面試對答如何反映小朋友能力

kbi

好多時聽到有人話，識答唒d問題都唔收，唔答既就收左，唔知學校點揀學生。最近我都諗下，可能大家太注重個答案，而忽略了過程中如何反映了小朋友既能力。例如，老師問，你今日食左咩早餐？小朋友可能答：
1）包包
2）麵包
3）提子包
4）我食左麵包
5）我今朝早餐食左麵包
6）我今朝早餐食左麵包，好好味。
7）我同媽咪一齊食麵包做早餐。

高下立見。純分享。

Erin2015

kbi 發表於 17-12-20 10:27
好多時聽到有人話，識答唒d問題都唔收，唔答既就收左，唔知學校點揀學生。最近我都諗下，可能大家太注重個 ...

有好多小朋友係識但唔肯講

SabrinaR

好多小朋友in果陣唔講野，一出門口變開籠雀。

ricky0223

你應該加多兩個選擇，唔識答同識答但唔回答。
我最近都有反省，點解有人咁多offer，有人無offer，相信家庭背景有影響，小朋友表現有影響，面試個老師都有影響。
但有個問題係，兩歲幾既小朋友你期望佢點叻？點樣可以好輕鬆面對面試？始終對佢來講陌生人，佢可能根本唔知發生緊咩事，但知同平時唔同。
去in一間，又要等，人又多，又嘈，有d地方仲好細，我自己都覺得唔太舒服，何況小朋友，而且今年出生率同龍年少左三萬個小朋友，一定有書讀。
In左9間令我感觸良多，有d學校安排好好，有d學校好差，面試既老師有d唔耐煩、趕時間、無表情等等，有d好有耐性引導，好有笑容，總的來講，我自己都覺得好辛苦好大壓力。
最後我諗緊，小朋友性格各有不同，兩歲幾正是麻煩時候，教育者唔係應該有教無類嗎？性格比較差無咁叻既就唔教？

tammtamm

眼緣，同overall impression, K1 面試講嘢叻d 係絕對有優勢。

Jennybearbear

kbi 發表於 17-12-20 10:27
好多時聽到有人話，識答唒d問題都唔收，唔答既就收左，唔知學校點揀學生。最近我都諗下，可能大家太注重個 ...

我小朋友超大B，講野叻，有用句子同老師對答，連waiting都冇，係rejected！真係老師先知準則
#純討論

Jennifercheung

Jennybearbear 發表於 17-12-20 13:03
我小朋友超大B，講野叻，有用句子同老師對答，連waiting都冇，係rejected！真係老師先知準則
#純討論
...

我仔四月b in 7間得2間waiting 我都好灰

edniebridge

其實真係好難講。

囡囡見過一間，佢剛瞓醒，有啲呆，都肯參與的，但那天表現不是非常標青，唔算好主動同多嘢講。諗住多數都無啦，因為嗰間學校都係收高端人口的但又好意外，第二次面見時校長說老師評她第一次面試好專注，認真，後來還有正取am offer。所以多言主動，又未必一定係有絕對優勢。

講到尾，都係人夾人同睇學校取向。有啲又主要收弟妹優先，所以難講。緣份遊戲！

bluejadeball

真心覺得呢個遊戲同見工無分別，永遠都唔知interview 嗰個人要咩。可能仲慘過見工嘅喺可以控制到嘅成分再細d。現有有兩個offer 加現時N班直上，算好好彩，但今次我見到嘅係小朋友嘅成長最緊要。

每個人都有自己條路要行，有自己座山要抓，我哋嘅小朋友都一樣，無必要迎合哂所有嘢。個個起步唔同，際遇不同，最緊要身心健康，家長都係。

佢今日答包包兩個字，過兩個月答到全句，已經值得開心，他們需要我們沿路為他們打氣。^_^共勉之。

DengCK

ricky0223 發表於 17-12-20 11:09
你應該加多兩個選擇，唔識答同識答但唔回答。
我最近都有反省，點解有人咁多offer，有人無offer，相信家庭 ...

