（真心請教）熱愛數學的女孩

Sweetpie

小女k1熱愛數學，由基本加減數開始，現已可做到直式多位數加減及乘除數混算，會問好多有關數學問題如份數、負數、質數等等，我應該俾佢繼續學嗎？會唔會上影響到上學無心學習？應該點樣處理最恰當。求教。謝

0030

她有興趣可以繼續學繼續教～

Sweetpie

會唔會怕佢返學發夢遊魂被老師話呀？暫時幼稚園比較寬鬆仲未有問題，我怕上到小學佢會被老師覺得佢曳呀

scyauchris

回覆 Sweetpie 的帖子

你唔比佢學, 佢一樣遊魂的, 因為小學老師會一樣野重覆講解的, 所以跟學校課程都不會改善的。佢喜歡你就由佢學上去。

Radiomama

Sweetpie 發表於 18-2-5 16:54
小女k1熱愛數學，由基本加減數開始，現已可做到直式多位數加減及乘除數混算，會問好多有關數學問題如份數、 ...

視乎你怎樣引導啦！
如果在屋企日常生活上玩遊戲、去買餸、傾偈慢慢講數學應用，當然無壞；但去興趣班就有保留。
我仔細個開始玩啤牌釣魚、21點、奇妙24，我覚得都是好好的數學訓練。

Sweetpie

每次阿女有新問題我同爸爸唔會即刻解答，佢問左好多次我地才會解釋俾佢知，最近發現佢問緊既問題已經愈來愈複習，部分問題已經係小學才學。我地考慮緊出年考小應該行傳統學校還是國際學校比較適合？ 可唔可以俾啲意見呀？多謝

小曳人

佢去邊都悶，分別响課堂要求同workload上

RunningPig

小朋友對數學有興趣是天生的福氣，絶不應擔心她平日課堂的表現而不滿足她的求知欲。我跟我的小朋友説，平日學校你要學的是上課專心，主動答問題，做卷小心。

bksummer

RunningPig 發表於 18-2-8 09:13
小朋友對數學有興趣是天生的福氣，絶不應擔心她平日課堂的表現而不滿足她的求知欲。我跟我的小朋友説，平日 ...

如上堂內容對小朋友偏容易，他們都好難保持專注 特別係男仔。。。求指教

Sweetpie

回覆 RunningPig 的帖子

多謝你，講得好好，教佢上堂留心保持一份好既學習態度真係唔易。我會努力學習

omg012

Sweetpie 發表於 18-2-27 23:35
回覆 RunningPig 的帖子

多謝你，講得好好，教佢上堂留心保持一份好既學習態度真係唔易。我會努力學習 ...

你囡囡超聰明。其實她要學習你也阻止不了。如果你比她學習機會，她可能小三自學完成小學課程，小六完成中學課程，中學完成大學課程。這個有甚麼問題？小學和中學課程本來是設計給一般水平的學生；硬要資優生跟隨也是對他們不公平。若果他們有強烈的求知欲，我想家長可盡量配合，不要讓這寶貴的學習動機被教育制度和追模擬答案所止息。沒有學習動機和自學能力乃至創新思維是一般香港中學和大學生最大的問題。我小兒常在網上自學科學和數學。因為YouTube 影片都是英文為主，他連英文也可以學到。其實有興趣，睇得多就明。小兒的數學是不用教的。但媽怕他沒有系統地學習，也怕他對上數學堂失去興趣，所以也樣他在Mxxxconcept上課，因可因材施教。他現在小三也快完成小五課程了。

Rachelmummy2008

Sweetpie 發表於 18-2-5 21:23
會唔會怕佢返學發夢遊魂被老師話呀？暫時幼稚園比較寬鬆仲未有問題，我怕上到小學佢會被老師覺得佢曳呀 ...

找一所少功課包容度高的學校，小朋友繼續有時間去追求想學的東西。

我囡囡高小，她因為在學校可以完成功課，在家便可根據她的喜愛而學其他嘢，主要是不會失去了興趣，佢知道朋友不是讀同一小學，有很多功課，隔不多久又測驗考試。所以她自己講學校有自由氣氛令佢更開心。

而且學校程度不易，初小用中文，高小用英文教。初期帶動了我囡學中文，因佢睇英文書多。英文數佢又會網上自學。

高小學校教深半年至一年，雖然我囡話佢都係覺得淺，不過老師容許她自己做題目，有些有心教的老師會俾其他思考性題目給她。

王家爸爸

bksummer 發表於 18-2-9 01:56
如上堂內容對小朋友偏容易，他們都好難保持專注 特別係男仔。。。求指教
...

需要知道實際情況先解決到。正常情況下，如果小朋友覺得上堂內容容易，老師問既問題都識答，佢哋應該會更加保持專注，享受答對既樂趣。有啲甚至會留心聽老師有無講錯，然後指出問題，享受大家睇佢 show off  既機會。

王家爸爸

Sweetpie 發表於 18-2-5 21:23
會唔會怕佢返學發夢遊魂被老師話呀？暫時幼稚園比較寬鬆仲未有問題，我怕上到小學佢會被老師覺得佢曳呀 ...

識就會返學發夢遊魂，其實係家長既誤解。經驗係，大多數情況，唔識先會返學發夢遊魂，所以有經驗既老師會問佢問題，確認係唔係小朋友聽唔明。如果發現小朋友真係唔識，會用更簡單既方法重講一次。

Rachelmummy2008

王家爸爸 發表於 18-3-25 09:02
需要知道實際情況先解決到。正常情況下，如果小朋友覺得上堂內容容易，老師問既問題都識答，佢哋應該會更加 ...

那麼就視乎有沒有教這類小朋友經驗的老師了。
我囡遇過，全班同學都很喜歡她，氣氛很好。

Rachelmummy2008

王家爸爸 發表於 18-3-25 09:06
識就會返學發夢遊魂，其實係家長既誤解。經驗係，大多數情況，唔識先會返學發夢遊魂，所以有經驗既老師會問 ...

對呀！
老師是最關鍵性的人物，他/她可以帶動小孩學習，也可以令小朋友失去動力。

akys

王家爸爸 發表於 18-3-25 09:02
需要知道實際情況先解決到。正常情況下，如果小朋友覺得上堂內容容易，老師問既問題都識答，佢哋應該會更加 ...

唉！個個細路都唔同㗎！上堂望住窗外發夢，冇騷擾人，突擊問又識答。但唔係個個老師接受，會罰㗎！

王家爸爸

akys 發表於 18-3-26 02:04
唉！個個細路都唔同㗎！上堂望住窗外發夢，冇騷擾人，突擊問又識答。但唔係個個老師接受，會罰㗎！ ...

問佢識答，又無騷擾其他同學，點解會罰？

akys

王家爸爸 發表於 18-3-26 07:10
問佢識答，又無騷擾其他同學，點解會罰？

小學係呢類孩子嘅地獄，有啲老師有個信念，要從小教導孩子紀律，合群，尊師重道。通常會俾機會，但一兩次咁多，但CP 們話要多年慢慢教導，落差好大。
所以我發覺問題大部份發生在小學階段，捱過上中學就一天光哂。

akys

王家爸爸 發表於 18-3-26 07:10
問佢識答，又無騷擾其他同學，點解會罰？

朋友個麻煩仔去咗美國，美國教育係讚你有進步(例如連續一個月乖乖)，香港在你乖乖幾個月後再犯就是教而不善，冇盡力。佢哋有情緒，有時即時控制唔到㗎。