如從頭再選擇。。。

1998Ruby1998

回覆 siden 的帖子

十幾年前已經有「幼稚園分黨」，尤其讀一線女校，特別多 KV、SC，好似 Yolanda 間咁，有附幼。基本上一班 30 人，有 25 係呢 d 名牌幼稚園。（欸，突然發現以前冇咩人讀 York？）第一個星期返學，有 d 本身見過面，有 d 一聽係同一個校名就即刻組隊，我呢 d 就當然被排外。我間幼稚園都算有名氣多人識，但係唔及呢 d 「大集團」。
不過好彩我阿媽緊張大師，小一一開波就出盡力幫我溫書，所以分數高，先冇出現 d 「能力排擠」。有 d 同學長期分數低，通常佢地都係屋邨幼稚園出身然後大抽獎符籙入到。有人話「我係 保良局 XXX 幼稚園」，即刻畀同學笑「哇，個名咁似孤兒院！」。以前已經有呢種意識，依家十幾年後個個小朋友人細鬼大更加會咁。

YolandaTam

1998Ruby1998 發表於 17-12-21 00:29
回覆 siden 的帖子

十幾年前已經有「幼稚園分黨」，尤其讀一線女校，特別多 KV、SC，好似 Yolanda 間咁， ...

係呀 Ruby, 小女標籤點解淡化，就係因為
1）好多人要問佢IS 同電腦，抄佢 Geography 功課
2）佢今年嗰班有啲附小升上嘅，佢匿咗入去嗰堆人嗰度

asweetmom

後悔沒用，也不可能重新選擇，不如積極面對和努力改善。

Erin2015

asweetmom 發表於 17-12-21 06:41
後悔沒用，也不可能重新選擇，不如積極面對和努力改善。

因為我想聽聽前輩經歷

shadeslayer

Erin2015 發表於 17-12-21 09:06
因為我想聽聽前輩經歷

經驗五花八門，每位孩子也不同，愈聽咪愈亂。

little_yolky

YolandaTam 發表於 17-12-20 12:44
而家讀緊間中學嘅幼稚園，再同而家一樣入小學直升

好奇怪, 點解你女女有咁唔好既經歷, 你再選擇都仍然會揀佢?

Erin2015

shadeslayer 發表於 17-12-21 09:14
經驗五花八門，每位孩子也不同，愈聽咪愈亂。

其實我好想小朋友讀開心幼稚園和小學，中學就唔到我理了。但好多朋友都話可能會後悔

little_yolky

brother4 發表於 17-12-20 14:40
题外話，司馬懿話小敗就是勝，來是打仗，—心想赢的人，真的能赢到最後？打仗，先要識善敗，敗而不羞，敗而 ...

四哥, 你之前一直話係用25年青春讀16年既書喎, 到底係15年定16年?!

brother4

Erin2015 發表於 17-12-21 09:06
因為我想聽聽前輩經歷

好看家長選擇，朋友是海歸派在國際公司做，佢孩子選happy school,平時家庭樂／旅行相放facebook,

brother4

little_yolky 發表於 17-12-21 09:28
四哥, 你之前一直話係用25年青春讀16年既書喎, 到底係15年定16年?!

25年青春讀16年的書（會考）才真,thx

little_yolky

Erin2015 發表於 17-12-20 15:11
有沒讀左happy school 而家好後悔嘅總之當初谷下佢嘅
或者讀左谷校而家好後悔嘅總之當初揀間開心嘅？
...

做人一定要知道自己做緊乜, 想要D乜, 咁就唔會後悔。

我兩個都係讀救世軍(出名hea既幼稚園), 但自律、自理教得好好, 係我朋友介紹既, 一攞出世紙馬上要排隊的。我份人好有規劃, 所以, 明白小朋友上幼稚園係為咗乜, 我自己身為家長會負責乜。我唔覺得幼稚園既老師學術程度會好過我兩老, 所以根本無指望老師教佢哋乜學術。但合群, 同朋友相處, 自律自理呢D, 就交俾學校。呢間幼稚園並無令人失望。


依家小朋友營養好咗, 大腦發育好咗, 看似聰明咗, 但大腦發展係經過幾百萬年既進化, 有佢發展既規律, 要一步一步, 尤其學前, 要適當時間學適當既嘢。


不過, 如果俾我重頭再嚟, 我會更重視英語既培養, 等佢哋英文講得native一D。

Yanamami

Erin2015 發表於 17-12-21 09:24
其實我好想小朋友讀開心幼稚園和小學，中學就唔到我理了。但好多朋友都話可能會後悔
...

