用戶登入
用戶名稱:
密      碼:
搜索
教育王國 討論區 小一選校 請問有邊間小學有特別位
發新帖回覆
查看: 2270|回覆: 14
go

請問有邊間小學有特別位

Rank: 3Rank: 3


112
發表於 18-2-1 17:11 |顯示全部帖子
小朋友今年5歲。
大肌肉有問題要人扶住行路,但其他一切正常。仲幾聰明,所以唔想比佢入特殊學校。
從朋友口中得知有一些正常小學是有特別位比特別小朋友讀(好似叫融合教育)。
請問大家知唔知邊間有﹖
直資,私校,津校都得

Rank: 5Rank: 5


2882
發表於 18-2-1 23:41 |顯示全部帖子
本帖最後由 雲牛 於 18-2-1 23:52 編輯

皮毛地答下。

首先你孩子是否依家在一般幼稚園返學, 定已經返緊特殊位? 有無政府醫生信/ CAC report?

所謂融合教育,只是將在非嚴重SEN (如自閉, ADHD, 學障)學生 [有 CAC report 證明], 放在主流學校返學,而不用到特殊學校上堂,即是將有特殊學習需要的學生與一般學生"融合"在主流學校。 政府及津學會根據 CAC report,及入學學後繼續進行的評估報告,給與訓練。

學校沒有特別位給這類學生,都是經自行及大抽獎方法,抽入這些學校。填表時可剔選寫明小朋友有 SEN 需要。

至於大肌肉有問題,你可了解學校有沒有通道方便出入,例如升降機。

不過如果你夠堅持,當你抽到某校時,你可以要求學校提供暢通通道給你孩子,你搞到去平機會都得。
可以問下協康會,有關"肢體弱能"有咩可以做: http://www.heephong.org/webprod/ ... isorders#disorders4

教局:http://www.edb.gov.hk/tc/edu-sys ... edu-serv/index.html


Rank: 3Rank: 3


112
發表於 18-2-1 23:47 |顯示全部帖子
雲牛 發表於 18-2-1 23:41
皮毛地答下。

首先你孩子是否依家在一般幼稚園返學, 定已經返緊特殊位? 有無政府醫生信/ CAC report?

本帖最後由 koeychan 於 18-2-1 23:47 編輯

小朋友今年係特殊幼稚園讀書,之前n k1都係係主流幼稚園讀。
本身都係一心諗住入特殊學校小學,但聽到朋友同醫生都話有小學係支援特殊小朋友,所以上黎問下。
所以唔太知道咩係CAC report?

Rank: 5Rank: 5


1303
發表於 18-2-1 23:51 |顯示全部帖子

回覆樓主:

本帖最後由 lulumelody 於 18-2-1 23:51 編輯

最好問社工!或打去教署問!

Rank: 5Rank: 5


2882
發表於 18-2-1 23:57 |顯示全部帖子
回覆 koeychan 的帖子

如果問題不大,該不用到特殊學校,那些情況都是幾嚴重的。
不過可以問下教局:http://www.edb.gov.hk/tc/edu-sys ... edu-serv/index.html

你可以問下你睇開的醫生,你覺得 ok 的話,可以上正常學校先。有時政府都係比 d 無陵兩可答案你,只有你自己最了解自己小朋友的能力。

Rank: 7Rank: 7Rank: 7


12563
發表於 18-2-2 06:05 |顯示全部帖子
如果只係大肌肉有問題,情況唔係特別差的話,唔需要去特殊學校。果 d 好多小朋友都係智障、視障、聽障、身體比較有嚴重 d 嘅殘障 嘅學生,你小朋友肯能會唔係咁適合。智力正常最好就唔好讀特殊學校,因為要轉返出黎主流頗大困難下。

記憶中應該冇「特別位」,只有 SEN 位(融合教育),而呢 d SEN 位同普通小學學位一樣抽獎/自行/考。常見 SEN 小朋友包括 ADHD、亞氏保加、輕度自閉、讀寫障礙... 你填表果真可以 tick 小朋友有 SEN 需要。可以的話,去幾間學校睇下有冇升降機/廁所位置,有冇支援小組。我以前津小有關節有問題嘅學生,有時候需要老師同學扶住,體育科、早會可以坐埋一邊,初小仲好似考試卷可以加時間。

幼稚園應該有老師呢方面嘅經驗。不妨問下?或者去協康會問下?

CAC 報告應該係見完兒科醫生之後去見心理學家,有結果之後可以攞轉介信去搵機構做治療/教育局。

希望幫到你。

Rank: 5Rank: 5


1199
發表於 18-2-2 09:20 |顯示全部帖子
1998Ruby1998 發表於 18-2-2 06:05
如果只係大肌肉有問題,情況唔係特別差的話,唔需要去特殊學校。果 d 好多小朋友都係智障、視障、聽障、身 ...

