朱子(emoji)校長

Soundervolt

有新思維新概念係一件好事，希望朱校長真係可以實踐到佢嘅創意及教育抱負，令到EDB可以反省如果改革教育制度.......

不過以用家嚟講，理想同實踐係兩回事，相信需要時間去觀望實際效果，多過單憑一尐虛無飄渺嘅理論而去支持，始終兒女係屬於自己嘅，如果花咗時間證明朱校長嗰套唔work咁又點算？

Soundervolt

mamaishere 發表於 18-3-19 13:49
本帖最後由 mamaishere 於 18-3-19 13:49 編輯

其實feel到你都真係幾係唔妥德萃嘅一切

咁佢都要有野俾人LIKE先至得賈........

Soundervolt

anderton 發表於 18-3-19 18:46
校董同新校長子女都係讀德萃 抽水都要睇情況也

溫馨提示：校董會主席大女二女正在瑪利諾就讀小學，三仔就好肯定唔會讀瑪利諾!

https://hk.news.yahoo.com/%E5%B9%BC%E7%A8%9A%E5%9C%92%E6%A0%A1%E8%91%A3-%E5%A0%85%E5%AE%88%E6%84%89%E5%BF%AB%E5%AD%B8%E7%BF%92-224549279.html


http://nextplus.nextmedia.com/news/ent/20150827/251857

Soundervolt

lui 發表於 18-3-19 21:15
2015年？依家系2018年喎？

咁佢創校時二女都應該選擇升上自己學校啦，大女亦可以入當年去自己學校讀小二，咁好嘅話就算宜家轉都未遲（就嚟又有中學），好多人都為心中更好學校中途轉校，唔係瑪利諾唔俾佢地走啩？口中對自己學校讚不絕口但身體卻相當誠實!

好多新校就算冇track record，但睇辦學機構本身背景，例如保良局、中華基督教會、嘉諾撒會....國際學校喺當地母校過去歷史都會對新校風格略知一二，但呢間學校為何背景一直都保持神秘？要用一位自己連會考成績都不能啟齒，預料都冇讀過，去網上搞返個哥斯達尼加學位，辦體育班都俾人檢控，校名校服甚至經常宣傳都要混水摸魚抽其他學校水嘅人做艇仔，呢尐種種行為已經反映出校董會主席做人做事嘅操手，淨係以上所提及嘅嘢，我已經唔會將子女交到佢手上經營嘅學校。（已經唔使講埋校監）

仲有，行不改名，坐不改姓，轉名得兩種人，用嚟改運或想其他人忘記自己過去，好人好者，兩樣都唔會做！

Soundervolt

lui 發表於 18-3-19 21:15
2015年？依家系2018年喎？

呢篇係 2017年10月25日既報導(鱔稿)

【晴報專訊】

Terry與太太育有4名子女，多年來每逢周六周日都是家庭時間。「我在家中不會使用電腦，公事上的電話也會關掉。」他兩個大女兒現於瑪利諾修院學校就讀小四及小二，最小的兩名子女就讀德萃幼稚園，計劃直升德萃小學。他們的課外活動也只選取音樂與運動兩項，「因這兩樣東西會跟隨孩子一生，但選甚麼範疇則看他們的興趣。」

他經常強調「愉快學習，精采童年」，「人生漫漫長路，任何階段都可讀書，但童年過去便沒有了。看到身邊朋友的孩子大得快，一下子便由天真到成熟，更覺得要多花時間陪伴子女。」

Soundervolt

anderton 發表於 18-3-19 23:57
再講 你用咁多心機去留意一間你唔鍾意學校 你究竟立咩心腸
有咩居心呀 就算唔關我事都覺得你over 左 ...

你估我想嘅咩，上網或睇報紙嘅教育版經常見到徐生嘅訪問、軟性宣傳或有關佢或學校嘅新聞，跟本唔需要特別留意，佢同學校嘅見報率近年都算數一數二，好似佢尐新聞多到over咗喎....乜講事實都有問題？

Soundervolt

anderton 發表於 18-3-19 23:53
其實我想問吓你 你小朋友學校啲校長校監佢哋自己啲小朋友係咪讀自己學校？佢哋又有冇改過名？ 有冇離過婚？ ...

