就快呈分，你緊佢唔緊， 個人好憫?

細細粒媽咪

各位經驗家長

呀女一向都對自己沒咩要求個種， 一向都是我提佢溫， 佢溫完我考佢個種，但叫做溫書時態度都ok， 但見佢近排懶散左， 個人態度差左，殺到埋身都hea 住溫個種， 你急佢唔急個種， 見到就火滾忍唔住罵佢（你罵佢仲好似唔份氣個種樣)， 本人在職， 呀女小五，一向都是我跟， 佢知呈分考中學， 其實我唔想再因為學業傷感情， 但見佢既態度又忍唔住， 我有想過外判， 但又覺得如可以盡量唔去補習社始終就呈分， 都唔知補邊度好， 想問下經驗家長有咩意見， 我想同佢再坐低傾下， 其實之前都有， 但佢往往應承左你又係咁， 大家有咩高見， 點樣可以令佢有多d責任感， 進步得來又可保持好既親子關係? 我應該點做? 請賜教.

熱媽

回覆 細細粒媽咪 的帖子

小囡都係咁！我係考試前比D練習等佢做，佢成日都得喇得喇咁，我唔想次次都要迫同鬧。佢亦話唔想去外判所。雖然6月先呈一，但自行時學校要睇5年級全年成績，所以我C6用利，只要(小五)每次考成績達標，可去外遊。

little_yolky

細細粒媽咪 發表於 18-3-8 11:15
各位經驗家長

呀女一向都對自己沒咩要求個種， 一向都是我提佢溫， 佢溫完我考佢個種，但叫做溫書時態度都 ...

你罵佢仲好似唔份氣個種樣 <=====  青春期丫嘛, 個個都係咁啦。

Mat_Dad

好憫? 你有冇諗個小朋友要溫咁多書都好憫, 升中壓力你估佢FEEL唔到咩?你有冇幫佢減壓?有冇比適當時間佢休息? 你問意見, 我意見就是溫習要有質, 不是要量, 我仔是溫25分鐘, 休息(自由時間, 玩也可以)15分鐘. 休息後, 溫書成效會提高

little_yolky

Mat_Dad 發表於 18-3-8 13:15
好憫? 你有冇諗個小朋友要溫咁多書都好憫, 升中壓力你估佢FEEL唔到咩?你有冇幫佢減壓?有冇比適當時間佢休息 ...

阿Mat哥我睇完你之前個帖, 上次考試俾阿女落公園玩一陣, 近來weekend都有去玩, 阿大又真係無咁大壓力咁喎。

1998Ruby1998

其實你有冇諗過，女女種種行為，係因為佢壓力好大，但係唔識釋放壓力？

joyjoy219

回覆 細細粒媽咪 的帖子

同樓主一樣,個女小五,今年辭左職唸住專心同考埋依幾次試,但同你一樣,我急佢唔急,成日催佢溫習,做練習搞到大家有時唔開心....唉!
我以前都無咩要求,我同阿女講,辛苦依兩年啦.......但次次都聽完就算!


原來個個媽媽都係咁.........

RiboMM

我仔完全唔緊張，我好緊張。佢總話：小學就緊張成梗，以後點算？所以佢繼續抓緊時間日日搞佢亂七八糟各種興趣，沒辦法，我聽天由命

細細粒媽咪

RiboMM 發表於 18-3-8 16:44
我仔完全唔緊張，我好緊張。佢總話：小學就緊張成梗，以後點算？所以佢繼續抓緊時間日日搞佢亂七八糟各種興 ...

你呀仔覆得好正，我呀女性格比教細路， 唔係成熟型個種，比一般同齡思想細個，好易受人影響， 所以一間好中學好重要，但點 都好， 我今晚試下同佢深入再傾下， 睇下佢既想法， 希望大家有個共識. 睇下佢想點， 好在既係我地仲可以有講有笑， 但火滾起來我就... ....， 我要cool.down.cool.down, 始終這一代唔可以再用父母強權， 要比此專重， 希望我可以控制到， 如有高見請提出.

RiboMM

細細粒媽咪 發表於 18-3-8 17:00
你呀仔覆得好正，我呀女性格比教細路， 唔係成熟型個種，比一般同齡思想細個，好易受人影響， 所以一間好 ...

我仔好像已經18歲思維，我開始搞唔定。之前坐低好好同佢傾玩遊戲的事情，結果被佢說服。佢做到時間控制，自我time manage， 所以我又唔好話佢咩。我覺得只要小朋友有：好勝心，成就感，責任感，時間管理能力， 那也不需要多緊張多理了。所以我慢慢學會放鬆，深呼吸，等小朋友自己去安排。祝願你同個女傾得順利開心！

pccw2017

細細粒媽咪 發表於 18-3-8 11:15
各位經驗家長

呀女一向都對自己沒咩要求個種， 一向都是我提佢溫， 佢溫完我考佢個種，但叫做溫書時態度都 ...

你囡囡已經好好, 我地D仔仲心散, 坐唔到10分鐘就要行開, 唔係去厕所就要食野, 永遠坐唔定, 打機先至可以坐定定.

joeyxlma

我個女去年起已係咁，青春期呀。。。
功課慢吞吞，完全沒時間温書。
最後我話我唔理你功課，考試前一個月起每日她要"留"9-10 一小時温書。

greentea000

有兩個女同事上年轉半職陪考呈分試，結果今年呈分未完又做返全職，壓力反而細Ｄ。辭職陪考係加大投資，仔女如果唔讀到死死下，阿媽係唔會收貨既。
當阿媽既世界得返呈分試，自己既壓力又係唔係舒緩到？鬧仔女係咪一個發泄途徑？

kkhon

回覆 細細粒媽咪 的帖子

有冇帶阿女去睇下d目標中學等佢有個目標而發奮？你忟鬧冇用的，其實你估佢吾着緊咩？返學老師每日提住呈分，同學又間中講下，佢係知咩事同有壓力嘅，只是吾表達出來啫。呢段期間你們的關係是好重要，要有商有量，尢其比佢知道佢吾係孤身作戰，只要佢肯合作同努力你會support 佢。有d媽咪就係癲左咁鬧令仔女壓力增大，結果平時考得好都臨場失準。係時候考驗你EQ了！

mirchan2005

細細粒媽咪 發表於 18-3-8 11:15
各位經驗家長

呀女一向都對自己沒咩要求個種， 一向都是我提佢溫， 佢溫完我考佢個種，但叫做溫書時態度都 ...

我個大女一向都好乖，叫佢做練習佢就做，甚至做過的練習，佢都會重覆再做，佢甚至曾經向我提出買多2本練習潻。可惜佢的學業成績一向中下游，今年派完上學期成绩表，老師更提醒要考全级80名以上(全级171人)才會派到band 2,聽完後我都問自己，我係未應該停左份工陪佢渡過左呈分試先呢

HaYi

我個一向懶閒，但另一方面讀左6年可見除常(GS)外，其它科冇咩同課本有關，用太多時間温都冇大分别，所以從未考慮過全職睇佢温書.  反而做下綀習當温書比坐足几小時有敖. 數要做ex keep ，其它中英已做初中，旨在對中学嘢有了解，做得吾好亦会留心些.  下星期己呈三，只每天做少許，好彩佢最想入的直資雖非一線己注册，呈三盡力考是為小学生涯留下努力後可能会有進步的印象，也為7月最後一擊(扣自行一)留一線機會，填補冇得抽的遺憾.