咁佢係速度快，只想交貨走人果種？你有冇同佢一齊做幾題，圈字眼，然後先再放手？
我之前教過個小一仔中文，d 字默極都錯，唔鍾意我同佢一個一個字咁溫，叫佢自己溫就好快話「睇完」但係又再錯。結果我要佢坐係度 8 分鐘，睇完都要繼續坐到夠鐘，結果佢認真起黎再溫多次，之後一 take 過冇錯。
又教過另一個小一仔，好簡單嘅 first、second、third 呢 d，填色練習（例如: The third ice cream is yellow, the ninth ice cream is red），佢有理冇理，唔睇 third、ninth，見到果題有咩色就係隔離個圖案「順序填色」。結果畀我叫佢先圈起 d 字眼，然後係字眼同個雪糕球到寫低號碼，然後先再填色。之後果 d 練習都一樣拆開幾個步驟去做先冇再錯。
可以咁講，不過個個小朋友「領悟時間」都唔同，有 d 睇睇下書叮一聲就明曬，有 d 就做練習做下做下先發現原理。我記得有一次教小一 here 同 there，講左好耐都唔明（我都唔明佢點解唔明 ），結果每一條題目我都要佢畫畫，畫返個「距離」出黎。畫左成堂先明。另一次就教個小四 before xxx, I yyy，又係畫左兩堂 timeline，題題都畫；但係教另一個小朋友同一樣野，簡單講解，做兩三題，即刻上手。
你話小朋友練習、測驗錯完唔知錯咩，咁佢有冇改正？如果你唔提佢，佢識唔識自己圈字眼？通常改正我見好多小朋友都明自己錯咩，圈到提示字眼。如果佢真係連提示字眼都搵唔到，完全「一舊雲」，咁應該佢係唔明，得個殼。
發表於 18-3-26 18:08
，好彩依家情況好 d，開始領悟到拼音。
），結果每一條題目我都要佢畫畫，畫返個「距離」出黎。畫左成堂先明。另一次就教個小四 before xxx, I yyy，又係畫左兩堂 timeline，題題都畫；但係教另一個小朋友同一樣野，簡單講解，做兩三題，即刻上手。