特登由其他學校轉嚟阿仔學校教書（阿仔以前班主任由瑪利諾轉過嚟）為咗囝仔稍後用教職員身份成為必收生入讀學校大有人在。阿仔學校校監一定唔會結婚亦係唔會有會考都唔合格嘅人做校董會主席嘅。

不如您先答咗大家，學校咁好，點解辦學者嘅適齡子女唔親身去讀呢？

再講，你用咁多心機去捧呢間學校，如果呢間學校唔關您事，咁閣下又有乜居心呢又？

Soundervolt

anderton 發表於 18-3-20 00:50
你係為左人地而活定係為自己而活？ 我唔會代人地答你問題 佢仔女讀邊間亦唔關我事
我只係見識過呢間學校嘅 ...

您講嘅嘢好多唔使錢嘅學校都有啦，我相信閣下更加需要識認多尐其他學校，我同阿仔已經經歷整個小學階段，聯校活動亦認識大量傳統名校或普通學校嘅學生，出面大把呢尐所謂自信同埋同學和同學之間自覺地用流利英語溝通個個都好開心好活潑嘅學校。言語能力有幾好、幾有自信，比名校不遑多讓？呢尐標準十分之虛。如果要知水凖，又要比較成績，到時閣下又會話視成績如浮雲.....

不過我已講過多次，自己辦學而適齡子女唔讀，而要去一間傳統學校，唔使為其他人而活，只睇行為已經講唔過去。而且辦學人嘅操守及佢嘅資歷亦係對選校十分重要。

Soundervolt

anderton 發表於 18-3-20 01:11
我日日睇住間學校d學生返學放學 點都清楚過你掛 鬼叫我係附近咩我無居心架 講事實乍 唔好似你咁 上網搵下d ...

究竟日日睇住學生返學，定係佢地自己被訪問講同報導嘅言行會更加係事實？若果你話我講事實係同呢間學校有牙齒印，咁又可唔可以話你同呢間學校有直接關係呢？

Soundervolt

mamaishere 發表於 18-3-20 06:04
是但啦，你覺得你自己個世界好美好，又免費小朋友又成績好又自信，得喇收到喇，恭喜你呀，咁巴閉，得未？ ...

如果閣下既漫罵可以平衡番對呢尐負面事實既感覺，我會明白! 不過我重申，我唔需要特別深入研究呢間學校，呢尐消息根本就係透過唔同媒體主動出現，呢間學校實在太鐘意商業式自我宣傳，可能只因為閣下太熱愛呢間學校而選擇性吸收資訊唶。我從來都冇反對Happy School，港同、救恩等都係好有heart而又有效果既好學校，而且背竟正路，亦唔會商業化，唔會經常有負面新聞送上門，我係EK咁耐對其他Happy School一句負評都未試過，所以閣下先搞清楚我並非針對教學方式，傳統或非傳統教學，兩者並無抵觸。

Soundervolt

mamaishere 發表於 18-3-20 09:34
是但啦，明眼人都睇得出...
我從來無考慮過德萃，亦唔會考慮。我小朋友都係讀PIS，因此明白學校自負盈虧需 ...

講出事實又話踐踏.....冇事實就唔會俾人講到啦，辦學唔需要花臣，唔需要卓頭，俾心機搞好效果先至係辦學最佳宣傳手法。有heart有能力又點只陳校長，happy school 又點只呢幾間呢？宜家無論係唔係真正「Happy School」呢個口號實在太可以被利用。喺討論區會有好多新手家長上嚟想知到不同學校嘅資訊，佢地亦應該有知情權，現今社會就係太多人將一尐真相㩒埋地氈底，咁大家就可以當無事.....

Soundervolt

Terencema7 發表於 18-3-20 13:35
老實說，揀得呢間學校o既家長都未必想子女去DBS, DGS, SPCC....等等o既學校，當然你又可以話佢冇得揀。
選 ...

DBS或DGS相對地(尤其初小)都係Happy School，其實德萃本身個藍本就係希望跟據呢尐學校，用本地課程、功課不多但精、不著重操練、自訂教材、提倡自主學習、提升閱讀能力及興趣，再加大量課外活動既教學模式，呢尐野係各直私津名校中根本唔係新鮮事物。如果有DBS或DGS既offer，而且加上學校背景、視野及規模，相信喺authentic與plagiarize兩者之間都好容易作出選擇。

Soundervolt

anderton 發表於 18-3-20 15:34
一句講曬你根本上就係Glory Hunter  上咗神枱出咗位嗰啲學校你咪話係選擇正確值得選擇囉 就算有負面新聞你 ...

