想看看各位的意見及睇法

2017wahaha

（親戚講到好容易咁，但睇完各jm 的回覆和見議，根本無咁易 有好大的落差）

我有三個小朋友， 可以有機會兩年後全家飞去英國生活（主要係for 小朋友讀書）我親戚話預計每月2萬多支出及要預備80萬過去捱住先，咁初期就唔洗擔心開支。大仔到時可以讀中一，第二同第三就過去讀幼稚園和小學一年級 ，但問題係全離開香港，我兩英文又不太叻 ，怕過到去揾唔到食， 又擔心兩個細既完全唔識中文字，但等到兩個細讀完小學先過去，大仔又已經完成中六，到時又怕追唔上英文 ，所以好難唸過定唔過好。

1998Ruby1998

我覺得等下先。

你兩個英文唔好，又唔肯定自己過到去搵到食，咁樣真係有 d...麻煩。

中六先過去會追唔上英文....情況真係咁差嗎？好多內地人都係 Year 1 甚至 Master 先過去讀書，有 d 更加係攞住 IELTS 4-5 分去讀書，一樣讀得到，半年即刻英語各方面有提升。有心不怕遲。年輕人學野上手快。

的確，如果唔讀埋小學先過去，小朋友係會唔識中文，識都可能係同一個幼稚園生認字能力一樣。

2017wahaha

1998Ruby1998 發表於 18-3-12 18:46
我覺得等下先。

你兩個英文唔好，又唔肯定自己過到去搵到食，咁樣真係有 d...麻煩。

我就係咁唸，但因為又唸住小兒係香港的成績都麻麻 ，升中派位都未必好，所以先唸住過去駁一駁， 因為我兩在香港的工作又不太穩陣，又不是什麼專業人士，所以先唸住離開

bobbycheung

你話驚你地兩個過到去會搵唔到食，依個先係最大問題。要考慮如果真係無工做，你地經濟上可以捱幾耐？ 比較上，d細路識唔識中文只是件小事。就算比佢地讀完小學，如果過去之後再不接觸中文，相信好快亦會忘記得七七八八。我係你地就會先想清楚搵唔搵到工嘅問題先。因為依個世界好現實，缺錢會帶給你地好多煩惱，尤其是坐食山崩。肯定錢唔係一個大問題時，才考慮小朋友嘅未來，係一個比較理智嘅做法。

SIYip

樓主諗住讀私校定政府學校? 如果喺英國揾唔到嘢做，生計如何?

2017wahaha

SIYip 發表於 18-3-12 19:26
樓主諗住讀私校定政府學校? 如果喺英國揾唔到嘢做，生計如何?

會讀政府學校，因為佢哋都唔洗錢，而我倆就唸住係果邊的餐館打工， 而且 都會預備一筆錢過去作生活費。 真係揾工唔夠食既話，就食老本

SIYip

2017wahaha 發表於 18-3-12 19:31
會讀政府學校，因為佢哋都唔洗錢，而我倆就唸住係果邊的餐館打工， 而且 都會預備一筆錢過去作生活費。 真 ...

政府學校未必如你所期望，因為要跟校網。你要考慮揾工，又要考慮校網。如果小朋友考到gramma school 都好d, 如果你住嗰區唔好，隨時慘過喺hk 讀。

katrinafu

兩公婆搵食問題係重點 ， 重要過識唔識中文或 英文跟唔跟得上等問題 ， 而且要計咬老本能支持幾多年 /幾耐 ， 生活 ⋯樣樣都係錢 ， 交通費貴，水電又貴，稅金重等等的問題 ！

當地政府學校是跟住址網 ，所以找學校呢個方向要揀好住的地區 ，同時留意埋就業問題 。

另一方向諗， 一家人過去，的確是不錯 ， 不用與孩子分開 。
走得就走啦 ， 走到相信是一件不壞的事 ，我沒能力咋 ，我都想出走香港呀 ！

2017wahaha

SIYip 發表於 18-3-12 20:04
政府學校未必如你所期望，因為要跟校網。你要考慮揾工，又要考慮校網。如果小朋友考到gramma school 都好d ...

因為我大姑係伯明翰果邊，佢話佢既校網幾好，去到佢會教我同幫我，所以先大咗信心過去

bobbycheung

如果你已考慮過經濟嘅問題，覺得可以。嗰邊又有親友幫手做盲公竹。唯一要諗係幾時過去的話，我係你就唔會為咗兩個細嘅要喺小學學中文而遲多幾年先去。當然，你地咁一家五口移民去英國，過去後如果想返嚟就好困難。所以萬事都要諗清楚，勿存博一博嘅心態。你睇我好，我睇你好。肯定英國生活有優點時亦有缺點，你地亦要有心理準備。

katrinafu

2017wahaha 發表於 18-3-12 20:37
因為我大姑係伯明翰果邊，佢話佢既校網幾好，去到佢會教我同幫我，所以先大咗信用過去
...