香港係有間紅十字會甘迺迪中心係提供俾身體殘障,但智力正常嘅小朋友讀主流課程的。當中亦為小朋友進行適當嘅體能訓練,如大小肌肉訓練,物理治療師等團隊。我想,如果主流學校冇位收,類似這種的學校會適合樓主小朋友。我朋友有仔仔都係大肌肉發展有問題,但智力正常,正就讀呢間學校。因為返學可以提供埋訓練,朋友唔洗周圍帶佢去第二度做訓練,自己同小朋友都冇咁辛苦。

Rank: 3Rank: 3


112
發表於 18-2-2 10:00 |顯示全部帖子
mannitol 發表於 18-2-2 09:20
香港係有間紅十字會甘迺迪中心係提供俾身體殘障,但智力正常嘅小朋友讀主流課程的。當中亦為小朋友進行適 ...

呢種係肢體學校,如果我囝升小學就會升呢d,全港有7間。
有埋物理治療都係一個好大誘因。
但囝囝以前讀主流幼稚園好開心。
宜家讀特殊學校佢覺得唔開心,因為每個小朋友都係有d問題,佢話無以前咁多朋友一齊玩,而且課程都簡單d,可能冇咩挑戰性,所以佢都唔鍾意返學。


Rank: 7Rank: 7Rank: 7


12563
發表於 18-2-2 10:24 |顯示全部帖子
回覆 koeychan 的帖子

小朋友抗拒,想融入主流,學得更多,咁就畀佢讀返主流,最多自己辛苦 d 額外帶佢去物理治療。當年我同學都係咁,因為我間學校都頗谷下,小三小四考試開始冇得加時所以分數比較低,老師叫佢考慮下轉但係佢唔肯,結果一路讀上去,DSE 都冇申請加時,依家讀埋大學。最重要都係佢讀得開心,願意返學讀書。我諗主流轉特殊,會容易過特殊轉主流好多。呢度 EK 都頗多家長會分享學校 SEN 支援情況,有幾間學校係 SEN 經驗豐富(未必係體能果種 SEN),可以爬文睇下。你小朋友只要專心上堂聽指令鍾意學野的話,考私立/直資都唔係冇機會。加油!

Rank: 5Rank: 5


1004
發表於 18-2-2 22:07 |顯示全部帖子
koeychan 發表於 18-2-1 17:11
小朋友今年5歲。
大肌肉有問題要人扶住行路,但其他一切正常。仲幾聰明,所以唔想比佢入特殊學校。
從朋友 ...

一般而言,你喺政府評估,佢會有建議俾你升什麼小學會合適。

至於現在的課程,可以同老師傾下有無得調適。據我所知,在特殊幼兒中心除了小組大班的課堂,都有個別課堂。呢部分可以同老師傾,睇下係咪可以俾返啲挑戰小朋友。如果你一心諗住出去讀普通學校,更加要快啲同老師講,睇下老師有無得同小朋友做多些小一預備的工作。

治療師們都應該可以俾到些意見你,也可問問社工有什麼學校配合得好些。

另外,如果只是大肌肉的問題又想在主流就讀,試下打去你有興趣的學校問問有關支援的情況,也了解下學校的配合程度、關心程度、關愛文化、時間表(例如小息時間會否很短,令小朋友上落已用了大部分時間?)、功課測考等等(我估你都要留些時間做訓練、檢查,如果學校功課測考壓力無咁大會無咁辛苦)。

我識有親人都是肢體弱能但智能正常(但已讀完中小學),一直都在普通學校就讀。但感恩中小學都好好,好幫忙好配合,例如考試加時、找適合的桌子等,同時也容許家長常常到校幫忙(家長都要幫幾多,因為親人要用輪椅)。

Rank: 3Rank: 3


112
發表於 18-2-4 00:19 |顯示全部帖子
edniebridge 發表於 18-2-2 22:07
一般而言,你喺政府評估,佢會有建議俾你升什麼小學會合適。

至於現在的課程,可以同老師傾下有無得調適 ...

請問你親人係邊間小學讀﹖

Rank: 5Rank: 5


2929
發表於 18-2-4 09:25 |顯示全部帖子
大肌肉有問題要人扶住行路,即係可以自己行路嗎?

所有官津都係行融合教育,有無心做係另一回事,你應該問下心儀學校可以有咩安排

Rank: 5Rank: 5


1004
發表於 18-2-6 16:51 |顯示全部帖子
koeychan 發表於 18-2-4 00:19
請問你親人係邊間小學讀﹖

深水埗區,適合你嗎?

Rank: 3Rank: 3


112
發表於 18-2-6 18:31 |顯示全部帖子
edniebridge 發表於 18-2-6 16:51
深水埗區,適合你嗎?

可以呀!請pm我(emoji)(emoji)(emoji)(emoji)

Rank: 5Rank: 5


3931
發表於 18-2-7 10:30 |顯示全部帖子
What I know is many of the primary schools only have speech therapists support. And also the training is very infrequent.

For big muscle support, one needs the physio therapist and need more equipment and a training room. I don't think an ordinary primary school can support such a facility. The parents may need to find their own private training.
你需要登錄後才可以回帖 登錄 | 註冊