开心唔等同得个玩字乜都唔洗準備，学习、打好底上小学亦唔代表谷同唔开心｡我好唔明点解学野等同谷或唔开心……－切在於方法同过程｡

Yanamami

little_yolky 發表於 17-12-21 09:34
做人一定要知道自己做緊乜, 想要D乜, 咁就唔會後悔。

我兩個都係讀救世軍(出名hea既幼稚園), 但自律、自理 ...

100%同意｡父母要十二分清楚自已想要乜，理念清晰就go go go. 無野好後悔~為自己決定承担後果，唔好禁易俾身邊人你－言我－語左右｡

brother4

little_yolky 發表於 17-12-21 09:34
做人一定要知道自己做緊乜, 想要D乜, 咁就唔會後悔。

我兩個都係讀救世軍(出名hea既幼稚園), 但自律、自理 ...

原來大家孩子都是救世軍活動教學出，可惜interview差，只後備生！先入咗目標性幼稚園，好辛苦孩子，有電話有位立刻走賠償一個月學費，孩子快樂是自己的重點

YolandaTam

little_yolky 發表於 17-12-21 09:23
好奇怪, 點解你女女有咁唔好既經歷, 你再選擇都仍然會揀佢?

因為
1）小女喺屋邨幼稚園習染唔少我哋夫婦認為粗魯嘅行為例如吐口水，又或者係我本人接受唔到嘅例如喺街追逐，講嘢大聲，慈雲山啲人好多係咁，接放學嗰陣似置身街市，通街有小學生追逐甚至男仔顛到當街揭女同學條裙。老公好明顯對呢區學校有偏見，佢同我父母力主抽 HYS
2) 我無信心個女不受同學影響，佢讀咗HYS,係好明顯乖咗。心理學家都話過佢比較適合紀律嚴嘅學校
3）我女屬遇強越強嘅人，咁多年打壓都無擊倒佢，反而越打壓越勤力，越讀越好。

little_yolky

brother4 發表於 17-12-21 09:52
原來大家孩子都是救世軍活動教學出，可惜interview差，只後備生！先入咗目標性幼稚園，好辛苦孩子 ...

救世軍哪裡要interview? 只是按出生報名先後入學的。所以全班都係大B, 只有幾個好似我咁鍥而不捨既, 等到N2有位即入！救世軍真是教得好, 點解阿大可以由小一開始唔駛跟, 唔駛理。點解阿細衰成咁, 但都俾最衰既小朋友好, 都係救世軍既功勞。

Erin2015

眼見身邊朋友為子女報學校身心俱疲，由2歲開始就要報名校PG PN 面試班，入到名/好幼稚園了，又開始第二輪，K1開始報十幾二十樣外補/比賽。好了入到名/top D嘅小學，又開始準備考試、爭取名次，程分試又谷過。入到名中學，未完又繼續學這學哪。小朋友生性就還好，不太服從的，爸媽又要同仔女撐到行逼佢做功課、溫習等等。唔希望因為要入名校/爭取好名次而導致同仔女關係變差。

Yanamami

Erin2015 發表於 17-12-21 10:02
眼見身邊朋友為子女報學校身心俱疲，由2歲開始就要報名校PG PN 面試班，入到名/好幼稚園了，又開始第二輪， ...

“小朋友生性就還好，不太服從的，爸媽又要同仔女撐到行逼佢做功課、溫習等等。”

嗱~~呢个就係yolky講幼稚園时教得好既重要性嘞~从小教好自理自律有紀律，升小升中就自动導航唔辛苦~

little_yolky

YolandaTam 發表於 17-12-21 10:01
因為
1）小女喺屋邨幼稚園習染唔少我哋夫婦認為粗魯嘅行為例如吐口水，又或者係我本人接受唔到嘅例如喺街 ...

原來如此。

其實係個別學校問題而已。你只要揀天主教學校, 小朋友規矩已經教得好好, 好似間學校咁既風氣, 我反而完全接受唔到。

brother4

little_yolky 發表於 17-12-21 10:01
救世軍哪裡要interview? 只是按出生報名先後入學的。所以全班都係大B, 只有幾個好似我咁鍥而不捨既, 等到N2 ...

救世軍有全日和半日制，孩子是全日制，佢果間要interview,可以通知是後備生