有照應咁又唔同的 ！

2017wahaha

bobbycheung 發表於 18-3-12 21:23
如果你已考慮過經濟嘅問題，覺得可以。嗰邊又有親友幫手做盲公竹。唯一要諗係幾時過去的話，我係你就唔會為 ...

嘻，真係要返來都唔會無退路，因為我哋住緊間屋會繼續係到，唔會賣，始終我家人都係哂香港，只要係為細佬讀書，所以正確來講都唔算係移民，唸住等小朋友讀完書就回來香港，暫時無唸過係果邊永久的，但將來細佬英國鐘意就另計。

2017wahaha

katrinafu 發表於 18-3-12 21:23
有照應咁又唔同的 ！

係呀，難得我大姑開始建議過去，話始終對小朋友好，佢話會照應我，我先咁大胆開始唸，原本真係唔敢唸

SIYip

你check 清楚學校ranking 先會穩陣d. 因為親戚亦未必熟學校質數。每個地方制度唔同，遊戲規則亦唔同。我朋友係用佢工作地點做中心，search 晒周邊學校質數先搬。佢小朋友讀到gramma school, 但亦識一d 考唔到gramma school 的華人，佢話相距好大。而且，一家人移民係一個大決定，要深思屬慮。

2017wahaha

bobbycheung 發表於 18-3-12 19:26
你話驚你地兩個過到去會搵唔到食，依個先係最大問題。要考慮如果真係無工做，你地經濟上可以捱幾耐？ 比較 ...

錢真係一個大問題，但我兩係香港都唔見特別好，所以過去可能重會舒適過係香港

2017wahaha

SIYip 發表於 18-3-12 21:51
你check 清楚學校ranking 先會穩陣d. 因為親戚亦未必熟學校質數。每個地方制度唔同，遊戲規則亦唔同。我朋 ...

請問什麼叫gramma school 呀？ 到底果邊既學校係點樣分架 ? 我離緊summer假期會過去望望個環境先，望完再認真考慮，始終未去過，咩環境都唔知

bobbycheung

2017wahaha 發表於 18-3-12 21:28
嘻，真係要返來都唔會無退路，因為我哋住緊間屋會繼續係到，唔會賣，始終我家人都係哂香港，只要係為細佬 ...

想返來最頭痛唔係樓或錢嘅問題，而係搵學校嘅問題。家吓係香港要搵三個學位真係唔容易。

2017wahaha

bobbycheung 發表於 18-3-12 22:03
想返來最頭痛唔係樓或錢嘅問題，而係搵學校嘅問題。家吓係香港要搵三個學位真係唔容易。 ...

又係喎，真係無唸過呢個問題，我依家揾幼稚園都已經好難

2017wahaha

SIYip 發表於 18-3-12 21:51
你check 清楚學校ranking 先會穩陣d. 因為親戚亦未必熟學校質數。每個地方制度唔同，遊戲規則亦唔同。我朋 ...

請問可以邊到check  到ranking 呀？

1998Ruby1998

回覆 2017wahaha 的帖子

我嘗試簡單解釋下（有錯請指出！）

你可以大概當 Grammar School 係 Band 1 傳統學校，佢地比較學業好 d。依家多左學校轉左 Academy，類似直資學校咁。不過呢種學校好多都會有 specialised areas，例如 Science、Business、Design。我同學讀嘅 Academy 係專門讀 Science 科，學校 Science 學科會特別多 d 資源，佢 A Levels 就係讀 Communication and Media Studies、Physics, Chemistry。當然仲有普通 Secondary School，呢種類似香港 Band 2－Band 3 學校。Sixth Form College 就係預科書院（應該係同莊啟程一樣性質），有 d 私立 Sixth Form 特別出名而且非常多人入頂尖學府，例如 Cardiff Sixth Form。


Summer 過去探下水溫先，同你親戚商量一下有咩學校可以考慮，上網睇下每間學校 ranking、GCSE A Levels 整體成績、環境等。要諗下黎緊 15 年計劃係點，你兩公婆有咩工作機會，收入、儲蓄、預計開支同住屋。之前我一家都諗過搬返去英國（一家係公民，有 UK passport），同樣英國有親戚有樓，基本上係想搬就可以即刻動身。但係父母唔係專業人士，而且收入唔係好高，搬去的話，一係做外賣檔，一係就餐館打工。兩份都係體力勞動非常高嘅工作，而且需要兩公婆一齊打工，一定少左親子時間。所以最後都留係香港。