怎樣勸阿女剪短髮

yesthomas

（利申）媽媽中學時都係短髮，大學先開始留長。

長頭髮，一定要多好多時間打理，變相少左時間應付繁忙的功課。隔幾日洗個頭又好臭。

以上理由等於阿媽係女人，但阿女堅持長頭髮永不剪，唔想逼，有無好辦法遊說？萬分感謝！

pokinponi

yesthomas 發表於 18-2-1 17:09
（利申）媽媽中學時都係短髮，大學先開始留長。

長頭髮，一定要多好多時間打理，變相少左時間應付繁忙的功 ...

阿女不學跳舞後, 我游說佢剪短把頭髮, 方便游水, 又show小桃(即小忌廉)個短髮可愛look俾阿女睇, 佢就好開心請髮型師哥哥照著剪.

whitepurin

有無咁跨張，長頭髮就要用好多時間打理？長髮及腰嗰d?

lestat

yesthomas 發表於 18-2-1 17:09
（利申）媽媽中學時都係短髮，大學先開始留長。

長頭髮，一定要多好多時間打理，變相少左時間應付繁忙的功 ...

Mmmmm......如果純粹為左慳番時間應付功課, 長同短髮打理時間可以相差幾多呢?   以我阿囡來講, 都係多15 mins左右, 或者叫佢剪薄啲, 已經易打理啲, 其他原因就另計啦. 女仔好多都重視外表, 佢自己鐘意就得啦,

1998Ruby1998

長頭髮不一定用好多時間打理。我留到及腰，夜晚洗頭自然乾都係兩個鐘（一路溫書做功課），唔洗特別去打理，頭髮依然順滑，我都係隔日洗頭，唔臭的。係臭的話，無論短髮長髮都一樣。

不過你可以講，頭髮也會用營養，短 d 的話，會有多 d 營養去增高。

利申：我阿媽最討厭長頭髮，話好似做紅燈區果 d 人，同埋洗頭水錢會用多。

Yanamami

女已快12歲升中了？快進入青春期，快係小小小大人，开始要習慣下尊重佢意願，advice俾完就算，決定由佢做，後果由佢承擔。

我女小学游五日水，長头髮，从來洗完唔吹头，冬天十幾度－样。佢係意見接受态度照旧……So?唔通曰曰同佢嘈？

佢想keep長髮我唔覺有问題，少年人在意自己外表，个头係佢，無理由要依你意願既~~佢地大到禁上下，唔係＋分critical既野就由得佢地自己決定，要明白你既意見並唔係一定受欢迎~

angiehouse

yesthomas 發表於 18-2-1 17:09
（利申）媽媽中學時都係短髮，大學先開始留長。

長頭髮，一定要多好多時間打理，變相少左時間應付繁忙的功 ...

吾洗用好多時間打理長髮掛，無心做功課溫書，就算剪個陸軍裝一樣應付吾到，由佢啦

gracelam

我個女小四開始留長髮到中二, 日日洗頭, 都唔阻做功課温書時間。 小學朝早返學我幫佢紥辮，到中學自己紥條馬尾就出門口。

大個女有佢自己喜好, 唔好為D少事影響親子關係。

cmchang0927

我女長頭髮我從不比意見，只教佢小三好學識自己紥辮，我自己短頭髮對紮辮笨手笨脚

HaYi

我有點天生卷, 又有好多個轉, 所以一上中學即剪短, 爽好多, 自此冇留過長的, 一長少少就唔自然要剪. 小朋友上左中學自己睇人都可能會改心意去剪短.

Yanamami

仲有，中学未必有繁忙功課，好得閒成日上網添……花d時间梳头都好过上網~HaYi講得啱，中学生受朋輩影響多，家長講乜都無用，悭番啖氣好过~

王家爸爸

介紹個鍾意短頭髮女既男仔俾佢。

熊大

王家爸爸 發表於 18-2-1 21:20
介紹個鍾意短頭髮女既男仔俾佢。

又洐生第二個問題呢

王家爸爸

熊大 發表於 18-2-1 21:26
又洐生第二個問題呢

揀個可靠、又聽你話既，當多咗個仔。

siden

lestat 發表於 18-2-1 18:18
Mmmmm......如果純粹為左慳番時間應付功課, 長同短髮打理時間可以相差幾多呢?   以我阿囡來講, 都係多15 mi ...

長同短髮打理時間可以相差幾多？！

Eat_Sleep_Play

無用啦，我自己由中學開始留長頭髮，到而家都係長頭髮(幾廿年都好悶)，我女又係唔比剪頭髮，由細至大都係長頭髮，日日洗......自然乾，唔嘥得幾多時間

truthmr99

可能洗得吾夠乾淨！教下佢洗得好的！無甘易味！大個女佢自己同salon俎姐耍剪幾多！上星期我叫佢剪短薄，無理我！

asweetmom

王家爸爸 發表於 18-2-1 21:30
揀個可靠、又聽你話既，當多咗個仔。

哪裏找？

asweetmom

我想三個女兒長頭髮 ，多好看！ 可是多年強逼勸說利誘不果，只能我自己長頭髮自我安慰一下！！！

blee427

我女小學是一吋不能短，中一有同學同佢講佢短髮好靚，於是一剪就三年，而家仲唔肯留長，只肯過頸DD。唔好咗緊張，頭髮身外物