用戶登入
用戶名稱:
密      碼:
搜索
教育王國 討論區 資優教育 資優兒常被學校投訴 ?
樓主: Sandylam858
go

資優兒常被學校投訴 ?  

Rank: 9Rank: 9Rank: 9


21894
發表於 18-6-2 18:59 |顯示全部帖子
我覺得都唔係包容或家教問題。
一樣米養百樣人,不同的學生有不同的學習需要。老師的挑戰是如何照顧到每位學生。

想起以前有位同事,她兒子有活躍症,上課坐唔定,耐不耐要起身轉兩個圈。老師唔罰佢,只是安排他坐最後一行,隨他起身轉圈,唔好影响到其他同學上課就好了。

我最近在澳洲參觀過一個課室,書枱有高有矮,有幾個人一起坐的,亦有單丁位。課室裏還有兩部健身單車,讓同學上課覺得要郁下時去踩下。超正!

這些不是要不要包容,而是因材施教。(我個人意見。)
for every one criticism, three positives must be given.

Rank: 7Rank: 7Rank: 7


14731
發表於 18-6-2 19:09 |顯示全部帖子
jumphigh 發表於 18-6-2 18:32
有情绪问題孩子的家長当然苦,但係,佢身边受到影響的同学、老師何嘗不苦?
...
我中學時,做班長和風紀,所以要求都高。我從小對佢操行有要求,幼稚園時收到老師電話都煩,現在小學每年都有些進步,未有投訴...朋友話我要求太高...

Rank: 9Rank: 9Rank: 9


21894
發表於 18-6-2 19:11 |顯示全部帖子
不過,能否因材施教,是老師的專業,視乎老師怎樣看他自己的職責。家長只能夠儘量和老師溝通,讓老師明白小朋友的行為問題是出於自己的學習需要,而不是要和老師作對。好多時只是一場誤會。

一間學校,個個老師都未必一樣,有時還是看小朋友遇上怎樣的老師。
for every one criticism, three positives must be given.

Rank: 9Rank: 9Rank: 9


21894
發表於 18-6-2 19:18 |顯示全部帖子
lillymarie 發表於 18-6-2 18:59
我覺得都唔係包容或家教問題。
一樣米養百樣人,不同的學生有不同的學習需要。老師的挑戰是如何照顧到每位 ...
我仔小學時都遇過一個有情緒問題的同學。當時阿仔確是常向我投訴老師給那同學特別寬容的待遇,有任何爭執都一定會罰其他同學不罰這同學。我明白學校的難處,因為那同學情緒失控的話,後果可能更嚴重。

有一次運動會,那同學和我仔同組接力賽,交棒時竟然無緣無故用棒打我仔塊面,還大聲喊:"殺咗你!"。學校對此同學的行為完全無任何表示。結果我打電話給校長傾,校長暗示這同學難搞,請我體諒。我就暗示請校方不要再將我仔和這同學放在同一組別。避之則吉。
for every one criticism, three positives must be given.

Rank: 7Rank: 7Rank: 7


14731
發表於 18-6-2 20:41 |顯示全部帖子
如果“出手”或言語恐嚇,係人都怕,當然要避之則吉。

Rank: 5Rank: 5


2762
發表於 18-6-2 21:57 |顯示全部帖子

回覆樓主:

我相信同學們起初都出自真心去包容情绪易激動的同学,只是日復一日的不断「被要求」包容、忍讓, 换了成年人也未必受得了。
再說,有些家長自己抱的態度是學校老師、同學是「應份」、「理應」去包容他易激動的孩子,而從不以感激的心態去看待別人的忍耐、忍讓,更枉論会教其孩子正確上課及待人態度了

Rank: 7Rank: 7Rank: 7


14731
發表於 18-6-3 09:37 |顯示全部帖子
本帖最後由 mimi222shi 於 18-6-3 09:42 編輯

我在上文提到小朋友每年都有些進步,主因係幾年來,每年都總有一位主科老師特别喜歡佢,所以佢有動力進步!

相反,如果小朋友在某校被標纖為“問題學生”,我相信情況好大機會係惡化!

