聖保羅書院小學(BOYS) vs聖方濟各英文小學

ckcleung

雖然無特別留意，但SPC 既DSE成績持續谷底反彈，長遠睇，證明SPC走對了路，長中短期必然睇好，管他什麽真男校什麽兄弟情，了解過佢教學方法，啱自己囝囝性格，值得放棄sfa去摶其他神校

ok3

除非間小學你好唔like (不過如果係, 你根本唔會去考), 否則總覺得放棄一間有B1中學backup嘅小學, 去一間冇backup嘅小學, 係犯本嘅做法.

mamath

ckcleung 發表於 18-1-22 16:35
雖然無特別留意，但SPC 既DSE成績持續谷底反彈，長遠睇，證明SPC走對了路，長中短期必然睇好，管他什麽真男 ...

可否講下SPB的教學方法?

testingabc

relaxd 發表於 18-1-22 15:51
講得好，仲有SPC一星期只有一堂體育堂，測驗考試完又冇得早放學，真男校冇得比男仔放電玩樂，所以見親SPC ...

仔仔同我分享小息可以去圖書館，猜皇帝，攀石，踩環保單車，聽故事等等...，午息可以擲豆袋，打籃球，跨欄 (可以跑的)等等...

指定活動是可以跑的，我覺得安排得好好啊，想像不到整個操場的人也在跑會是怎樣。

retriever

mimi222shi 發表於 18-1-21 18:26
坦白講, 多數人(唔一定係女人)都只會關心"真神校"
"真男校"係點, 真係個人觀感

呢句確係反映現實。

但呢個年代揀學校方面，媽媽真係聲音大過以前好多。

甘恩

testingabc 發表於 18-1-22 17:33
仔仔同我分享小息可以去圖書館，猜皇帝，攀石，踩環保單車，聽故事等等...，午息可以擲豆袋，打籃球，跨欄 ...

這就是SPB的小息，小孩隨自己喜歡的去玩樂。學校不准許的是不讓學生橫衝直撞，因為這會很危險。如果這樣給其他家長以為SPB不讓學生活潑輕鬆，就沒有辦法了。個人卻很喜歡這樣子安排。

ckcleung

甘恩 發表於 18-1-22 20:48
這就是SPB的小息，小孩隨自己喜歡的去玩樂。學校不准許的是不讓學生橫衝直撞，因為這會很危險。如果這樣給 ...

誤會了，不是討論spc沒有給小孩活動空間。是討論spc與其他學校比較，spc給人感覺“真男校”，大家在討論其他男校又是否不是真男校， 希望提出spc係“真男校“的家長講清楚咩意思啫。

testingabc

回覆 ckcleung 的帖子

我覺得男校，就係一所只有男孩子可以就讀的學校。
我諗真男校呢個TERM係指欣賞SPB學生之間的brotherhood and bonding以及對學校既歸屬感, 兄弟情可以出現係男女校中既幾個男生，但係男校內既兄弟情可以昇華到係全校既學生，中學部既師兄，加埋畢業後既old boys。

而兄弟情呢樣野，我認為係有中學部＋小學部既男校，會比只係得中學或小學既多，另外一所歷史悠久而教學理念貫徹始終既學校，又會比其他年輕學校或者學校方向常變既多。

大家在討論時用真男校係指男校當中既兄弟情吧，唔係單單指呢間係男校（一間只收男生的學校），都唔係指小朋友係咪活躍，喜唔喜歡跑步，有幾多體育堂，有冇健身課，小息有冇舉啞鈴午餐係咪飲大隻佬奶粉...

甘恩

ckcleung 發表於 18-1-22 21:38
誤會了，不是討論spc沒有給小孩活動空間。是討論spc與其他學校比較，spc給人感覺“真男校”，大家在討論其 ...

不好意思，誤會了。對於真男校，兄弟情，我認為不可能是幾個同學仔比較熟絡一起玩的那種，而是指整個學校的一種氛圍。大家一起學習、一起放肆，但又會互相幫助，即使大家不認識亦願意出手幫忙。在球場上，不分彼此一起玩。可以說是有家的感覺。更重要是畢業後，只要學校有需要他們的地方，便能一呼百應，全心全意為學校，為學弟。那份歸屬感超強烈，以自己爲該校學生自豪，基本上是與學校同喜同悲，認識有一位SPB舊生的太太，她說自己老公中SPB毒好深，只要學校有活動，他都願意出席以示支持，只要知道誰是SPB生，即使不認識，亦有說不盡話題。另外，在職場上，只要知道是同校生，一定會幫忙，不分年齡階級。這些就是我覺得的真男校，手足情。老實說，是否所有男校都是這樣？我認為不是。相信這就是一眾家長所說的真男校。

ckcleung

testingabc 發表於 18-1-22 23:17
回覆 ckcleung 的帖子

我覺得男校，就係一所只有男孩子可以就讀的學校。

你所講既相當合理，但講“真男校“這個名詞确實有點法國大餐， 男校存在“兄弟情“其實唔出奇，兄弟情發生在大蝦細，細又仰慕大，大又帶住細，細既又討論邊個師兄醒，學校有搞學會更甚，因為一定由師兄帶一班師弟，係一班師兄考到好成績入 U, 會激勵到下邊班師弟，以佢地做榜樣。
這份兄弟情，以前出現係津校多于官立，名津校更普遍，因為有學生會或有社際及不同學會，形成學會或社際有不同年級師兄弟，但唔會話 SPC 同其他男校不同係因為SPC係真男校，佢獨有兄弟情。其他學校就沒有。SPC有， DBS,LSC,SJC, WYHK, WYK,YWC等等會沒有嗎？

