也談中文閱讀的重要性

yesthomas

香港家長一般很重視子女英文的培育，譬如從小便讓孩子看那一套要幾萬元的迪士尼美語......千方百計營造英文語境。

我，卻走冷門路線，先攻普通話（從小不停地播放普通話兒歌、寓言故事等），期盼達一石二鳥之功。（培養普通話語感之餘，順便攻克小學中文科）

此外，零中文補充練習，賦予圖書館自由閱讀的權利。（漫畫、小說、科學、名人傳記......任君選擇）

yesthomas

結果：

發現孩子如預期般培養出普通話語感，以廣東話為母語而無聘請普通話老師輔導的前提下，普通話已達 near native水平。

中文閱讀方面，培養出極濃厚的閱讀興趣，初始會喜歡看老夫子成語，慢慢地便自動選多文字的小說，譬如馬翠蘿的創意作品。完全自動波無需催促，一天消化一本馬翠蘿小說的速度。

中文寫作，自小三、四起，突然懂得活用很多好詞好句，令文章水準逐漸提升。由於有普通話底，書面語運用零難度。再加上屬於理科邏輯思維，寫議論文更是得心應手，中文辯論也是如魚得水。

中文考試方面，尤其閱讀部份每每都是高分收成，中文總分級前列位置。（從不做補充練習或操卷）

英文方面，基本無閱讀英文書籍的興趣，但考試九十幾分無問題，當然英文詞彙量與中文大相徑庭。計劃中學階段會在英中追趕稍微落後的英文程度。

b3410

喜歡中文閱讀好好，不過小朋友越來越大，如果中英文方面有落差，會比較難追到落後的一邊。
我的目標係小朋友無論中英文，繁简体，只要係書，就可以睇落去。

skkeung

yesthomas 發表於 17-12-30 01:17
結果：

發現孩子如預期般培養出普通話語感，以廣東話為母語而無聘請普通話老師輔導的前提下，普通話已達 n ...

近似的方法！

MrBeast

b3410 發表於 17-12-30 19:39
喜歡中文閱讀好好，不過小朋友越來越大，如果中英文方面有落差，會比較難追到落後的一邊。
我的目標係小朋 ...

我們看大陸劇，org pth sound track + 硬食簡體字幕，睇睇下就gwan，不過中文成績not something to write home abt.
作文方面好似今年（小五）用多左詞彙，不過好多唔識寫。我們小一才開始認真中文閱讀，比樓主慢兩三年也算acceptable（自我安慰中）

jaycee_mami

樓主的囡囡幾大呀？  如果小五六無做補充練習都可以取得高分， 好叻呀！

yesthomas

b3410 發表於 17-12-30 19:39
喜歡中文閱讀好好，不過小朋友越來越大，如果中英文方面有落差，會比較難追到落後的一邊。
我的目標係小朋 ...

英文考試次次都9x，但詞彙量明顯不足，但應付考試無問題。

當然明白英文的重要，英中六年主力加強英文。

yesthomas

jaycee_mami 發表於 18-1-1 10:37
樓主的囡囡幾大呀？  如果小五六無做補充練習都可以取得高分， 好叻呀！
...

以我所知，成績好的一班同學當中，我女是唯一無補充練習。

bobo_2014

我的做法跟樓主相近, 從小播兒歌, 看故事, 但我是英語和普通話都做, 結果雙語都學得不錯, 很多小朋友能同時學多過一種語言, 不必側重某一邊, 當然也要看小朋友的能力, 有的連母語都說不清, 那不必強逼學其它的, 始終都是母語最重要

assado

英文要時間浸, 落後了好難追, 反而普通話可以短時間追到, 我意見, 中, 英, 普三語小時候学好。

little_yolky

yesthomas 發表於 18-1-1 16:52
英文考試次次都9x，但詞彙量明顯不足，但應付考試無問題。

當然明白英文的重要，英中六年主力加強英文。

如果你唔係打手既話, 真係唔好等中學了。小學考試小朋友只要小心, 就可以攞高分了, 但最大問題係個語感！阿女同你阿女情況一樣, 不過佢乖, 我要求佢都會睇英文書, 但同睇中文書既水平已經拉到馬拉松起點同終點咁遠。上到中學, 多嘢兼顧咗, 程度又同中文差得遠, 深既書睇唔明, 淺既書唔想睇, 聽講又無咁好, 大個咗好難學到native咁, 只能學得好, 好難學得好好。還是勸你, 早一日開工追就早一日吧。

little_yolky

jaycee_mami 發表於 18-1-1 10:37
樓主的囡囡幾大呀？  如果小五六無做補充練習都可以取得高分， 好叻呀！
...

