家長需要抽多少時間陪小學仔女學習？

gooseho

大家好，考慮到以後仔女升小學，父母需要陪溫習同檢查功課，請問各位每日抽幾多時間陪太子讀書？具體安排系點架？因現時工作忙碌，考慮是否需要轉清閒的工作配合小朋友升小！

babywoman

我仔小一要適應，所以感覺上小一時會比較忙。最輕鬆係小三四，佢的功課我唔睇，有時手冊都忘記簽名，現小五又開始要緊張，為呈分做準備，考試前一定會多咗時間睇佢有邊啲唔明。
還有每間學校成績表模式計法唔同。我地校一年兩考，其它測驗不入成績表，所以，過去四年，我同仔基本上係一年忙考試前嘅時間其它時間我仔就----潮州音樂

可以先睇佢一年班搞唔搞得掂，再計劃是否轉工。我自己，仔小一開始我就返半日的。因冇人接放學，我又唔想讓佢去補習社。

JC_mami

回覆 gooseho 的帖子

一星期少於一小時，對功課執書包，返小一第二個月已經自己攪掂，上小二我送左部錄音筆佢溫黙書，間中測驗會幫忙溫下，
陪練樂器的時間可能仲多。

Yanamami

从來唔对功課，自己搞掂執埋書包~係考試前两个周末等佢温好書问佢書~~

brother4

點解要檢查功課／伴考？應該是否要佢自動波才重中之重？

1998Ruby1998

要睇你小朋友間學校是否谷、資質，有冇中學聯繫、直屬、一條龍。如果有的話，可以輕鬆 d。

教過好多個小朋友，佢地父母大多都忙碌工作，有部份小朋友真係完全冇自律唔會自動自覺做功課溫書，暑期功課得果幾頁都要人三催四請，成績又唔係好跟得上，所以唯有外判。

睇定 d 先，如果小一上學期成績出黎都考到中間，就放手。檢查功課就唔需要，極其量只需知道佢做齊，對錯由佢同老師處理。週末睇下佢大概學左咩，要佢簡單講返一次（等你知道佢上堂冇游雲，總算跟得上）。

gooseho

我朋友case係，每天都設立1小時閱讀課外書時間，全家人都關電視，一起閱讀，連菲傭都要閱讀

0030

只負責簽名～功課不懂就問，書包自己收拾～

leafun

其實我覺得未小學之前，趁功課量未太多時，訓練小朋友放學後就已經做好功課。當佢幼稚園已經習慣唔拖到家長回家先做功課，上小學家長已經輕鬆一半。

小朋友有無閱讀習慣？如果未有，每日/隔日抽時間伴讀，五分鐘好半個鐘也好，最終希望小朋友自己會搵書睇，呢個對打好語文基礎好重要。

對功課我只會對佢有無做齊(而家已經進化到簽名就算)，一定唔會對佢有無做錯，否則老師唔會知佢明幾多有幾多唔識。

notcool

回覆 gooseho 的帖子

最重要是知道他在學業,學校上有什麼需要幫忙.陪的目的是幫他學會

Olympian

gooseho 發表於 17-12-28 14:12
大家好，考慮到以後仔女升小學，父母需要陪溫習同檢查功課，請問各位每日抽幾多時間陪太子讀書？具體安排系 ...

我小朋友小三，咁多年來，我只認識過兩個朋友的小朋友會自動自覺放學做功課，而且又做得快。至於考試會自己溫習的，我一個都沒有認識過。

Olympian

Olympian 發表於 17-12-30 10:31
我小朋友小三，咁多年來，我只認識過兩個朋友的小朋友會自動自覺放學做功課，而且又做得快。至於考試會自 ...

默書如果溫一次就識默的，可放手佢自己溫。如果要溫幾天才溫得好的，都唔好諗放手了。

bobbob

Olympian 發表於 17-12-30 10:31
我小朋友小三，咁多年來，我只認識過兩個朋友的小朋友會自動自覺放學做功課，而且又做得快。至於考試會自 ...

我仔有唔少同學考試自己溫書，多數係女仔，雖然我仔仲要人篤住先肯溫。功課唔算完全自動自覺，但叫一聲都會自己去做。

Olympian

Olympian 發表於 17-12-30 10:41
默書如果溫一次就識默的，可放手佢自己溫。如果要溫幾天才溫得好的，都唔好諗放手了。
...

功課方面，如果幼稚園已有自己完成功課的習慣，那小學抄書抄詞語，理當自己能完成。如果識字唔夠多，數學又唔係全部明白。咁做工作紙或作業，你都幫佢讀下題目先識做。數學文字題可能又要教下佢。叻嘅，可以自己搞掂。唔叻嘅，預45分鐘教下佢。唔叻又唔會合作，預左全程陪。

asweetmom

升小已經要轉清閑的工作，升中豈不是要辭職？

1998Ruby1998

回覆 asweetmom 的帖子

所以咪要睇埋資質、性格，同埋間學校谷唔谷，平日測驗功課等計唔計分，比重幾多。
有 d 小朋友真係本身資質麻麻，上堂又唔係 100％ 聽書，返到屋企功課又唔識做，容易扭計冇耐心，簡單如背默搞一星期都唔過 80 分（我以前小學好多呢類同學，好陰公，就算有去補習社都唔高分，成日畀老師鬧）。讀龍校／直屬就話可以考慮放手唔理，如果係其他就真係「祝你好運」。我親戚同你一樣有三個，十幾年前大女讀 GH、二女讀 MCS、細仔讀 LS。三個都唔係特別聰明，二女已經係最醒目唔洗阿媽幫咁多，個阿媽都搞唔掂要辭職，好彩 3 個都入返中學部。你女女讀得掂又有鬥心有目標，自然唔洗你煩。

MrBeast

因人而異

Jane1983

一般情况，你話要突登為小朋友升小學，自己去轉份輕鬆工，係無需要。但如果家庭經濟許可，你又想比多d時間佢，why not？

asweetmom

1998Ruby1998 發表於 17-12-31 09:17
回覆 asweetmom 的帖子

所以咪要睇埋資質、性格，同埋間學校谷唔谷，平日測驗功課等計唔計分，比重幾多。

我女兒是最近數月基因突變，如果她一上小一就這樣我才真是省心省錢。

1998Ruby1998

asweetmom 發表於 18-1-1 16:09
我女兒是最近數月基因突變，如果她一上小一就這樣我才真是省心省錢。
...

有變總好過唔變。隔離班媽媽係到話仔女高中都仲懶懶散散，唔知死，話唔求考得好，只求肯溫下書求合格。