Rank: 5Rank: 5


2762
發表於 18-6-3 09:51 |顯示全部帖子
mimi222shi 發表於 18-6-3 09:37
我在上文提到小朋友每年都有些進步,主因係幾年來,每年都總有一位主科老師特别喜歡佢,所以佢有動力進步! ...

有沒有被標籤為問題學生 好多時要視乎佢家長有冇特別要求, 正如我所講, 有啲家長會要求孩子「被優待」, 咁嘅時候, 學校不得不要求老師同同學 將佢視為特別學生或問題學生去處理。
所以, 家長心態係好重要。

點評

王家爸爸    發表於 18-6-5 15:18

Rank: 7Rank: 7Rank: 7


14731
發表於 18-6-3 09:54 |顯示全部帖子
jumphigh 發表於 18-6-3 09:51
有沒有被標籤為問題學生 好多時要視乎佢家長有冇特別要求, 正如我所講, 有啲家長會要求孩子「被優待」,  ...
如果行為問題好嚴重,當然没有辦法!

Rank: 7Rank: 7Rank: 7


14731
發表於 18-6-3 09:57 |顯示全部帖子
有些老師喜歡“硬碰硬”,處理不當,有時會令學生反叛(未必是老師錯,問題係某些學生需要特别處理)

Rank: 3Rank: 3


315
發表於 18-6-4 16:06 |顯示全部帖子
karymak1234 發表於 18-6-1 10:27
我仔一樣,唔專心係佢地嘅特性,因為佢地覺得悶,唔需要好專心佢地都明老師講乜,當然會攪攪震,自問係一個 ...
我諗明白或諒解我地既人的確唔多,佢地好多以為我地唔教仔、放縱仔女,但係我地真係用心、用力去教,係公眾場合比人白眼又試過,學你話齋喊又喊過,奈何資優兒童真係唔多唔少都帶有一些特質,有些人情況輕微,有人突出,各有不同,要教到佢地規規矩矩真係非三幾個月可以做到,閒閒地都要用以年計先有些進步。但係作為負責任既父母,我地當然會努力不懈教好仔女 。希望其他家長可以高抬貴手,多多包函。

Rank: 7Rank: 7Rank: 7


14731
發表於 18-6-4 17:54 |顯示全部帖子
幼稚園時期,學校實在太嚴,我好怕收到學校電話...
到小學,操行一般B十,有時係A-/A,所以合適的學校好重要。

Rank: 3Rank: 3


315
發表於 18-6-4 18:31 |顯示全部帖子
mimi222shi 發表於 18-6-3 09:57
有些老師喜歡“硬碰硬”,處理不當,有時會令學生反叛(未必是老師錯,問題係某些學生需要特别處理) ...
你所講的老師正是我仔今年班主任的類型,冇辦法,唯有盡力教仔要聽老師話,同時又要係仔面前講多 d 老師既優點,希望老師與仔仔盡量相處融洽 d 。

上年個班主任真係冇得頂,對待資優、ADHD 既同學仔好有技巧,恩威兼備,若犯規,老師一樣照罰,做得好,有贊賞。有一次罰留堂,用左 10 分鐘訓話之後,餘下時間同佢傾計,藉此了解學生,又比 d 資優數學題佢玩下。佢個班有資優、有 ADHD、雖然同學之間偶有磨擦,但係老師都會搞得掂佢地,事件解決左又玩返埋一齊。上年班主任唔會驚動到家長。

今年就完全相反。好老師可遇不可求 !

Rank: 7Rank: 7Rank: 7


14731
發表於 18-6-4 18:44 |顯示全部帖子
同意,好老師可遇不可求!
我小朋友在小息時,仲會揾返以前教過佢既老師傾談,連幾位主任也會(好好人)

Rank: 14Rank: 14Rank: 14Rank: 14


104886
發表於 18-6-5 15:21 |顯示全部帖子
jumphigh 發表於 18-6-3 09:51
有沒有被標籤為問題學生 好多時要視乎佢家長有冇特別要求, 正如我所講, 有啲家長會要求孩子「被優待」,  ...
講得啱,唔少SEN家長既心態係想自己既小朋友被「被優待」,結果當然係大家都唔開心。想「被優待」應該讀返主要收SEN學生既學校。

Rank: 14Rank: 14Rank: 14Rank: 14


104886
發表於 18-6-5 15:23 |顯示全部帖子
mimi222shi 發表於 18-6-3 09:54
如果行為問題好嚴重,當然没有辦法!

