有工人姐姐，是否應選半日不讀全日？

pandakeung

小朋友大B, 但平日食飯要人餵，走黎走去坐唔定，唔肯洗手刷牙。因此想佢返全日，硬性學習自理能力。但爬文有不少稱全日多三個鐘，訓覺都冇一半，起身玩一陣就放學，同時返全日好易病，被铺不乾淨等....

加上一返全日 8-5, 工人姐姐便好得閒嘆世界。

但又想小朋友自律，唔想佢變大少爺咁，真係好矛盾！

超級奶爸爸

咁咪炒左個姐姐囉

wcm991101

pandakeung 發表於 17-12-23 09:00
小朋友大B, 但平日食飯要人餵，走黎走去坐唔定，唔肯洗手刷牙。因此想佢返全日，硬性學習自理能力。但爬文 ...

返全日制真係非常好架，我女2歲開始返，返左2個月已經自己自動除鞋穿鞋，刷牙，吃飯，飲湯，汁書包，除褲穿褲，所以k1我都要佢繼續讀全日幼稚園，佢每日都好開心，成日話要返學，1日吃4餐係學校又有老師睇住完全唔駛擔心佢有意外，又唔駛諗野比佢玩

RadarBoy

pandakeung 發表於 17-12-23 09:00
小朋友大B, 但平日食飯要人餵，走黎走去坐唔定，唔肯洗手刷牙。因此想佢返全日，硬性學習自理能力。但爬文 ...

有時小朋友要迫下，係一個環境，其他小朋友都做，佢就會跟住一齊做，姐姐唔會迫小朋友自理。況且姐姐服待小主人時間少左，佢可以服待大主人多D，間屋清潔多D。。。。。

DengCK

RadarBoy 發表於 17-12-23 10:44
有時小朋友要迫下，係一個環境，其他小朋友都做，佢就會跟住一齊做，姐姐唔會迫小朋友自理。況且姐姐服待 ...

姐姐玩電話時間多好多就真

chrisycy

pandakeung 發表於 17-12-23 09:00
小朋友大B, 但平日食飯要人餵，走黎走去坐唔定，唔肯洗手刷牙。因此想佢返全日，硬性學習自理能力。但爬文 ...

梗係全日啦，阿仔學識自理是無價！睇你覺得姐姐無嘢做重要啲定阿仔重要啲。

monodad

睇下邊間全日，邊間半日先決定

木同mom

chrisycy 發表於 17-12-23 11:13
梗係全日啦，阿仔學識自理是無價！睇你覺得姐姐無嘢做重要啲定阿仔重要啲。
...

我朋友遇過極衰工人搞到個仔有心理疾病，日日同朋友吹水擺係秋千度蕩，水都唔比飲，係鄰居講比佢知。

lollylolly

全日好，學自理同紀律無價，除非你或姐姐好識教，我有姐姐都比咗小朋友返全日，可以過群體生活

jimjimjim

睇下邊間全日校姐
有些做得超好

我仔在家一直餵 不過在學校佢自己食仲會添食的
自理也好醒目
佢學校不是下午只是瞓加玩的
我知道左番學時間表先揀

hkgra

我都有工人姐姐，但都揀番全日班
之前阿仔係屋企又係成個大少爺甘
就算姐姐有心教，但始終唔係父母，快手快腳幫佢攪點仲好
老師始終專業
我個仔返n班全日，自理真係有進步

impriscilla

我有工人 我仔超多壞習慣 所以 我唔會比佢留屋企咁耐 返全日班係為個仔好 所以唔會諗係米益左姐姐

sarawa

我仔仔之前番過全日之後轉番半日，因為佢係一個唔鐘意食野既小朋友，佢番左全日後瘦左，因為老師唔會迫佢食，佢停就會停，訓又唔係訓得好，因為會有其他小朋友噪住，又唔係訓得多，得個一個多小時，訓唔夠又會發脾氣，依家轉番半日，就肥番，又訓多左，所以真係好睇每一個小朋友

wcyjessica

其實我去過5，6間全日學卷幼稚園面試同問老師學校情況，你會發現全日制既學校，下午其實只係托兒，我又唔覺得有咩特別多左既課程係訓練自理，要教既野都係半日教晒，番半日既小朋友都學到。下午食個飯，訓下午覺，無訓既小朋友向兒童房玩玩具，想食多餐仲可以加多少少錢，而且學位特別少，學校同我講有1半位係留比有社工介紹既家庭優先入讀的。
私校全日會好少少，多左語境配套，但佢但個價錢貴過你讀名幼。同埋就算私校全日，佢既課程同升小配套又唔見得特別出色。

我覺得全日係可以令小朋友少左接觸工人姐姐，但犧牲左可以選擇更好配套既半日制幼稚園。

我明白見到姐姐當個小朋友係公主王子個種痛既，因為我都有咁既情況，我個姐姐搞笑到沖厠都幫我個仔沖埋。我唯有勁嚴咁叫佢Hand off. 每晚放工自己同佢沖涼，訓練佢自己拿衫著衫，自己去厠所要沖厠，仲要執好玩具先比訓。有次阿仔2歲唔肯執玩具，喊到11點幾都唔肯執，唯有同佢堅持，最後佢一件一件咁放番好，宜家就黎4歲，會叫細老一齊執玩具，當然我地係屋企先會，得姐姐向屋企時都係指意姐姐執。但其實同我地大人一樣，知道幾時要做好自己本份先。我地一齊加油啦。