將於０５年入讀全日n1小朋友o既媽咪入來傾下~~

yiu_mimi

hi,

咁你打算報邊間幼兒園呀? 如一月入學就是插班生了, 你要問清楚你心水的幼兒園收唔收插班 & 可能要等有小朋友中途退學先有位喎..

可能我自己本身又貪玩又鍾意返學啦, 所以我囡囡一夠2歲我就幫佢報名, 9月份就返學喇, 我而家既心情好緊張, 好似自己返學咁 HA HA HA

yiu_mimi

Maggie3493 ,

咁又係, 我奶奶一對人湊一個孫女, 又要安排佢食嘢, 玩, 沖白白, 家務咁已好辛苦, 何況一個工人湊2個, 真是支持唔住架, 你個工人都算好叻

不過你有對孖, 有雙倍 Happiness 呢
  

Maggie3493 寫道:
yiu_mimi,
學費當然要double.一個二千幾.
我已放棄幫bb戒片,因為工人跟本無時間&能力.唯有寄望學校.

stephanie0050

MIMI :
哦, 咁你女女即係2歲9個月才正式返學?都好D..大個D起碼識講多D野呀!!我問了樂緻幼兒園了, 說想BB足2歲即刻比佢返學囉..佢地話寫左, 到11月招生時會通知我, 可能睇下多唔多學生啦, 如果有位可能會比我的BB返掛..

yiu_mimi

Stephanie,

唔係呀, 我囡囡5月出生, oh, sorry, 我o係佢1歲9個月度幫佢報名的, 我諗佢係"中B" 卦, 唔大唔細 咁       

我奶奶講到我好似虐待阿女咁呀, 話: 佢得嗰2歲, 驚佢返學比人蝦, 唔肯食, 唔肯瞓wor, 你要佢返學返半日咪得lor 咁wor, 我心諗: 你又唔係佢, 你點知佢唔鍾意番學姐?? 可能到時佢太開心番到唔願番屋企呢??

我囡囡現家戒緊片片, 希望佢番學前戒到喇

    

Sukdukfuk

入學前需要自己帶小朋友到診所作身體檢查,(一張form俾醫生填寫).又無話要驗尿.我仔都未介片,不過日頭嘗試不著尿片.

你地有無睇昨晚電視.千禧bb,講小朋友返幼稚園.有提及家長應抱什麼態度.

6條問題, 我好多都答錯.
http://www.bbc.co.uk/apps/ifl/parenting/quizengine/coot1_quiz/quizengine?quiz=coot1_quiz&TemplateStyle=coot1_quiz&platform=pc-internet

Maggie3493 寫道:
sukdukfuk,
我買了校服書包,床墊,被.每個bb一套.因為學校說普通校服和體育衫隔日著,我想應可洗得及,否則也可燙乾.外套無買,因我bb有類似外套.到時要預備一對專for學校著的鞋,每星期床墊,被和鞋會帶回家清洗.

我想問入學前是否要驗身?我bb學校要驗尿,但bb仍用片,不知怎樣取他們的尿

paiwai

Sukdukfuk

RE: 你地有無睇昨晚電視.千禧bb,講小朋友返幼稚園.有提及家長應抱什麼態度.

(係咪琴日果集呀...我無錄度呀... 無得睇tim~~)

stephanie0050

mimi :
我就係好似你奶奶咁擔心囉, 怕亞仔返到去食野好慢, 又唔肯訓..等等的問題呀!!始終2歲都係好細..我依家都幫緊仔仔介片, 希望佢2歲時識得講或表達自己要去尿/屎啦!如果唔係就攪到果到d亞姐喇!!

ss1008

其實真係唔洗太擔心，d老師一定有方法！     

yiu_mimi

Sukdukfuk,

我琴晚miss 左呀, 6條問題啱得1半咋

   [quote]
Sukdukfuk 寫道:
入學前需要自己帶小朋友到診所作身體檢查,(一張form俾醫生填寫).又無話要驗尿.我仔都未介片,不過日頭嘗試不著尿片.

你地有無睇昨晚電視.千禧bb,講小朋友返幼稚園.有提及家長應抱什麼態度.

