上小學後家中還會keep大量玩具，每天玩玩具嗎？

Ocean419

最近和小朋友成績好的家長傾開，原來他們的小朋友上小一時就清走家中的玩具，讓出的空位用來擺書。我好奇問咁小朋友課餘有空閒做咩？答案多數是補習，做補充練習，操樂器操游水打波（我仔一星期上一堂佢地係一星期3-5堂）......，如果真的仲有時間就睇下新聞或英普電視。呢幾個小學生都是成績級20前+初小已被選入樂團/校隊，出外比賽去攞獎的。其實我感到很震驚，小學階段真的已經完全不需要玩玩具嗎？是我同我小朋友仲停留在幼稚園低b階段?

asweetmom

這個其實是選擇題，你願意孩子花時間在玩玩具還是補習/上興趣班？

MrBeast

我細個時都冇玩具，又咪係咁大

tkinwong

如果小朋友本身肯讀書，有一定的資質，入級二十其實不一定太辛苦。

可是，要入校隊和在課外活動攞獎，就真的很花時間和功夫，一星期操幾日很正常。

要學業和課外活動同樣出色，小朋友自然沒有什麼時間玩耍。

如何取捨，視乎家長取向和小朋友能力和興趣。

1998Ruby1998

咁呢 d 係父母將玩嘅時間用黎上補習班、興趣班、練水／樂器，如果個小朋友係鍾意運動同音樂的話，咁佢地個玩具咪就係運動同樂器囉。不過我見亦有唔少好成績嘅小朋友一屋唔同玩具同圖書。

MrBeast

其實冇衝突，all abt time management n balance

Ocean419

MrBeast 發表於 18-3-16 08:25
我細個時都冇玩具，又咪係咁大

我地小學年代只返半日，印象中lunch 後做完功課只3點零，之後就係去公園玩睇電視至吃晚飯。我以前也少玩玩具但是因為家中經濟原因而不是所有時間用來補習同操體藝。我好奇想知有多少小學生每天有自由玩的時間 vs 每天課後已排滿補習操體藝完全冇接觸「玩具」

Jane1983

你放多人幾倍的時間做一樣嘢，係咁補學術，係咁操體藝，通常係有d成效。不過值唔值得，同埋會唔會快burn out，都要考慮。

我女上小一後，會淘汰BB玩具，但一樣好多深d的玩具。反而係高小後，佢大咗就少玩。

edutm

上小學後都有玩玩具，只係"玩具"唔同左。佢變左鍾意玩Lego, DIY頭飾服飾，桌遊類，role play 。唔再玩d煮飯仔, 發聲玩具等。

Honey

我仔小二全級五名以內，冇補習，平時唔洗點温習，英默除外，得閒睇卡通，玩Lego, 睇漫畫， 每週有4個/5個興趣班，有學樂器不過唔見佢練，我冇逼佢練因大仔冇練S1都準備考7級。BB玩具一早丢哂，冇咩點買玩具因Lego太多有幾箱。唔比佢睇電視/卡通佢就識找嘢玩架喇。

我唔會比佢花時間操運動入校隊/樂團，有兩個興趣班係運動，一星期一次夠。星期六/日仲有時間同Daddy打籃球/踢足球。

HaYi

我冇清到玩具, 不過唔算好多, 而家細仔(P1) 做完功課都會取出來玩, 通常是車仔, Lego, 動物 , board game 之類, 放工番去見佢一個人砌左唔同想像場景都玩得開心架.  佢都長情的, 所以由細都是個堆玩具, 好少買新的, 間中生日有加左些.  不過佢會每天自訂不同topic, 加插畫 (畫出個場面如宇宙大戰), 有時自作一些音樂彈 (創作一些佢說是太空火箭.) 佢每星期其實都有5個課外體藝, 如加埋學校的就有6款. 但冇操水(只學冇操), 冇操琴 (有學冇操) .  所以仍有時間玩.  星六有學野, 星日就多數全日出街.   

其實想想佢快快手自己識做完功課我覺得已好叻 (我校抄寫唔多),   小朋友自己安排玩下玩具都不錯呵.  當然如果第日要操運動樂團應該都冇咩時間去玩.

mimi1102

其實好多玩具都可以訓練腦筋, 我講既, 唔係書展叫你買果啲計數玩具, 邏輯思維玩具, 而係真係好簡單的玩具.
唔好睇玩煮飯仔好簡單, 其實唔係個個人都識玩, 包括我同我大女, 以前睇過一啲報導, 話識玩煮飯仔的小朋友想像力同創造力會好啲.
仲有LEGO, 大富翁, 棋類玩具等等.....其實唔單只可以放鬆一吓, 又可以訓練思考, 點解唔比佢玩?