其實女校都有姐妹情，這份情都係學會由師姐帶師妹培養出黎的。

但總括而言，現今家長選小學會睇呢樣野咩！我可以肯定，唔會囉！

ngngachun

ckcleung 發表於 18-1-22 23:49
你所講既相當合理，但講“真男校“這個名詞确實有點法國大餐， 男校存在“兄弟情“其實唔出奇，兄弟情發生 ...

其實在此開放的平台，各人有發表內容的空間。各人在字眼上看法的不同，對不同學校觀感上的不同感受根本是十分正常。什麼真男校又好假男校又好，其實大家家長所想都是分享一點用家心聲，讓有興趣了解的家長們能有多一些參考資料。當然各人理應對資料的真確作個人分析，但經上多天對“真男校“這字眼的窮追猛打。本人當真感到有點跟本網站開設的用意有點分歧，當然或許還在繼續討論真男校這三字的家長們非要那個提出真男校說法的家長覺得說錯了不可。但事實上，縱然讓您勝了，“真男校“的字眼的精確度不到位，那結果又是如何啦。大家是想分析不同校各方的不同，各校用家說說切身的感受。當然內容中必然存在著一些個人情感，覺得別人說法太主觀，其實大可跳過不看，那又何必要對自己過唔去，那麼著意別人的一點用字啦。

ckcleung

ngngachun 發表於 18-1-23 00:16
其實在此開放的平台，各人有發表內容的空間。各人在字眼上看法的不同，對不同學校觀感上的不同感受根本是 ...

不如咁講啦，如果提出既事主觀又不作解釋，咁係可以大家討論下呢，只要不是人身攻擊又無惡言相向，有何不可呢。
大家別誤會，本人對SPC沒有負面睇法。

mimi222shi

我和親人都正為升中/升小事而煩惱, 真心請教各位高人

小學部收生人數少, 實行精英制, 預計呢批精英主要都係上中學部, 為何中學部成績未能去到頂尖??

在升中版, 不止一年,  看見有人指出SPC可以吃"回頭草"
我印象中無聽過其他學校可以, 如有請指點
有點百思不得其解?

我多數從朋友口中/EK得悉升中資訊

真心想多了解一些優質學校

sunnymama2

mimi222shi 發表於 18-1-23 08:07
我和親人都正為升中/升小事而煩惱, 真心請教各位高人

小學部收生人數少, 實行精英制, 預計呢批精英主要都 ...

但上年SPC的DSE成績唔係好好嗎? 英文4以上有9成幾（如記錯請見諒），有6至7個入醫科，入3大degree有4成.

當然同spcc有差距，但成績算好好喎。

mimi222shi

sunnymama2 發表於 18-1-23 08:39
但上年SPC的DSE成績唔係好好嗎? 英文4以上有9成幾（如記錯請見諒），有6至7個入醫科，入3大degree有4成.

...

此成績實屬Band 幾水平?

我在升中版成日見家長講, 要用成績計入咩中學最合適

可能升中版有錯誤資訊, 令我有錯誤理解

Ryan_baba

mimi222shi 發表於 18-1-23 08:07
我和親人都正為升中/升小事而煩惱, 真心請教各位高人

小學部收生人數少, 實行精英制, 預計呢批精英主要都 ...

如果你認為小學部係行精英制，相信你對SPC真係認識唔深。

mimi222shi

我煩緊升中

我表哥/表姊有幾個小男孩, 從加拿大回香港.
真心想俾小朋友有輕鬆愉快既童年, 住跑馬地,學費不是問題, 我只推介了港同.
我可能俾漏資料

simoncwl

ngngachun 發表於 18-1-23 00:16
其實在此開放的平台，各人有發表內容的空間。各人在字眼上看法的不同，對不同學校觀感上的不同感受根本是 ...

其實真心唔明何謂真男校所以有此提問，如果EK內只要是個人觀感留言的就叫人不要窮追猛打，咁其實嗰啲比較學校帖、問校風帖，大家都可以唔使答了，因為都係個人觀感。

mimi222shi

Ryan_baba 發表於 18-1-23 08:59
如果你認為小學部係行精英制，相信你對SPC真係認識唔深。

我自認對SPC認識唔深, 所以真心同虛心請教各位高人.  我講左可能係睇升中版被誤導, 懇請各位指教!

simoncwl

ckcleung 發表於 18-1-23 00:24
不如咁講啦，如果提出既事主觀又不作解釋，咁係可以大家討論下呢，只要不是人身攻擊又無惡言相向，有何不 ...

其實如果認為SPC先有兄弟情，其他男校冇嘅，或冇咁重嘅，所以SPC先係真男校，佢要咁諗，我只能尊重佢嘅睇法，所以佢之前答的我都冇打算再回答。