有意中二轉校插班

24-Seven

中一上學期成績表遠比預期好, 有意中二轉校插班。有兩間心儀中學網上資料都咁寫 "Application letters should be sent to the Principal with all relevant documents"

1. 應該依家提出申請還是等6月份有埋下學期成績才入表 ?
2. "Application letter" 應由學生或是家長署筆 ?
有冇過來人可分享吓 ?   

CMMANDY

阿囝阿囡想轉嗎? 或是爸爸媽媽想
阿囝阿囡上學開心嗎?
成績比預期好,  係和同班同學比較 ?同級同學比較?  同100分比較?

唔好介意, 純粹想家長自己想多一想

VENUS2005

我女係中二插班生，六月太遲喇。你留意學校網頁有無講？我遞過兩間，一間話任何時間可遞，所以我好早四月遞咗。而家讀嗰間，網頁講明五月尾前要遞表，六月中考入學試喇，我之前係6月幾已收了。

24-Seven

CMMANDY 發表於 18-2-7 20:00
阿囝阿囡想轉嗎? 或是爸爸媽媽想
阿囝阿囡上學開心嗎?
成績比預期好,  係和同班同學比較 ?同級同 ...

讀緊果間冇特別問題， 佢亦讀得開心，但佢自己都想轉， 主因係玩開嘅運動， 依家果間冇校隊, 佢要孤身作戰。最近學界有幸攞到個人獎。

Band 1 尾英中, 全級最頭果批。

我地十分支持佢嘅選擇，但亦擔心如果有幸升呢, 成績會變得冇影而影響佢讀書的信心。 不過都係果句，收咗先算。

24-Seven

VENUS2005 發表於 18-2-7 20:12
我女係中二插班生，六月太遲喇。你留意學校網頁有無講？我遞過兩間，一間話任何時間可遞，所以我好早四月遞 ...

謝謝你的資訊。

VENUS2005

24-Seven 發表於 18-2-7 22:18
讀緊果間冇特別問題， 佢亦讀得開心，但佢自己都想轉， 主因係玩開嘅運動， 依家果間冇校隊, 佢要孤身作戰 ...

D3？

LJ3981

讀得好地地轉來做乜？到時候融入唔到就大件事！

hkspiderman

D3 個人成績一樣可以好過D1, 只係學校團體成績唔夠班升level 材要龍游淺水！

VENUS2005

hkspiderman 發表於 18-2-8 00:16
D3 個人成績一樣可以好過D1, 只係學校團體成績唔夠班升level 材要龍游淺水！

...

絕對係，什至部分港青係喺新界區就讀，成績排名絕對亮麗。別誤會，無任何貶意，只不過剛出成績估係咪呢樣運動啫

CMMANDY

回覆 24-Seven 的帖子



囝囝提出轉校,  是因為他喜愛的課外活動,  學校無校隊,未能發揮所長, 又真是美中不足的,阿囝好叻仔呀! 可以係學介取到好成績, 實在鼓舞, 無學校支援, 阿囝都一樣店呀. 明白向理想再進一步,當然係好值得一試,不過, 多一手準備, 好好和阿囝傾一傾, 轉校的櫂衡利弊, 有時人際關係好重要,