如果要有教無類，就應該不分校網大抽獎，唔計背景分添

同埋係香港唔會有小朋友想讀書無得讀，政府都有學券提供，爭在學校是否家長心儀既唧。

人人都想入名幼神幼，人人都入到咩。位就係有限，想入的人就遠超位所有的數目，如果唔面試篩選，一係就全部報名者都好似聖誕派對咁搞個大抽獎。咁或者達到所講的「公平」

至於面試篩選標準點為之「公平」，又會引起另一個討論，人人所認為的不同。

yiyi222

Totally agree(emoji)(emoji)(emoji)
我仔細B但入到名龍幼，當時老師問佢咩顔色，佢話red之餘，仲指住枱面個蘋果：呢個蘋果都係red colour架...可能老師就會加分

lilywong2016

老師除左考語言能力，有時考埋小朋友嘅觀察力。
例如老師好普通咁指住一兩樣野，我女試過答bb banana,大蘋果....如果小朋友答到啲形容詞...老師好會buy的！（即使中英夾雜都好）

Eunice0203

我女慢熱型 面試無岀過聲 真系無準則 講眼緣 3間熱門學校都有2間收呀

lollylolly

Eunice0203 發表於 17-12-20 15:44
我女慢熱型 面試無岀過聲 真系無準則 講眼緣 3間熱門學校都有2間收呀

你女係咪好靚女？

manlingling

我仔去一間熱門幼稚園面試，當日老師問佢顏色（黃色），佢好冷靜咁講左句：我唔知道呢個咩色。就咁，得左。

其實果刻我都諗住實唔得，顏色都唔識分。但原來我都用左成年人眼光去望件事，其實兩歲人仔唔識好平常，反而點應對更加重要（我覺得）。

islychiang

manlingling 發表於 17-12-20 16:40
我仔去一間熱門幼稚園面試，當日老師問佢顏色（黃色），佢好冷靜咁講左句：我唔知道呢個咩色。就咁，得左。 ...

睇完笑咗,同我個仔好似,不過佢係刻意玩野所以答唔識,問番老師,咁係咩丫(一係古惑樣一係寸爆樣,只有第一間最正常似番個2歲樣),最後係5個OFFER 3WAITING,全名幼 (見咗10間1REJECT),可能老師種意啲寸掛

Eunice0203

lollylolly 發表於 17-12-20 16:26
你女係咪好靚女？

吾敢講好靚女所以我有offer都好surprise 因為表現奇差

manlingling

islychiang 發表於 17-12-20 17:46
睇完笑咗,同我個仔好似,不過佢係刻意玩野所以答唔識,問番老師,咁係咩丫(一係古惑樣一係寸爆樣,只有第一間最 ...

其實佢地真係講咩你係預唔到，我記得有一間個老師拎住個馬（好肉酸），我仔係咁話似長頸鹿，問足三次都話長頸鹿，我就話，佢平時見啲馬可愛啲（希望老師你唔好再迫佢認同你）

最好笑係佢地一離開，就突然識晒面試內容，返屋企係咁講

eating15

我有做幼稚園朋友話，佢地都好睇家長行為，有啲語言行為會估到家長性格，佢地都算服務性行業，未來3年都要面對家長，佢地妹怕啲麻麻煩煩家長！另外有啲學校要成日拍片做ptomote, 都會先揀靚仔靚女得得意意小朋友，所以係好多因素

islychiang

manlingling 發表於 17-12-20 18:37
其實佢地真係講咩你係預唔到，我記得有一間個老師拎住個馬（好肉酸），我仔係咁話似長頸鹿，問足三次都話 ...

我都係，有個老師攞住個五毫子大既綠色水果玩具問佢係咩，佢答pear,老師聽唔明再問佢再答，我心諗又細又樣衰我都未估到係咩,跟住老師真係唔知佢講咩望住我，我答pear,啤梨，老師先答，哦。。。不過係蘋果，我個仔聽到八字眉望住個老師，個樣係“唔係呀？!“