(九龍塘York)請問有沒有家長分享一下仔女在york校舍生活？

雲妮兒

(九龍塘York)請問有沒有家長分享一下仔女在york校舍生活？我個仔已決定黎緊出年讀K1上午國際班，成日睇見網上啲人話呢間學校又商業又多大陸土豪又只係啲家長作後備嘅選擇，仔女係York讀被人睇唔起...等等！ 身邊啲朋友又叫我諗清楚(本身都有九龍塘迦南offer、劍鳴offer，但我較喜歡york！)，唉...
本來我對呢間學校都好有信心，搞到我依家都好擔心揀錯幼稚園！undefined


有冇用家依家或之前係讀緊呢間學校讀過？ 請大家出聲發表一下，給我和其他家長多啲資料support，幫呢間學校抱下不平丫！

junnieip

回覆 雲妮兒 的帖子

現 York K1 用家, 學校行政係有點混亂, 但唔影響小朋友學習.   學校既教學方式我覺得好適合我小朋友.

如果學校真係好似外傳咁差, 就唔會每年都仲有咁多家長願意每月花 $6xxx 學費 + 雜費比小朋友讀.  九龍塘分校, 有 700幾個K1小朋友.

有認識媽媽為左 york 而放棄 St. Cat., KV, 亦有大量媽媽選擇弟妹跟尾讀 York.  

小朋友係自己既, 只有父母先最清楚邊種教學最適合, 非用家既意見無需太在意.

maomaofafa

我大仔K2國際班啦，佢由PN讀到而家，超細B。初頭好擔心架，因為佢咁細唔知可否適應學校生活。但眼見PN佢返兩日學已經無喊，仲主動牽老師的手去班房。感覺放心了。PN同K2的老師都好盡責，事事交代，經常電話聯繫。係K1果個無咁熱情，不過佢都無做了。對YORK的老師好滿意。3年來的NET也相當熱情專業。對小朋友好好。同佢哋傾計都知佢哋係有觀察同了解小朋友。學校教英文phonics活潑生動，不是印度菲律濱口音。小朋友學得好好。以前我仔好文靜，表達能力不太好。但而家真係進步咗好多，學校功不可沒。而且同同學感情也好好，佢返學好開心。呢樣真的最緊要。學校好多活動，搞得有聲有色，小朋友好enjoy。不過真的要家長自己更多啲中文，多讀中文書認字，因為YORK可能英文太強，小朋友會側重咗。不過學校教普通話也不俗。另外學校有搞興趣班，包括考證書的，又有校車。同朋友比較過甚至比出面平。可謂一條龍服務，其實好方便。甚至好多證書可以在校內考，成績事半功倍。因為幾滿意學校，所以嚟緊細仔雖然係大B也會跟著讀YORK。不過身邊好多未讀過的會好多閒言閒語，聽咗可能會唔開心。但小朋友讀得好我覺得就夠。我自己都聽唔少朋友講對佢哋自己小朋友讀的名幼的不滿。所以我偏向相信用家的意見。希望幫到你。

PABB124

雲妮兒 發表於 17-12-17 21:00
(九龍塘York)請問有沒有家長分享一下仔女在york校舍生活？我個仔已決定黎緊出年讀K1上午國際班 ...

希望我的真正用家分享可以幫到你，回想當日我為我小朋友揀學校時，都會睇到某些網上留言話York 好商業化，等⋯初時都會同你一樣擔心。但最後我係沒有選擇錯，囡囡由Pn 讀到宜家K1 每一天都開心返學，學校老師好愛錫小朋友令我好放心！見識過學校活動式教學連我呢個大人都覺得好吸引有趣，小朋友好容易就吸收知識入晒腦。我囡囡最鐘意學校成日舉辦好多不同的活動，非常投入去玩！有些課外活動可自行選擇不是強逼的，而學校行政上我覺得已慢慢改進中，而學費平或貴每人準則不同，另外我遇過校內的內地學生或家長都是有禮貌有家教的！

pokipoki

PABB124 發表於 17-12-22 00:36
希望我的真正用家分享可以幫到你，回想當日我為我小朋友揀學校時，都會睇到某些網上留言話York 好商業化， ...

你係國際班？

JLLmama

我只係想講york 係比較多內地人讀同k1 -k3 老師質素參差，你可以參考網上資料york 有學位/幼兒教育文憑的老師比其他九龍塘名幼較少.