原來只要掛著Happy School嘅旗號就神聖不可討論，只可歌頌....明白哂！亦終於見識到部份熱捧呢間學校嘅家長本性，用非理性嘅漫罵，扣帽子嘅方式去代替基於理據及事實嘅討論，真係令我大開眼界，令我對呢間學校更加唔會井底之娃了。

Soundervolt

anderton 發表於 18-3-20 17:53
你個d所謂理據咪又係媒體報道網上評論呢啲你自己有冇親身證實過是與非啊 人哋私人生活個女讀邊間學校
都可 ...

所有對佢嘅檢控都有法庭檔案編號，佢兩個女喺瑪利諾讀書又係事實，學校圈都好清楚....您已經不斷重複一尐歇斯底里嘅回覆，瞓身護主式嘅言論，亦可能閣下自己唔知，不過唔緊要，喺您未有水準及真憑實據嘅討論前，在下唔會再回覆呢尐又重複又冇可讀性嘅漫罵。

Soundervolt

幾個圍爐取暖嘅家長，事實都可以唔相信，自己想相信就係事實，自我欺騙已到登峰造極....仲有其他人用歪理當邏輯，自己辦嘅學校咁好，為何適齡子女去讀他校？乜邏輯？

Soundervolt

punlik 發表於 18-3-21 01:20
我會承認瑪利諾是比德萃更有吸引力，然後可以推出什麼結論？
真心希望你既推論有邏輯可言. ...

其他人當然可以跟據自己喜好去選擇學校，但自己所辦嘅學校又講到咁好，為何俾兩個女去其他所謂追趕成績嘅學校？佢唔係打工既校長/校董，而係創校人！中華廠商會主席蔡冠深一家人都係SPCC校友及正在就讀，但當佢地家族用爸爸名義去創辦蔡繼有學校時，全家適齡嘅子女全部都去CKY返學，以表示對所創辦學校質素嘅信心，有SPCC唔讀轉去當時剛創校嘅CKY，我會對辦學人所辦嘅學校有信心！

Soundervolt

anderton 發表於 18-3-21 01:53
兩個字來形容你「膚淺」算吧啦你 越講越彰顯你嘅無知同橫蠻

我每次講中您地死穴，就用來用去都係用嗰幾個潑婦罵街嘅字呢漫罵，咁樣同發爛炸有乜分別呢？有能力嘅話歡迎理性討論啦。

Soundervolt

anderton 發表於 18-3-21 08:33
係你以為講中人哋死穴啫 啱你何車就叫理性討論稍為同你意見不同就話人潑婦駡街
想請問下你對小朋友係咪都 ...

好簡單，我之前都有講過德萃都係模仿呢尐傳統名校嘅模式（本地課程+大量ECA+自主學習...etc)，基本上德萃都係跟瑪利諾及其他傳統名校只係行同一條路，乜您咁愛戴間學校都唔知咩？若果德萃係全新課程摸式，例如好似CKY或甚至係國際學校都可以講得通。您先搞清楚，我講緊嘅係創校校董會主席，並非校監，不過佢最近自我宣傳嘅訪問都話三仔（應該）會讀德萃，唔通個仔又唔使讀其他網友心中既更好學校？當然，佢搞德萃都已經同佢只係讀過兩年嘅母校DBS好多人都有牙齒印，唔讀自己嘅copy cat，唔通等大抽獎？

Soundervolt

猴子爸 發表於 18-3-21 09:12
Soundervolt san, 我反而想问问，你提过创校人的法庭诉讼，结果如何？他被判有罪吗？如属实，他会留案底吗 ...

兩單都唔係刑事訴訟，唔會有案底問題，一單係民康處檢控用公眾場地辦收費活動，亦冇為相關活動買保險，罰款了事，另一單係GSIS對德萃名稱抄襲及影射嘅訴訟，不過呢單案就未知結果。

辦學不同做生意，如果只係做艇仔，做學校嘅代表法人就可以，但身為校董會主席係對學校方向同擁有判決及執行政策嘅權力。會考得幾分，英文文件都未必睇得明，其他如學校政策甚至招聘都要參與，如果對教育根本一曉不通，單純地講理念，只靠身邊嘅人幫手，身為掌舵人對學校係一件非常危險嘅事。

Soundervolt

猴子爸 發表於 18-3-21 09:41
是的，對於此校背後金主是誰這個問題，也是我第一條想起的問題，如果從正方思維出發，我會說：其他私校 ...

辦學團體比個人更重要，校長、校監有幾猛料都可以隨時辭職起身走人，但辦學團體就唔可以，若果呢間學校嘅所謂猛人下個學期離開，咁大家又會點諗？