今日搵工冇競爭性。哎,咁就要中英並重,入讀香港式直資學校啦!大狀R媽咪識得一間直資名校校長,姑且一問,校長對佢講:「我哋係幾十年老友,你千祈唔好好似我哋嘅校董會成員咁,猛咁畀壓力我,叫你個孫仔參加入學試啦,二三千人考百零個位啫。R媽聽完,唔敢再打電話畀校長,點知營銷Y又有嘢講:「唔怕,咪去考囉,鄰居個女就係考到呢間直資名校呀,佢開心到死,但又要準備一筆錢畀個女讀校外雞精班嘞,否則一定追唔上!」左丁山聽到都暈暈哋,沙田陳太來問孫女讀小學意見,即刻叫佢:「參加分區校網派位算嘞,命運由電腦決定。」




左丁山

Rank: 11Rank: 11Rank: 11Rank: 11


39409
發表於 18-3-31 12:06 |顯示全部帖子

回覆樓主:

牛劍讀閑科,好過去無咁名的大學,讀自己心儀的法律? 真唔真?

Rank: 12Rank: 12Rank: 12


68391
發表於 18-3-31 12:30 |顯示全部帖子
Jane1983 發表於 18-3-31 12:06
牛劍讀閑科,好過去無咁名的大學,讀自己心儀的法律? 真唔真?

本帖最後由 elbar 於 18-3-31 12:31 編輯

佢現在可能來想通咗;如當時先入牛津,然後再上 哈,魯,史 讀 JD,可以做英美名校校友,又可以做大律師

Rank: 11Rank: 11Rank: 11Rank: 11


39409
發表於 18-3-31 13:47 |顯示全部帖子
elbar 發表於 18-3-31 12:30
本帖最後由 elbar 於 18-3-31 12:31 編輯

佢現在可能來想通咗;如當時先入牛津,然後再上 哈,魯,史  ...

不如佢讀到4張,唔使執業直接退休算啦  

Rank: 12Rank: 12Rank: 12


68391
發表於 18-3-31 14:05 |顯示全部帖子
Jane1983 發表於 18-3-31 13:47
不如佢讀到4張,唔使執業直接退休算啦

現時無綫女藝人朱千雪都係城大讀緊 JD  

Rank: 11Rank: 11Rank: 11Rank: 11


39409
發表於 18-3-31 15:40 |顯示全部帖子
elbar 發表於 18-3-31 14:05
現時無綫女藝人朱千雪都係城大讀緊 JD

城大和牛劍又扯得遠d  

Rank: 12Rank: 12Rank: 12


68391
發表於 18-3-31 15:56 |顯示全部帖子
Jane1983 發表於 18-3-31 15:40
城大和牛劍又扯得遠d

本帖最後由 elbar 於 18-3-31 15:57 編輯

佢都冇讀過牛劍;劍橋法學士係麥明詩

Rank: 11Rank: 11Rank: 11Rank: 11


39409
發表於 18-3-31 16:06 |顯示全部帖子
elbar 發表於 18-3-31 15:56
本帖最後由 elbar 於 18-3-31 15:57 編輯

佢都冇讀過牛劍;劍橋法學士係麥明詩

其他科如文科和商科,可能真係揀間名響d的大學。但如醫科、法律,係有呢個執業資格定係無,應該好唔同考慮lor。

Rank: 12Rank: 12Rank: 12


68391
發表於 18-3-31 16:12 |顯示全部帖子
Jane1983 發表於 18-3-31 16:06
其他科如文科和商科,可能真係揀間名響d的大學。但如醫科、法律,係有呢個執業資格定係無,應該好唔同考慮 ...

本帖最後由 elbar 於 18-3-31 16:12 編輯

現時留係香港上大學個啲公開試精英首選醫科,次選牙醫  

點評

Jane1983    發表於 18-3-31 19:27

Rank: 5Rank: 5


2456
發表於 18-3-31 22:35 |顯示全部帖子

回覆樓主

讀書,為興趣耳,想發達,信命啦。

Rank: 13Rank: 13Rank: 13Rank: 13


81408
發表於 18-4-4 13:38 |顯示全部帖子
elbar 發表於 18-3-31 11:30
呢個星期吃午飯,碰到幾位朋友都係講孫仔孫女,女兒阿仔嘅升學問題,由讀幼稚園至升大學都有,香港人茶餘 ...
左生做乜唔叫人去入佢站台個間新校?
還記得初為父母時,對孩子的期望嗎?我當時只想他/她平平安安,健健康康。
隨著時光飛逝,人的期望慢慢變了,變得越來越有要求。所以要經常提醒自己:毋忘初心
箴言4:23 - 你要保守你心,勝過保守一切,因為一生的果效是由心發出。
箴言22:6 - 教養孩童,使他走當行的道,就是到老他也不會偏離。
你需要登錄後才可以回帖 登錄 | 註冊