而所謂的國際班，net 在中文和普通話堂會離開課室（應該係去教其他雙語班英文），校長也曾經在seminar 上confirm net 在課室時間約1.5 to 2 hrs per day (雖然話有net as a class teacher 但不是長駐課室). 而果日我係大校上seminar時，目測帶小朋友到playground 玩的只有本地老師，所以我學得net 時間只有1.5 hrs per day, 這點你要有心理準備同明白.

不過我朋友圈也有小朋友讀york k1 to k3, 佢地comment 係positive- phonics 教得好好同小朋友返學開心. 雖然佢地最後都冇私校/直資offer. 不過話小朋友上小學後都跟得上進度.

如果你target 英文強，km 也是個好選擇，我見小朋友多用流利英溝通.

我係pn 用家only, 老師比較有經驗同細心，小朋友喜歡net 老師，k1 有york 國際班offer 不過仲考慮緊.

JLLmama

雲妮兒 發表於 17-12-17 21:00
(九龍塘York)請問有沒有家長分享一下仔女在york校舍生活？我個仔已決定黎緊出年讀K1上午國際班 ...

九龍塘迦南是一間不錯既幼稚園，但英文比較弱.

如果target 英文強，應該只考慮km 同 york.

BEE仔

我兒子現正在九龍塘York 讀K3本地班, 由K1讀到現在，每天開心上學。就算病了，也堅持上學。他曾說希望一年三百六十五天沒有假期，因為想每一天都上學去。說到商業，全港那間私校不賺錢？York 大部分的東西活動，都是自由參加。從來沒有強迫性，不會因為不購買而收到任何不公對待。今年我的兒子考了六間直資私校，現在有培僑(已交留位費）及優才（家長現正上課），另外陳守仁和英華已經進入了第三次面試。今年是龍年的瘋狂競爭年，而我的兒子作為細B (9月尾出生）成績也算是不俗。希望這些真實正面的評價和為你帶來一點信心。

Lukebaby

雲妮兒 發表於 17-12-17 21:00
(九龍塘York)請問有沒有家長分享一下仔女在york校舍生活？我個仔已決定黎緊出年讀K1上午國際班 ...

我個女都係明年K1，你係雙語定國際班？

Lukebaby

JLLmama 發表於 17-12-24 04:26
我只係想講york 係比較多內地人讀同k1 -k3 老師質素參差，你可以參考網上資料york 有學位/幼兒教育文憑的老 ...

我係明年雙語班想轉國際班唔知難唔難

雲妮兒

junnieip 發表於 17-12-18 12:07
回覆 雲妮兒 的帖子

現 York K1 用家, 學校行政係有點混亂, 但唔影響小朋友學習.   學校既教學方式我覺得 ...

行政點混亂? 有沒有例子？

雲妮兒

maomaofafa 發表於 17-12-18 21:40
我大仔K2國際班啦，佢由PN讀到而家，超細B。初頭好擔心架，因為佢咁細唔知可否適應學校生活。但眼見PN佢返 ...

謝謝你！ 非常詳細！其實讀國際班英文係咪真的會好好多？
我現在也安心好多，我今年2月13日會到York第二次註冊！

雲妮兒

PABB124 發表於 17-12-22 00:36
希望我的真正用家分享可以幫到你，回想當日我為我小朋友揀學校時，都會睇到某些網上留言話York 好商業化， ...

謝謝！請問你每月學費交幾多錢？ 是否有報多元智能班？
若有報，Total連學費及其他費用平均每月幾錢？？( x12月)

雲妮兒

pokipoki 發表於 17-12-24 03:52
你係國際班？

係呀！

雲妮兒

JLLmama 發表於 17-12-24 04:26
我只係想講york 係比較多內地人讀同k1 -k3 老師質素參差，你可以參考網上資料york 有學位/幼兒教育文憑的老 ...

咁你今年2018年2月13日會唔會去第二次註冊呀？

雲妮兒

JLLmama 發表於 17-12-24 04:35
九龍塘迦南是一間不錯既幼稚園，但英文比較弱.

如果target 英文強，應該只考慮km 同 york.

我都係想小朋友英文強，因為覺得學好英文係由細開始，愈早愈好。
咁你覺得 劍鳴好 定 York好？（如果唔計學費）

雲妮兒

BEE仔 發表於 18-1-17 19:07
我兒子現正在九龍塘York 讀K3本地班, 由K1讀到現在，每天開心上學。就算病了，也堅持上學。他曾說希望一年 ...

現在有結果未？ 我也想知道York小一派位情況！ 其實York d學生大多數會派去邊度？

雲妮兒

Lukebaby 發表於 18-1-23 14:14
我個女都係明年K1，你係雙語定國際班？

明年？ 18／19？19／20？



我個仔係國際班。 你呢？

pokipoki

我係雙語班