6條問題, 我好多都答錯.
http://www.bbc.co.uk/apps/ifl/parenting/quizengine/coot1_quiz/quizengine?quiz=coot1_quiz&TemplateStyle=coot1_quiz&platform=pc-internet

yiu_mimi

唔使咁worry la... 衍衍媽咪, 你咁後生適應能力好強嫁嘛, 我諗你囝囝適應能力都好強嫁, 比d 信心佢啦

    

piyo

Hello!
我仔仔明天,第一日返學,我心情都很緊張,又檐心.
仔仔7月1日出生,剛足兩歲.
第一天返學,要返工三小時,上午九時至十二時,可以着學習褲.
返兩天三小畤,再返兩天五小畤,就返全日(上午九畤至下午四畤半)  

paiwai

hi piyo,

    你仔仔明天就番學喇~我諗做媽咪仲緊張過小朋友...希望明天你仔仔可以順順利利開開心心....等你都放心D...明天有咩感覺都入來分享下呀~~
    你仔仔間學校都幾快WOR...3日3小時,2日5小時..之後就返全日 (唔知我個仔果間係咪呢..等我星期一去問下先..如果都係...咪好快返日全日~~)

piyo

hi paiwai,
今天仔仔返學很顺利,仲無咸呀!真係好開心
上早8:45返到學校,一入學校老師就拖着他,話帶他去玩車車,叫佢同我講再見,佢同我講再見,就跟老師入去了.
到了中午12:00,我去接他,老師係課室帶他出來,佢見到我,仲拉我再入課室玩.
老師會同我講返,仔仔這三個鍾情况,初初有跟老師玩,過一段畤間就想找媽媽,但係無咸!老師再分散他注意力,和他玩其他東西,就過了三小畤.再會說他吃了什麽早餐,什麽午餐,吃了多少.
我真係開心到不得了!!

paiwai

PIYO,

   係呀..無喊呀...叻仔WOR.....咁即係佢都幾鍾意喇...因為新鮮...感..對佢地來講都好緊要~~~
   之前今年3月我個仔返遊玩班2個鐘..都係無得比我跟住佢自己返..頭3日都無喊過...不過過左3日又加埋SAT,SUN..之後MON返就有D喊喇~~因為佢無咁新鮮喇~~~(希望你仔仔唔會喇)不過返多左幾日4-5日到..佢TOTAL返左10日到就完全習慣晒...好願意返去學校度搵老師喇
    我都好希望我個仔8月返學...都好似返遊玩班咁好快習慣....
   你見佢今日返得咁開心...我諗佢都好易適應...等你好消息~~

paiwai

PIYO,
   我個仔果間8/4開始返學: 頭2日1hr(媽咪陪),2日2hrs,2日3個hrs,2日3.5hrs,2日5.5hrs,2日6.5hrs,之後正常8:30-4:30全日...要由8/4開始至8/22先可以晒全日呀~~   進度比你個仔果間好似慢好多wor... 不過希望仔仔都可以慢慢配合到~~
  你仔仔呢幾日返成點呀~~

Sukdukfuk

我個仔3/8開始返學.
你地果間幼兒園近唔近屋企?邊個湊返學放學?

piyo

paiwai,
今天返學,仔仔终於哭了,老師說,我走了之後就沒有哭,照樣玩.
我仔仔返了四天三小畤,(沒有陪的)可以簡陪或不陪.
老師說,明天返多兩小畤,看他情况如何!
我覺得唔陪他比較好,等佢唔好以為,返學媽咪都可一起,第一天陪,第二天走,小朋友唔會明白,第一天可以一齊返,第二天又唔可以.園內的老師,都唔讚成,妈咪陪在一起.

paiwai

piyo,
   若果有得揀陪唔陪...我諗我都會揀唔陪....好似你咁講陪左...佢就成日都諗住mummy陪...免佢失望..唔陪好d 過多幾日佢習慣左..就唔會哭架喇~~~~我覺得小朋友喊其實祇係忍唔到果一刻同你分開o既感覺...佢地好快就可以習慣到~~~~

hay_damian

各位好，

我呀仔將會在10/08開學，好驚佢唔制架，因之前試過返playgroup唔陪佢，佢支持咗20min就喊住揾我(唔收聲果隻)。

各位有何對策？！     

paiwai

hay_damian,
    我覺得...你早d去學校門口...同d同學仔&其他媽咪傾計講下笑....同佢同d小朋友玩下say hi...(等佢見你同d同學仔都可以傾計玩架wor...比佢睇下你都可以同d小朋友玩得好開心wor..咁)之後先同佢入課室...跟住同佢講...媽咪係門口等你下...一陣見...*你可以一試之前我個仔返遊玩班我都係咁o乍~ :