把握自行收生機會 按能力報心儀中學

elbar

升中「自行分配學位」已經展開，家長可通過兩個選校機會，為子女選擇心儀中學。


　　昨天是二〇一八年的第一個上學日，Elsie先跟各位說聲新年快樂，祝大家今年勝舊年。聖誕及新年假期完結後，亦是下學年官津中學升中「自行分配學位」的申請時間。由即日至本月十七日，子女就讀小六的家長，可以到全港任何兩所有參加派位的中學遞交申請表。凡參加自行分配學位的官津中學，可有最多三成的中一學額作自行收生，其餘的學額則有六成半給予統一派位，剩餘的學位則留給重讀生；至於參與派位的直資中學，則可有多於三成的自行收生學額，結果將於今年七月十日公布。

　　中學經歷多年適齡學童人口下跌後，現時人數已開始回升。教育局早前表示，截至去年十一月，參加本年度中一派位的小六生，約有五萬零三百人，較上年度增加三千一百人，換言之，今年升中派位的競爭，會比往年激烈；部分地區，例如北區和大埔有擴班的情況，家長為子女選校時應特別留意。

　　就今年的選校形勢，Elsie也問過多位校長，普遍都認為家長選校時，應根據子女的能力和性向，並善用「自行分配學位」兩個選校機會。香港中學校長會主席兼嗇色園主辦可譽中學暨可譽小學校長李雪英表示，今年中學的中一學額跟學生人數相近，估計剩餘學額數目不會很大，建議今年家長選校時要更加務實，因應子女的特性、能力和專長來選校。

　　在「自行分配學位」階段，家長有兩個選校機會，過去幾年中學適齡學童人口下跌，中一學位過剩，有部分升學專家會教家長，如果真的非常心儀某所學校，可以在「自行分配學位」只選一所學校，即使在該階段未能獲心儀學校取錄，仍可以在「統一派位」階段，通過電腦派位，再博取多一個選校機會，避免派去「自行分配學位」的第二選擇。

　　不過，在今年升中學生人數增加的情況下，在「自行分配學位」只選一所學校，無疑太冒險。李校長認為，在一般情況下，家長在這個階段的兩個選校選擇，可以是「一所略為諗高少少，另一所則要腳踏實地」；然而，如果子女屬於尖子，家長明白子女的能力可及某些學校水平的話，也可因應他們的能力選校，毋須刻意調低子女的水平選擇。

　　「家長選校時，要知道學校的發展方向，是否跟子女配合，例如學校的音樂、體育發展得很好，而子女又有才能就可以考慮；相反，有些學校非常注重學術水平，較少發展課外活動，家長就要考慮是否適合子女。」李校長說家長通過口碑、學校網頁等，都可了解學校的發展方向。

　　Elsie亦問過香港津貼中學議會主席兼基督教宣道會宣基中學校長潘淑嫻，她說雖然中學適齡學童人口回升，但各區學童人口增加情況不同，現時已知北區及大埔需要擴班，兩區的中一學額將增加，當中包括全開英文班的中學，所以如果子女能力配合學校水平的話，兩區家長選校時也可較進取；至於其他地區的家長，同樣可因應區情選校，但最重要的，是以子女的能力和興趣為本選校。

　　在「自行分配學位」階段，絕大部分學校都需要面試，Elsie曾跟不少校長傾過，知道學校面試的原因，除了是核對申請人的資料外，也是想了解申請人的語文能力、學習態度、與人相處的態度等因素，是否適合在該校就讀，也想了解申請人的潛能，是否可以配合學校發展等，所以學校也很希望學生以真誠態度參與面試，不要說謊或誇大自己的能力，表現自己最真的一面。

　　不過，面試表現始終有一定分數，完全空槍上陣，也顯得對學校和自己的不尊重，所以基本的面試準備仍然需要有。李校長說，基本的面試準備，最起碼要了解所申請的學校特色、背景認知等。「學校亦會期望申請人，認識所報讀的學校和特色，其他方面則毋須特別準備。」

　　距離截止交表時間尚有兩個星期，Elsie也提醒家長要多搜集資料及比較，交表前要掌握學校的收生準則，看子女是否達基本要求，否則隨時連面見的機會也沒有。此外，部分受家長歡迎的學校，在「叩門」階段會要求申請人在「自行分配學位」及「統一派位」的第一志願選擇該校，才有面試機會。所以家長選校時，應作多方面考慮，審慎選擇，才可為子女選到理想的中學。

王家爸爸

elbar 發表於 18-1-3 10:02
升中「自行分配學位」已經展開，家長可通過兩個選校機會，為子女選擇心儀中學。

按小朋友既能力報心儀中學其實好重要，不過好多家長都唔太聽，鍾意報自己小朋友能力不及既學校。

妹妹頭

回覆 王家爸爸 的帖子

但如果小朋友唔係果個BANDING, 照理中學都唔會收佢啦

王家爸爸

妹妹頭 發表於 18-1-3 10:35
回覆 王家爸爸 的帖子

但如果小朋友唔係果個BANDING, 照理中學都唔會收佢啦

可能係大抽獎時，B1C尾學生入B1A學校。

熱媽

回覆 妹妹頭 的帖子

所以有可能係浪費自行機會！

妹妹頭

回覆 王家爸爸 的帖子

但大抽獎時, 都唔到我地家長去揀啦, 一切都係靠運氣, 所以自行2間, 真係要諗清楚, 小朋友入到都要應付得到, 至好揀

Hellomimi112

王家爸爸 發表於 18-1-3 10:36
可能係大抽獎時，B1C尾學生入B1A學校。

我相信有家長認為B1C入到B1A，實在太好了，有非士，入到去小朋友墊底，到時再算。

妹妹頭

回覆 Hellomimi112 的帖子

到時再算 <===== 補習, 私補, 不停補補補

mytambb

王家爸爸 發表於 18-1-3 10:29
按小朋友既能力報心儀中學其實好重要，不過好多家長都唔太聽，鍾意報自己小朋友能力不及既學校。 ...