其實小學生, 多閱讀, 小心做卷, 無補充練習取高分是不難的。小學生既死穴主要係唔小心。

assado

上到中學, 好的語文能力在各科都有優勢, 大部份科目都是英文。另外, 聽, 講能力都重要, 好口音都不容忽視。

leafun

我想法和樓主相近，兩個女自小都係培養中文閱讀興趣先，英文都有，但無中文睇得咁勁。原因係因為我覺得中文博大精深，要有一定根底，上到高中先跟得上。

我兩個女同學仔多數係英文書迷，三年級已經睇harry potter，英文係超班。但正正因為英文太勁，唔肯睇中文書，而家學成語﹑睇古詩文已經覺得有困難。反而，我兩個女係中文書迷，衞斯理﹑東野圭吾﹑林夕﹑孤泣乜都睇一餐，中文真係唔洗點搞都已經有中上成績。英文雖然有偏差，但無佢同學仔追中文咁辛苦。

大女中一，佢話佢好多同學小六有讀過文言文，但真係睇完唔明，因為平日唔睇書。而佢，因為平日有睇書，就算唔係古文，都有一定語感去估其中意思。

leafun

講多少少，我大女就算睇中文書睇得快過英文書好多，佢總叫肯睇英文書。我無要求佢睇啲好深既英文書，Ronad Dahl, Jacqueline Wilson有睇過我就收貨。佢上到中一啲英文都暫時都夠用。

細女(三年級)英文唔肯睇chapter book，但會睇ORT，暫時我會由佢睇ORT，因為我覺得ORT上到高level的都有詞彙學到，而亦都keep住佢有睇英文書，唔會偏差太多。

eviepa

樓主肯定是個很有獨立思考能力，不會人云亦云的人。做他的孩子會很幸福。

iababy

yesthomas 發表於 17-12-30 01:17
結果：

發現孩子如預期般培養出普通話語感，以廣東話為母語而無聘請普通話老師輔導的前提下，普通話已達 n ...

請問係唔係要先教小朋友認字，認到一定數量，小朋友先可以/肯自己睇？幾大要開始認？我小孩3歲，對認字冇咩興趣，但伴讀可以坐定定。驚勉強佢認字有反效果，但繼續唔肯認字，又冇可能佢自己睇書。有冇人可以分享下可以點做？thank you.

assado

little_yolky 發表於 18-1-5 13:36
如果你唔係打手既話, 真係唔好等中學了。小學考試小朋友只要小心, 就可以攞高分了, 但最大問題係個語感！阿 ...

係呀, 如果要英語做到Native, 一定是小時候有好老師教導, 吾好等到中學。

1998Ruby1998

回覆 iababy 的帖子

可以同佢玩遊戲。配對卡、接龍、啤牌玩法（幾個同一個部首／筆劃數量一樣嘅字可以消除）係好花心機但係細路會鍾意玩同樂意認字。仲可以玩「猜猜物件」，寫一句例如「這件東西很大的，有四隻腿，有一塊大大的臉」，佢讀到先可以同你玩。

shirley2014

yesthomas 發表於 17-12-30 01:17
結果：

發現孩子如預期般培養出普通話語感，以廣東話為母語而無聘請普通話老師輔導的前提下，普通話已達 n ...

咁平時同你女以普通話溝通定廣東話？還有三字經或唐詩需要解釋其內容令佢明白才再學新內容嗎？有沒有睇作文書？我女英文又吾係叻，但中文還差D，平時佢講嘅內容或寫嘅嘢都應該欠詞匯量…講話表達不清，或詞不達意，佢今年已小一，除大量閲讀外睇有乜方法幫佢