如果問題嚴重,一定需要面對現實,著手處理,唔可以靠正常學校既老師,佢哋無接受過特殊訓練。

Rank: 10Rank: 10Rank: 10

醒目開學勳章 貢獻勳章


27476
發表於 18-6-5 15:52 |顯示全部帖子
本帖最後由 小曳人 於 18-6-5 16:00 編輯
王家爸爸 發表於 18-6-5 15:21
講得啱,唔少SEN家長既心態係想自己既小朋友被「被優待」,結果當然係大家都唔開心。想「被優待」應該讀返 ...

請問,香港除咗十多年前有過一間主要收資優生嘅津校之外,仲有邊間津小?
如果無,咁政策上又玩共融,老師又唔夠資源去再培訓,呢班人仔又唔可以被體諒,咁可以點?!


最無奈係,呢版係討論資優教育,响HK嘅資優教育好落後,家長們唔係去爭取對老師/學校/孩子/家庭嘅支援,反而歧視呢班小朋友 (and / or 佢地嘅家長)?!

可能,最需要教育嘅係呢班家長,唔係大眾!




恐龍家

Rank: 10Rank: 10Rank: 10

醒目開學勳章 貢獻勳章


27476
發表於 18-6-5 16:07 |顯示全部帖子
本帖最後由 小曳人 於 18-6-5 16:08 編輯
王家爸爸 發表於 18-6-5 15:23
如果問題嚴重,一定需要面對現實,著手處理,唔可以靠正常學校既老師,佢哋無接受過特殊訓練。
...

唔可以話係靠老師
而係佢地需要一技旁身!

信我,連社工都幫唔到手,但教育心理學家又唔係服務gifted,只係俾其他SEN (除非係双重中獎)
教師响呢種情況底下,變咗係第一身同孩子相處,唔訓練老師,大家都會痛苦!

我都對孩子嘅心理學/行為學上/教育上嘅教育,一定比教師少!
但我好好地令到個仔明白事理,但唔識溝通嘅老師就响學校激化情緒問題 (仔有努力過控制架!),然後自己郁手推個小朋友,咁~ 仲唔係老師要培訓?!

恐龍家

Rank: 14Rank: 14Rank: 14Rank: 14


104886
發表於 18-6-5 16:34 |顯示全部帖子
小曳人 發表於 18-6-5 15:52
請問,香港除咗十多年前有過一間主要收資優生嘅津校之外,仲有邊間津小?
如果無,咁政策上又玩共融,老師 ...
同國內新移民、東南亞裔香港人既情況類似,唔同既喺佢哋被歧視既問題更嚴重。融合教育係香港一直都做得唔好,都只可以話係無奈。香港始終係細地方,好難搞,除非可以同國內合作,將真資優(唔係家長FF嗰啲)揀出來,然後去國內集中訓練。

Rank: 14Rank: 14Rank: 14Rank: 14


104886
發表於 18-6-5 16:50 |顯示全部帖子
本帖最後由 王家爸爸 於 18-6-5 16:51 編輯
小曳人 發表於 18-6-5 16:07
唔可以話係靠老師
而係佢地需要一技旁身!

簡單而言,任何小朋友都係某方面既資優,但係亦都係某方面既handicap。問題反而係,唔少家長只係強調小朋友勁既一面,然後無限放大,忽略咗小朋友既弱項,最終害咗小朋友。
嚴格而言,其實真正既資優唔多,中國、美國等大國有特別既篩選、訓練計劃。如果無記錯,全中國當年得揀咗幾十個小朋友係真正資優,集中係合肥訓練。而人口比率計算,香港應該有一個、半個。
你需要登錄後才可以回帖 登錄 | 註冊