K1已準備直私叩門，太怪獸了嗎？

baoyeah2014

見好多家長都分享考直私，K2開始要發力準備，但研究左一輪後發覺原來要準備既野好似好多，但小朋友時間真又限，又唔想日日都外補學野，可以請前輩分享下其實有咩係必須要準備架？

PS：我仔超怕羞，英文完全無興趣，中文幾好，9月讀K1有NET，因平時長老湊，禮貌脾氣都唔太好

我好想慢慢由K1開始準備，好似學phonic & trinity，準備考GAPSK，但又想佢有番D真正興趣班，當然會日日伴讀，希望教番好佢禮貌品德

baoyeah2014

dd_bb_kf 發表於 18-1-25 18:55
其實而家考小一cert 的幫助真係唔大，trinity、cambridge、GAPSK等，真係可有可無，有些學校連portfolio 都 ...

多謝你分享呀，但其實我完全無信心我仔會考到直私，因通常慢熱怕羞小朋友第一輪已被out走，所以先諗住會唔會考多d cert for 叩門會好d

baoyeah2014

dd_bb_kf 發表於 18-1-25 19:29
如果for叩門，除基本品德和禮貌外，學術要求會更高，因為interview時多數要做小一的卷。
其實唔需要太冇信 ...

真的嗎？要外補先可達小一學術程度？

可能聽得太多連名校都考唔到直私例子，所以都唔敢寄予厚望

lambeanmama

baoyeah2014 發表於 18-1-25 18:44
見好多家長都分享考直私，K2開始要發力準備，但研究左一輪後發覺原來要準備既野好似好多，但小朋友時間真又 ...

或者咁講，如果外補學習為考小一，未必可符合期望；不如想清楚自己想孩子成為一個甚麼的人，如樓上網友所言，多閱讀，考小與否，其實也終身受用。考cert不重要，但孩子需有一定程度兩文三語聽和講的能力，是無用置疑的。

baoyeah2014

多謝各位過來人分享，因我除了知道要和小朋友多閱讀，多教佢待人處事禮貌外，聽好多人講要學好多野，所以就好迷失，唔知應該點培養小朋友

水皮仔

我小朋友都係K1，開始留意學校，去學校升小分享講座，冇外補但會閱讀認字，參加非學術既興趣班，小朋友喜歡學習，覺得玩多啲小朋友都叻啲
暫時備戰係咁

keep-calm

個人覺得準備升小，尤其n無15分新手，家長自己要預備的比小孩更多。建議家長首先理清自己的選校要求，詳細了解小一入學制度及各校特色等。如考慮直私一條龍要睇埋中學部資料，延伸至要了解升中制度，甚至高中選科、入大學制度。

至於為小孩預備，如上面各位所言，即使非為考小各家長也會有自己培育小孩的方向吧。閲讀、語言表達能力、待人接物品德教養、社交生活體驗等，順著自己的教育理念做，小孩也終身受用。

另外，「貼市」其實很重要。有部份家長低估了、亦有不少過份誇大了考小難度。最理想是有一群真心分享扶持的戰友，多了解不同背景同齢小孩的程度，前輩家長考小經驗，這對冇上面試班/幼稚園冇升小支援的家長尤其有用。當然有人覺得會做成比較徒添焦慮，各位自己衡量。

hkpapa852

baoyeah2014 發表於 18-1-25 18:44
見好多家長都分享考直私，K2開始要發力準備，但研究左一輪後發覺原來要準備既野好似好多，但小朋友時間真又 ...

諗清楚想小朋友條路點行, 如讀咩類型小學, 中學和大學等目標

不要盲目跟風去考直資/私立學校, 亦不一定需要盲目預備叩門

HaYi

如果唔係有父母兄弟宗教等凡加分, K1開始預備唔早呀.

針對樓主.
如中文OK, K1可以加強英文閱讀/phonic/Story, 自己教或外判唔係問題, 最重要唔好深, 有趣為主等佢pickup 同多些用英文.   

lambeanmama

我仔也是K1, 我覺得K1重點有：1. 建立良好學習態度；2. 閱讀興趣；3. 基本數數Counting能力和4. 中英文表達能力。

不論考直私與否，也同樣重要。

baoyeah2014

明白，因我係緊張大師，其實一早已研究左小學中學目標，當然希望入到一線直私或叩到名津，暫時觀察我仔都幾適合做填鴨，老師評佢上堂幾專心吸收力唔錯，我自己本身麻麻地活動教學

中文書自問已好努力伴讀，只係英文令我好頭痛，好似點樣都提唔起小朋友既興趣咁

hkpapa852

baoyeah2014 發表於 18-1-26 17:55
明白，因我係緊張大師，其實一早已研究左小學中學目標，當然希望入到一線直私或叩到名津，暫時觀察我仔都幾 ...

定好中學目標, 再睇吓是否會搬去該區抽小學.

然後再考慮是否去考直資/私立小學

baoyeah2014

hkpapa852 發表於 18-1-26 17:59
定好中學目標, 再睇吓是否會搬去該區抽小學.

然後再考慮是否去考直資/私立小學

屋企情況唔容許搬，因要照顧長老，所以先咁擔心

hkpapa852

baoyeah2014 發表於 18-1-26 18:05
屋企情況唔容許搬，因要照顧長老，所以先咁擔心

咁就花多D時間研究下區內既官津小學吧！

反正香港大部份小朋友，最終都係就讀官津小學