感覺呢幾年家長很搏，所以學生壓力越來越大。

王家爸爸

Hellomimi112 發表於 18-1-3 10:45
我相信有家長認為B1C入到B1A，實在太好了，有非士，入到去小朋友墊底，到時再算。
...

喺香港既教育制度底下，家長死要面子，小朋友活受罪既例子年年重演。當年有升中試，錯配既機會細；之後有5個 bands，錯配既機會大咗；現在3個 bands，錯配基本上係常態，不幸事件一定會發生。

Hellomimi112

王家爸爸 發表於 18-1-3 10:36
可能係大抽獎時，B1C尾學生入B1A學校。

我相信有家長認為B1C入到B1A，實在太好了，有非士，入到去小朋友墊底，到時再算。

angiehouse

Hellomimi112 發表於 18-1-3 10:45
我相信有家長認為B1C入到B1A，實在太好了，有非士，入到去小朋友墊底，到時再算。
...

其實都系一份虛榮心，band1頭中下個批，去到band1BC好有可能系中遊甚至以上，最後条路都系入大學，所以要考慮小朋友洗吾洗六年追成績先好考慮band1頭，如果系就小左好多時間去發展興趣活動

Junjun7

王家爸爸 發表於 18-1-3 10:29
按小朋友既能力報心儀中學其實好重要，不過好多家長都唔太聽，鍾意報自己小朋友能力不及既學校。 ...

大人咁講我又擔心，如果我女係普通官小考最前，佢如去到好top的中學唔知應付得到嗎？如果真係墊底我又唔想 中中都可以接受 .

大件仔

我覺得最煩係小孩不穩定, 有時佢專心些, 可以考到B1成績, 有時又會HEA住考, 趺去B2佢又唔介意, 身為家長, 我只想搵一間能發掘佢專長, 令佢有興趣學習的學校, BAND幾多其實唔係好大問題, 最大問題係語言政策, 因為考慮將來會出國, 中中一定不是考慮之列, 奈何香港B1以下水平學校又絕大部分是中中, 攪到現在除了直資, 我都唔知自行可以選擇什麼學校

mcl203

Junjun7 發表於 18-1-3 11:07
大人咁講我又擔心，如果我女係普通官小考最前，佢如去到好top的中學唔知應付得到嗎？如果真係墊底我又唔想  ...

用我個人小小觀察...引用我小朋友舊校同學做例子
我並唔同意成績1C-2B成績入讀1A中學會讀唔掂
中學學科近乎洗牌再黎過...只要學生學習態度正確係問題不大
墊底與否係個人心態問題...1A中學都有排尾學生

1A既直屬中學一樣有B2原校生...咪一樣有~80%入U率
呢樣都可以引證1C-2B生是否唔適合1A中學

BTW...個人睇法啫...有別於EK主流意見...中學仲有6年...係有變數既~~~

王家爸爸

Junjun7 發表於 18-1-3 11:07
大人咁講我又擔心，如果我女係普通官小考最前，佢如去到好top的中學唔知應付得到嗎？如果真係墊底我又唔想  ...

即使係普通官小，如果考前幾名，都唔差。去到好top既中學都未至於墊底，亦都唔需要諗中中。

章太郎

mcl203 發表於 18-1-3 11:53
用我個人小小觀察...引用我小朋友舊校同學做例子
我並唔同意成績1C-2B成績入讀1A中學會讀唔掂
中學學科近乎 ...

(emoji)

王家爸爸

章太郎 發表於 18-1-3 12:52
有家長會覺得小朋友未開竅，未盡全力，希望小朋友入到1A校，近朱者赤，學校的學習氣氛可以帶動小朋友。

...

其實小朋友開竅未，盡咗幾多力，盡責任既家長一定知道。只係有啲家長會覺得面子問題，放唔低。
入到1A校，近朱者赤，更加係神話。係香港既三級制底下，間間學校都有啲差既學生，如果係墨既，只會物以類聚，變得更黑。返而去間啱BANDING既學校，墨中尋朱，更加容易，近朱者赤既機會更高。

Anniemun

章太郎 發表於 18-1-3 12:52
有家長會覺得小朋友未開竅，未盡全力，希望小朋友入到1A校，近朱者赤，學校的學習氣氛可以帶動小朋友。

...

其實1a校或其他banding 學校大部分都是按能力分班的，所以近朱者赤是存在，不過真係睇番分入邊班。

王家爸爸

Anniemun 發表於 18-1-3 13:09
其實1a校或其他banding 學校大部分都是按能力分班的，所以近朱者赤是存在，不過真係睇番分入邊班。 ...

按能力分班既結果係，想近朱者赤，小朋友首先需要係「朱」。