本帖最後由 se6b03 於 18-2-1 14:33 編輯
可以睇下兩間學校其它方面,羅裕積返08:35,放15:30。基道返08:00,放15:20。逢星期四則放早半個鐘。
羅裕積係正港鐵出口。基道離港鐵出口有6-8分鐘步程。
羅裕積一年4考。基道兩測兩考。羅裕積期中考完當日要繼續上堂直至正常放學時間。基道逢測驗放11:00。
羅裕積有東華三院背後做強大後盾,資金方面完全無問題。基道辦學團體係中華基督教會灣仔堂,多左灣仔堂表示非中華基督教會香港總堂區親生仔,所以資源上比不上直轄於香港總堂區學校,更加比不上羅裕積。
順帶一提,兩校今年同樣係創校50週年金禧紀念。 |