如從頭再選擇。。。

Erin2015

小朋友讀緊中小學的爸爸媽媽，如果可以從頭再選，你會比小朋友讀邊間/邊類型幼稚園和小學？

YolandaTam

Erin2015 發表於 17-12-20 09:49
小朋友讀緊中小學的爸爸媽媽，如果可以從頭再選，你會比小朋友讀邊間/邊類型幼稚園和小學？
...

而家讀緊間中學嘅幼稚園，再同而家一樣入小學直升

rulerL

Erin2015 發表於 17-12-20 09:49
小朋友讀緊中小學的爸爸媽媽，如果可以從頭再選，你會比小朋友讀邊間/邊類型幼稚園和小學？
...

一分耕耘 ，一分收穫。一定唔會揀happy  school。

siden

唔會揀字都唔寫多隻或字都唔認多隻嘅super happy school

大檸樂

Erin2015 發表於 17-12-20 09:49
小朋友讀緊中小學的爸爸媽媽，如果可以從頭再選，你會比小朋友讀邊間/邊類型幼稚園和小學？
...

都係原先個間.堅happy school.字真係唔會識多一隻.學術簡單.開心上學.升小去左間所謂一線.開頭係跟得辛苦d.但原來happy sch都可以跟得到.係開始要比多少少時間+心機.而家進度幾好.所以有得簡都係不變.為左開學個幾月而辛苦2-3年....唔值!

洋蔥頭媽咪

若再揀一次都會同現時一樣，幼稚園就happy 啲，主要訓練好自理，學習態度，小學就揀一線，始終升中派位較好，初小不會太重成績，只要打好底子，家長適量放手，有自信、懂自理，越升上去就會越來越好。

brother4

题外話，司馬懿話小敗就是勝，來是打仗，—心想赢的人，真的能赢到最後？打仗，先要識善敗，敗而不羞，敗而不傷，才會笑到最後！自己25年青春讀15年的書，學校雖然重要但自己努力更加重要〈又煲劇中毒）

Yanamami

我从来無後悔过所選讀既幼、小、中学~好满意~~

Erin2015

有沒讀左happy school 而家好後悔嘅總之當初谷下佢嘅
或者讀左谷校而家好後悔嘅總之當初揀間開心嘅？

brother4

happy school點解後悔？幼兒園讀目標性，孩子不開心轉happy的，讀普通小學升中昰中文學校考全级尾尾，條條大路通羅馬，缌有方法的，一點不後悔最怕教個全级考頭，—次差少少玩笨豬跳（朋友孩子玩過）

小曳人

再揀過，真係轉，無人擔保會好咗架

我有兩個小朋友，我無後悔安排佢地一齊返學，雖然都遇到有d"唔適合"嘅問題，但無人可以保証分開佢兩個會更好

1998Ruby1998

當然滿意中小學（抽返黎嘅福氣 ），幼稚園就執左所以冇咩可以講。雖然係谷，真係入到咁好嘅學校，算係咁啦。有權利必有義務。

YolandaTam

Erin2015 發表於 17-12-20 15:11
有沒讀左happy school 而家好後悔嘅總之當初谷下佢嘅
或者讀左谷校而家好後悔嘅總之當初揀間開心嘅？
...

如果早知會抽返自己母校小學，一定唔幫個女揀屋邨幼稚園。因為呢間幼稚園，小女初小三年飽受老師同學排擠歧視。

bonn1231

幼稚園Happy school 唔緊要，最緊要個底打的好，因為我個件是讀國際幼稚園，咁去選咗一間英文私小去讀，考完第一個試見完家長，我的results 是小朋友個詞彙唔夠多，差一皮，初頭谂住点英文都唔會咁衰，点不知，我都冇眼睇，現在急忙補底。

momama

兩個女讀唔同嘅學卷幼稚園，冇後悔，好抵！

October.

平價屋邨幼稚園，讀完三年全日班，中文識得睇“工地出入口”，英文就係26個字母及GOOD MORNING , MISS CHAN ! 咁上下，我地已經好開心>>>津貼小學>>>津貼中學,最后目標達到：資助大學。

滿意，知足。

shadeslayer

October. 發表於 17-12-20 20:33
平價屋邨幼稚園，讀完三年全日班，中文識得睇“工地出入口”，英文就係26個字母及GOOD MORNING , MISS CHAN ...

十年前私幼畢業都係識嗰D中文字，而家k2都嫌太淺，幼稚園教育發生咩事？

October.

shadeslayer 發表於 17-12-20 20:44
十年前私幼畢業都係識嗰D中文字，而家k2都嫌太淺，幼稚園教育發生咩事？
...

真心覺得幼稚園唔需要程度咁深，不過，時代不同，考入名小學為很多家長目標，認為幼稚園深啲基礎打好啲，被名小取錄機會大啲啩，又或者銜接初小時容易啲，如果後者，我認為真冇必要。

siden

YolandaTam 發表於 17-12-20 16:57
如果早知會抽返自己母校小學，一定唔幫個女揀屋邨幼稚園。因為呢間幼稚園，小女初小三年飽受老師同學排擠 ...

點解ar?

通常，上咗小學冇乜人會理你從邊間幼稚園出黎

YolandaTam

siden 發表於 17-12-20 23:30
點解ar?

通常，上咗小學冇乜人會理你從邊間幼稚園出黎

我本來同你睇法相同, 但原來我錯了!

七年幾前,小女升小一, 七月迎新活動第一日見班主任同喺家長唔知情下做咗個PHONICS TEST.  

見班主任, 逐個喺全班面前介紹自己同埋喺邊間幼稚園嚟.  小女返嚟話有十位以上同學來自附屬幼稚園, 幾位根德園, 兩個基督中心堂, 一個培道, 仲好似有啲維多利亞或九龍塘其他幼稚園.  佢一講自己係某中英文幼稚園, 全班大笑, 老師問喺邊區.  

PHONICS TEST,佢完全唔識, 老師叫我哋俾錢佢喺學校上英文(點知係林X德間中心嘅班).  因為小女K3嗰年幼稚園請唔到普通話同英文老師, 完全冇教呢兩科,  嗰陣我又嚴重情緒病無法教小女英文, 小一第一個星期英文跟唔到, 老師打咗幾次電話叫我請補習,  同學話佢喺慈雲山山旯旮幼稚園出嚟, 唔同佢玩.

從此, 小女被標籤:
1) 出身唔好, 因而乜嘢都唔好
2) 英文差

到今年中二, 標籤才淡化.