35華小教師聯署 反對港華轉直資

elbar

番禺會所華仁小學


傳統名校香港華仁書院計劃轉為直資學校，其直屬小學番禺會所華仁小學日前發通告表態支持，並接受華仁提出的取錄安排，轉制後將預留予華小的學額，由現時79個減至55個。不過，35名華小教師前日發出聯署聲明，反對華仁轉直資，更透露華仁校長蘇英麟在諮詢華小老師時，曾明確表示如未能成功轉制，將會跟華小「脫鈎」，令老師感受威脅。


指港華稱轉制失敗將「脫鈎」


番禺會所華仁小學校長陳崗本月6日向老師、家長及校友發通告，指經過辦學團體旅港番禺會所董事會仔細考慮，決定支持華仁轉直資計劃，並接受新取錄安排。根據通告，華仁轉直資後將收取華小成績前55名的小六畢業生，比現時減少24人；至於成績排第56至80名的畢業生，須與其他申請者一併參與面試，惟因耶穌會學校教育背景，將獲特別加分。


對此，35名華小老師發表聯署聲明，表明不支持華仁的轉直資計劃，認為其轉制計劃對提升教與學沒有具體想法。聲明亦炮轟華仁「講一套，做一套」，指華仁及辦學團體對外稱對直資計劃「持開放態度」，但去年底向華小老師進行第二輪諮詢時，校長蘇英麟卻明確表示，如華仁未能成功轉直資，華仁將跟華小「脫鈎」，形容是有既定立場及手法強硬。


聲明亦批評華小的辦學團體、即旅港番禺會所一意孤行，憂加劇升讀港華學額的惡性競爭，增加家長與學生的壓力和心理負擔。聯署老師強調，發表聲明目的是不希望持份者誤解，以為支持華仁轉直資乃「老師一致贊成的決定」，形容現時雖傷心，但會繼續以學生成長與發展為願景。本報就華小老師聯署曾致電華仁校長蘇英麟查詢，截稿前未獲回覆。

睡王子

...

Charlotte_mom

哎，公開聲明校長同老師無傾計，咪又係肉酸！中學話小學唔掂，老師話校長唔掂，中學唔願收小學，小學唔俾中學轉
一塌糊塗！

sukitelfold

Charlotte_mom 發表於 18-1-14 18:27
哎，公開聲明校長同老師無傾計，咪又係肉酸！中學話小學唔掂，老師話校長唔掂，中學唔願收小學，小學唔俾中 ...

點解陳校長去到邊也是這麼多新聞？難解！

天使麵

唔係終於傾好55個個華小咩？而家又黎老師反對？嗰頭小學公開反對完中學，華小老師再反對…一波剛平，一波又起，反黎反去，點解要搞到上傳媒公開？

kkhon

蘇丶陳校长吾係倾掂數咩！点解又殺出教师嘈？教師係咪想兄弟攬炒？

Soundervolt

情何以堪...... 學界版肥皂劇，下一集又唔知乜嘢劇情？

Soundervolt

kkhon 發表於 18-1-14 19:26
蘇丶陳校长吾係倾掂數咩！点解又殺出教师嘈？教師係咪想兄弟攬炒？ ...

持份者尤其多，可能下次輪到兩校家長互相格劍.....

chunchundaddy

sukitelfold 發表於 18-1-14 18:39
點解陳校長去到邊也是這麼多新聞？難解！

陳校長之前有乜嘢事件發生過

sukitelfold

chunchundaddy 發表於 18-1-14 19:56
陳校長之前有乜嘢事件發生過

Google一下「九華陳崗校長」，有排睇。。

chunchundaddy

sukitelfold 發表於 18-1-14 20:05
Google一下「九華陳崗校長」，有排睇。。

即刻 google 咗，呢位所謂校長嘅行為，令人歎為觀止

mymelody0701

成件事真係好肉酸，兩校互片，無論結果如何，已經徹底影響校譽

hkpapa852

其實一直以來, 個人認為港華所謂既諮詢都係做show, 根本一心想轉直資, 只係做吓樣好似西九故宮博物館諮詢咁之嘛!

不過陳校長都叫盡力迫港華承諾日後既直升保障, 但係華小教師又唔憤氣被人賴佢地教唔好學生, 再嚟個絕地反擊.

其實無乜用, 港華一定會向EDB申請轉做直資, 最後始終要睇EDB頭.

到底EDB想送港華一程, 定係會俾塊遮醜布俾港華遮多10年呢?

王家爸爸

hkpapa852 發表於 18-1-15 09:41
其實一直以來, 個人認為港華所謂既諮詢都係做show, 根本一心想轉直資, 只係做吓樣好似西九故宮博物館諮詢咁 ...

我反而覺得陳校長同佢既團隊，應該盡力教好啲學生，而唔係迫人收佢哋啲次貨。

Charlotte_mom

所謂家醜不出外面、關門打仔。而家咁嘅勢，咪自揭瘡疤俾人了解到點解教學質素會每況愈下。連基本溝通都做唔到，將心機時間攪呢d政治、權力鬥爭，上位者得唔到團隊信任，團隊憎佢憎到無計傾要公開申怨。點有共識、點有時間教好學生呀！

sukitelfold

Charlotte_mom 發表於 18-1-15 09:58
所謂家醜不出外面、關門打仔。而家咁嘅勢，咪自揭瘡疤俾人了解到點解教學質素會每況愈下。連基本 ...

同意見解！

將教學精力，轉投鬥爭角力，本末倒置！

Charlotte_mom

由day one我已經話處理得唔好分分鐘聖馬可事件重演——中學彩你on居唔要你咪唔要你，小學死雞撐飯蓋話將來仲有機會接龍
到而家班小學老師似乎仲未識分莊閒。聖馬可結左龍都可以單方面斷。華中就算今次轉直資唔成功，攪到咁薑，華中一樣可以唸單方面申請取消直屬關係。龍都斷得，點解取消直屬唔得！
兩邊繼續拉鋸，黑幕繼續揚出街，雙輸！

hkpapa852

Charlotte_mom 發表於 18-1-15 10:28
由day one我已經話處理得唔好分分鐘聖馬可事件重演——中學彩你on居唔要你咪唔要你，小學死雞撐飯蓋話將來 ...

即刻叫大台拍套叫"華生風暴"啦! 好過溏X

hkpapa852

Charlotte_mom 發表於 18-1-15 10:28
由day one我已經話處理得唔好分分鐘聖馬可事件重演——中學彩你on居唔要你咪唔要你，小學死雞撐飯蓋話將來 ...

其實華小轉咗去東區, 係對佢地有利, 同區少咗一堆名校, 就算水平無提升, 本區B1學生點都可以爭多少少.

華小學術水平近年事實上有進步, 亦因如此, 華小叻學生更加睇唔起成績一直下跌既港華.

斷龍反而可以令大家無牽絆, 小學專心為學生尋好既出路, 不再受制於中學部.... 睇到GH, HY呢兩間就知, 小學部受中學部牽制, 小學部家長同學生係幾咁無耐

王家爸爸

Charlotte_mom 發表於 18-1-15 09:58
所謂家醜不出外面、關門打仔。而家咁嘅勢，咪自揭瘡疤俾人了解到點解教學質素會每況愈下。連基本 ...

自揭瘡疤俾人睇係港華既特色，記得幾年前副校長天橋靜坐事件嗎？